Jeremia 25:22 - O Debleskro Lab 2024 (Sinte-Manouche)

²² i bare raya an i forya Tirus oun Sidon; i bare raya an i themma vergel o baro pani;

O Debleskro Drom 2021 (Sinte)

²² i bare raja an i forja Tirus un Sidon; i bare raja an i themma wergel o baro pani;

Jeremia 25:22 Iomraidhean Croise

Jesaja 23:1

Kate sikrell o Devel, hoy pral o foro Tirus vella: “T'mer ap i shiffe, kay venn khere dran Tarsis, rovenn! O foro Tirus hi khetne phagedo. Kek kheer ačas tardo.” Har van le pash o them Kittim, shounan le kova.

Jesaja 23:15

An ko tsiro vell o foro Tirus 70 (efta-deesh) bersha bistedo, yaake boud bersha har i baro ray djivell. Pal kol 70 bersha djal o foreske Tirus yaake har koy loubyake an koy gili:

Jesaja 23:4

Kanna ladjenn t'men, t'mer menshe an o foro Sidon! O Tirus, ko zorelo foro pash o baro pani, ap koleste tout rikral, penell: “Me hom har i djouvel, kay kek čaven las. Vau bouder gar day, oun tserdau kek terne morshen oun kek terne ča pre.”

Jeremia 27:3

Man hi i lab kol bare rayenge pral i themma Edom, Moab, Ammon, Tirus oun Sidon. Lengre bičepangre hi an Yerusalem pash o baro rayeste Sedekya. Mouk lenge te penell,

Jeremia 31:10

Shounenn, t'mer menshe dran vavar themma, hoy o baro Devel penell! Djan pral o baro pani pash i panyeskre themma, oun rakrenn kote leskre laba! Penenn: Kova, kay tradas o Israel an boud themma, kova lell len pale khetne oun dell garda ap lende har i bakrengro ap peskre bakre garda dell.

Jeremia 47:4

Ko dives vas, kay nashrenn i tsele Filistarya pengro djipen. Kek ačell djido, kay nay vals kol foryenge Tirus oun Sidon ap i rig. O baro Devel marell kol Filistaryen, kolla kay ačan kolendar pral, kay van dran ko panyeskro them Kreta.

Ezekiel 27:27

Tiro bravlepen oun parepaskro koova, halauter hoy tout his, perell an o baro pani. Kol morsha, kay ap o shiffo boudrenn, oun les oulerenn, oun kolla, kay krenn, te djal kek pani dren, tire parepangre, tire lourde, tire boudepangre, kay an toute hi, halauter tassenn an o baro pani. Ap ko dives kay tou djal tele, djan le halauter khetne touha tele.

Ezekiel 28:1

Oun o baro Devel penas ap mande:

Ezekiel 28:20

Oun o baro Devel penas ap mande:

Ezekiel 28:21

Tou, mensho, dik kote, kay o foro Sidon hi, oun pen glan-vi, hoy pral o foro vella!

Ezekiel 29:18

Tou, mensho, shoun! O Neboukadnezar, ko ray pral o them Babilonia, moukas peskre lourden i phari boudi te krell, har lan le o foro Tirus dren: Ap lengre sherya his bouder kek balla, oun lengre phika his pre oun yek doukepen. Fothe yon ninna boudran, an o foro Tirus his leske oun leskre lourdenge kek playsepen.

Ezekiel 32:30

Kote hi i pralstoune pral i tsele themma, kay hi kote čiddo, kay norden hi. Kote hi ninna i tsele Sidonarya, kay pash kolende tele djan, kay van maredo. Ninna te kran le vavarenge bari daar, hi kanna lengri bari zoor paash dino. Yon hi gar činlo ap pengro mass oun hi čiddo pash kolende, kay o rhareha maredo van, oun hidjrenn pengri ladj khetne kol vavarentsa an o moulengro them.

Ezekiel 39:6

Oun me bičrau yag ap i forya an o them Magog, oun ap kolende, kay djivenn pash o baro pani, oun kolen kek daar hi vavarendar. Palle dikenn oun hayvenn le, te hom me o baro Devel.