Jeremia 25:3 - O Debleskro Lab 2024 (Sinte-Manouche)

³ O baro Devel rakras mantsa biish-te-triin bersha, foun ko deesh-te-triinto bersh, kay o Yosia, koleskro dad o Amon his, o baro ray his pral o them Youda, bis kava dives. Oun me penom t'menge leskre laba pale te pale. Oun t'mer kaman len gar te shounell.

O Debleskro Drom 2021 (Sinte)

³ O baro Dewel rakras mantsa biish-te-triin bersha, fun ko deesh-te-triinto bersh, kai o Josia, koleskro dad o Amon his, o baro rai his pral o them Juda, bis kau diwes. Un me penom tumenge leskre laba pale te pale. Un tumer kaman len gar te shunell.

Jeremia 25:3 Iomraidhean Croise

1. Mose 22:3

Koy stas o Abraham sik taysarlakro pre, kras kasht tikno rhačepaske, čivas ko kasht ap peskri bourika oun las douy boudepangre oun peskro čaves Isaak peha, oun djas kote, kay o Devel leske penas.

1. Rajengro liil 22:3

Oun o baro ray pral o them Israel penas ap leskre boudepangre: “Djinenn t'mer gar, kay o foro Ramot an o them Gilead maro hi? Hoske rikrah men pale, oun lah les gar dran o vast o baro rayestar pral Syria?”

2. Rajengro liil 17:13

Oun o baro Devel das kol menshen an o them Israel oun an o them Youda trad, har moukas lo peskre rakepangre oun dikepangre lenge te penell: “Moukenn t'maro čilače dromma! Oun krenn hoy me penau! Oun djivenn pal miro čačepen! Oun djan t'maro tselo djiyeha ap miro drom, hoy sikrom t'mare phourende. Oun djivenn pal kol laba, hoy penan t'menge mire boudepangre, kay mire rakepangre hi.”

2. Familjakro liil 24:19

Oun o baro Devel bičras peskre rakepangren pash lende, te venn le pale pale pash o baro Debleste. Ninna te dan kolla len trad, shounan i menshe gar ap lende.

2. Familjakro liil 34:1

O Yosia his orhta bersha, har vas lo baro ray; oun yob his 31 (triyanda-te-yek) bersha baro ray an o foro Yerusalem.

2. Familjakro liil 34:3

Har lo an o orhtato bersh baro ray his, oun gomme i terno morsh his, rodas lo ko Debles, koles leskro phouro dad, o David, an-mangas. Oun an o 12. (deesh-te-douyto) bersh kras lo pes ap i boudi, te vitsrell lo dran o them Youda oun dran o foro Yerusalem kol rhorhene deblen oun figuren krik. Koy pashel his ninna i figure, hoy i debletsa Ashera sikrenn.

2. Familjakro liil 34:8

Oun har o Yosia an o 18. (deesh-te-orhtato) bersh baro ray his, oun ko them oun o Debleskro kheer djoudjo kras i rhorhene deblendar, koy bičras lo triin morshen, te krenn le kova pale neves, hoy an peskro baro Debleskro kheer paash djas. Kol triin morsha his o Shafan, koleskro dad o Azalya his, oun o Maasseya, ko moskro, oun o Yoa; kova his leskro činepaskro, kay i lila činas, leskro dad his o Yoakaz.

2. Familjakro liil 36:15

Oun o baro Devel, lengro phourengro Devel, bičras boud bičepangren pash lende, te dell lo len trad. Les khaytan peskre menshen oun peskro kheer.

Debleskri gili 81:13

Yaake moukom len kova te krell, hoy yon kaman, oun moukom len pal pengro shero te djal.

2. Mose 8:20

Oun o baro Devel kras kova yaake. Oun i matsille, hoy čourye denn, van an o Faraeskro kheer oun an i khera kol pralstunendar oun an o tselo them Egiptia. Yaake vas kova i bari bibarht o tselo themeske.

Jesaja 55:2

Hoske denn love koleske, hoy kek maro hi? Hoske denn t'mer kova, hoy t'mer t'mari phari boudjake lan, čomoneske vin, hoy gar čalo krell? Shounenn ap mande, palle vell t'men lačo koova te rhal, oun nay rhan t'men čalo ap i feteder rhapen.

Jeremia 1:2

O baro Devel rakras ap o Yeremia, har o Yosia, koleskro dad o Amon his, an o 13 (deesh-te-triinto) bersh o baro ray pral o them Youda his.

Jeremia 11:7

Me dom t'mare phouren trad ap ko dives, har anom len dran Egiptia vin, bis ap kava dives, oun penom lenge pale te pale: Shounenn ap miro rakepen!

