Jeremia 25:4 - O Debleskro Lab 2024 (Sinte-Manouche)

⁴ Boud kope bičras o baro Devel leskre rakepangre, kay leske boudran. T'mer kaman gar ap lende te shounell, oun kran t'mare kanda pandlo, oun dan kek garda ap lengre laba.

O Debleskro Drom 2021 (Sinte)

⁴ Bud kope bitchras o baro Dewel leskre rakepangre, kai leske budran. Tumer kaman gar ap lende te shunell, un kran tumare kanda pandlo, un dan kek garda ap lengre laba.

Jeremia 25:4 Iomraidhean Croise

2. Familjakro liil 24:19

Oun o baro Devel bičras peskre rakepangren pash lende, te venn le pale pale pash o baro Debleste. Ninna te dan kolla len trad, shounan i menshe gar ap lende.

2. Familjakro liil 33:10

Ninna te das o baro Devel o Manasse trad oun i menshen an leskro them, dan yon gar garda koy pre.

Jeremia 16:12

T'mer kran boudeder čilačepen har t'mare phoure. Hakeno t'mendar djivell pal peskro shero oun peskro čilačo dji. Ap mande shounell kek.

Jeremia 17:23

Yon shounan gar ap mande, oun dan gar yak ap mire laba, djan pal pengro shero, oun rikrenn pen gar ap kova, hoy lenge penom.

Jeremia 18:12

Yon penenn: “Na-a, hoske? Mer kamah yaake te djivell, har mer kamah.” Oun hakeno djal pal peskro shero oun krell, hoy leskro čilačo dji leske penella.

Jeremia 19:15

O baro Devel, o ray pral o bolepen oun i phoub, kay o Israeleskro Devel hi, penell: I menshe an Yerusalem oun an i gaba oun forya trouyel pandan pengre djia, oun kamenn mire laba gar te shounell. Doleske anau pral lende koy tseli bibarht, hoy lenge glan-vi penom.

Jeremia 22:21

Yerusalem, har djas touke gomme mishto, dom me tout trad. Tou penal, me dau gar yak ap kova, hoy lo rakrell. Yaake kral hako tsiro. Ninna har tou gomme terno hals, shounal gar ap mande.

Jeremia 25:3

O baro Devel rakras mantsa biish-te-triin bersha, foun ko deesh-te-triinto bersh, kay o Yosia, koleskro dad o Amon his, o baro ray his pral o them Youda, bis kava dives. Oun me penom t'menge leskre laba pale te pale. Oun t'mer kaman len gar te shounell.

Jeremia 25:7

T'mer kaman gar ap mande te shounell, penell o baro Devel. T'mare deblentsa, hoy kran t'menge, rhoyran man yaake boud, te dap t'men t'mari phagi.

Jeremia 29:19

Kova vell pral lende doleske, kay shounan le gar ap kol laba, hoy mire rakepangre lenge pale te pale penan. Yon kaman gar te shounell, penell o baro Devel.

Jeremia 32:33

kolla lauter sikran mange pengro doumo oun gar lengro mouy. Ninna te dom me lenge an hako tsiro sikepangre, kay sikran len miro drom, kaman yon gar te shounell, oun moukan gar pengro phouro djipen.

Jeremia 36:31

Me moukau i phagi te vell pral toute, tire čavende oun pral i pralstunende pash toute t'maro čilačepaske. Pral t'mende oun kolende an Yerusalem oun Youda anau me koy tseli bibarht, kolah t'men trad dom, doleske kay kek t'mendar shounas ap mande.

Jeremia 6:17

Ninna dom t'men menshen, kay denn yak ap t'mende. Denn garda koy pre, te phourdenn le i phourdepaskri, hoy sikrella: Bibarht vella … Yon penan: Mer kamah len gar te shounell.

Zakarie 1:4

Ma avenn har t'mare phoure! Glan boud bersha penan lenge mire rakepangre mire laba oun penan: Kava penell o baro Devel, ko ray pral o bolepen oun i phoub: Moukenn t'mare čilače dromma! Ma krenn bouder gar čilačo koova! Yon shounan gar ap mande oun kran gar, hoy lenge penom.

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.