Jeremia 19:15

O baro Devel, o ray pral o bolepen oun i phoub, kay o Israeleskro Devel hi, penell: I menshe an Yerusalem oun an i gaba oun forya trouyel pandan pengre djia, oun kamenn mire laba gar te shounell. Doleske anau pral lende koy tseli bibarht, hoy lenge glan-vi penom.

Jeremia 22:21

Yerusalem, har djas touke gomme mishto, dom me tout trad. Tou penal, me dau gar yak ap kova, hoy lo rakrell. Yaake kral hako tsiro. Ninna har tou gomme terno hals, shounal gar ap mande.

Jeremia 25:4

Boud kope bičras o baro Devel leskre rakepangre, kay leske boudran. T'mer kaman gar ap lende te shounell, oun kran t'mare kanda pandlo, oun dan kek garda ap lengre laba.

Jeremia 29:19

Kova vell pral lende doleske, kay shounan le gar ap kol laba, hoy mire rakepangre lenge pale te pale penan. Yon kaman gar te shounell, penell o baro Devel.

Jeremia 32:33

kolla lauter sikran mange pengro doumo oun gar lengro mouy. Ninna te dom me lenge an hako tsiro sikepangre, kay sikran len miro drom, kaman yon gar te shounell, oun moukan gar pengro phouro djipen.

Jeremia 35:14

Kol laba, hoy penas o Yonadab, koleskro dad o Rekab his, peskre menshenge, kay pal leste venna, rikrenn yon dren bis ap kava dives, oun piyenn kek mool, yaake har lengro dad lenge penas. Me moukom t'menge pale te pale mire laba te penell, oun t'mer shounenn gar, hoy me penau.

Jeremia 35:15

Me bičrom t'menge pale te pale mire rakepangre, kay mange boudrenn, oun moukom t'menge te penell: Djan tele, hakeno peskro čilačo dromestar! Moukenn t'maro čilačo koova, oun nashenn bouder gar moule deblenge palla, te mangenn len an! Palle nay ačenn an kava them, hoy me t'menge oun t'mare phourenge dom. T'mer dan gar yak ap mire laba oun shounan gar ap mande.

Jeremia 36:1

O Yoyakim, koleskro dad o Yosia his, kova his an o starto bersh baro ray pral o them Youda, koy penas o baro Devel ap o Yeremia:

Jeremia 36:2

Le i liil oun čin halauter dren, hoy penom touke pral o Israel oun o Youda, oun i menshende an kol tsele vavar themma dran ko tsiro, kay o baro ray Yosia djivas bis kava dives.

Jeremia 44:4

Oun me bičrom lenge pale te pale mire rakepangre, kay mange boudran, oun moukom lenge te penell: “Ma krenn sau djoungelo koova, kay man zoryah rhoyrenna!”

Jeremia 7:13

T'mer kran ninna lauter savo koova, penell o baro Devel. Oun me rakrom pale te pale t'mentsa, oun t'mer kaman gar te shounell. Oun me dom t'men gole, oun t'mer penan koy pre či.

Jeremia 7:25

Foun ko dives, har me t'mare phouren dran Egiptia anom bis kay dives, bičrom pale te pale mire boudepangren pash t'mende, kol rakepangren, kay mire laba doureder penan.

Ezekiel 33:4

Te shounell yek palle i phourdepaskri, oun dell gar yak koy pre, oun i lourde venna oun denn les moulo, palle hi les kokres doosh ap peskro merepen.

Zakarie 1:4

Ma avenn har t'mare phoure! Glan boud bersha penan lenge mire rakepangre mire laba oun penan: Kava penell o baro Devel, ko ray pral o bolepen oun i phoub: Moukenn t'mare čilače dromma! Ma krenn bouder gar čilačo koova! Yon shounan gar ap mande oun kran gar, hoy lenge penom.

Markus 1:35

Oun taysarlake, glan o dives, stas lo pre, oun djas kote, kay lo kokres hi. Oun kote rakras lo o Debleha.

Johanni 8:2

O vavar dives taysarlake vas yob pale an o Debleskro baro kheer. Oun i tsele menshe van pash leste. Oun yob beshas pes tele, oun penas lenge o Debleskro lab.

Johanni 8:47

Koon o Deblestar vella, shounella ap kova, hoy o Devel penella. T'mer venn gar lestar. Doleske shounenn t'mer gar ap leskre laba.”

2. Timoteo 4:2

Pen i menshenge o Debleskro lab! Kre kova oun mouk gar tele, ninna te kamenn i menshe kova gar te shounell! Sike len lengri doosh! De len trad, te moukenn le o čilačepen! Kre lengre djia zoreles an o patsepen! Oun ab gar khino, te sikress len o čačo drom!