Jeremia 22:28 - O Debleskro Lab 2024 (Sinte-Manouche)

²⁸ Yek nay penals: Hoske kreh tou ko morsheha Konya yaake har i khoreha, hoy an kotya dino vas, oun hoy kek kamell? Hoske vell yob oun leskre čave krik tradedo, oun zoryah an i vavar them anlo, hoy prindjrenn le gar?

O Debleskro Drom 2021 (Sinte)

²⁸ Jek nai penals: Hoske kreh tu ko mursheha Konja jaake har i khoreha, hoi an kotja dino was, un hoi kek kamell? Hoske well job un leskre tchawe krik tradedo, un sorjah an i wawar them anlo, hoi prindjrenn le gar?

Jeremia 22:28 Iomraidhean Croise

2. Samuel 5:21

Har i Filistarya nashan penge, lan le pengre rhorhene deblen gar pentsa. O David oun leskre lourde lan len peha.

2. Familjakro liil 21:20

32 (triyanda-te-douy) bersha his lo, har vas lo baro ray. Oun 8 (orhta) bersha his lo o baro ray an o foro Yerusalem. Kekes khaytas leskro merepen. Ninna te paskran le les an o Davideskro foro, his leskri grufta gar an o moulengro kheer, kay i vavar bare raya paskedo van.

Debleskri gili 31:12

Kolla, kay mange čilačepen kamenn, san pral mande. Gomme djoungleder kran mange kolla, kay djivenn langs mande. Mire mala trashenn mandar. Te dikenn le man ap o drom, nashenn le penge mandar.

Jeremia 14:18

Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

Jeremia 15:1

Oun o baro Devel penas ap mande: Ninna te vals o Mose oun o Samuel glan mande tardo, kroms me kal menshenge miro dji gar pre. Trade len krik mandar, oun mouk len te djal!

Jeremia 16:12

T'mer kran boudeder čilačepen har t'mare phoure. Hakeno t'mendar djivell pal peskro shero oun peskro čilačo dji. Ap mande shounell kek.

Jeremia 17:4

Oun t'mer hounte djan dran kava them, hoy dom t'men hako tsireske. Oun me krau, te venn t'mer boudepangre kolenge, kay rikrenn t'men tele an i them, kay prindjrenn gar. Miri rholi hi har i yag, hoy gar bouder vin djala.

Jeremia 22:27

Tou veh gar pale an kava them, ninna te kameh o djiyestar pale te vell.

Jeremia 22:30

Kova penell o baro Devel: An ko liil, kay o bare rayengre laba dren činlo venna, činenn kava morsheskro lab yaake, har te vals yob kek čaventsa, oun koleske či mishto djas an peskro tselo djipen. Kek leskre čavendar vell baro ray pral o them Youda oun beshdo ap o Davideskri beshepaskri.

Jeremia 24:1

His an ko tsiro, kay anas o Neboukadnezar, ko baro ray dran o them Babilonia, o baro rayes pral Youda, o Yekonya, koleskro dad o Yoyakim his, pandles dran Yerusalem an o them Babilonia. Khetne leha anas lo i pralstunen pral Youda krik, ninna kolen, kay hayvan o kashteha oun o sasteha te boudrell. An ko tsiro sikras man o Devel douy korbe, kay fayge dren his, tardo glan o baro Debleskro kheer.

Jeremia 27:20

hoy o baro ray dran Babilonia, o Neboukadnezar, gar peha las, har anas lo o baro rayes pral o them Youda, o Yekonya, koleskro dad o Yoyakim his, an o them Babilonia, khetne kol pralstunentsa dran o them Youda oun dran o foro Yerusalem.

Jeremia 37:1

O Sedekya, koleskro dad o Yosia his, vas o baro ray pral o them Youda. Koles čivas o baro ray dran Babilonia, o Neboukadnezar, dren, te vell lo baro ray pal o Konya. Kova his o čavo o Yoyakimestar.

Jeremia 48:38

Pral ap i khera an o tselo them Moab, oun ap leskre tsele dromma denn le bares gole. O baro Devel penell: Me phagom o them Moab an kotya har i khoro, hoy kek bouder kamella.

Hosea 13:15

Ninna te hi o Efrayim mank peskre phralende har i zenelo rouk, hoy hidjrell lače roukengre, bičrell o baro Devel i tato dourho, hoy vell kotar, kay o kham pre djal. Dran o moulo tato them vell lo, oun krell, te venn i tsele panya trouk. Oun yob lell leskro tselo bravlepen lestar krik, – ko tselo kouč koova.

Hosea 8:8

O Israel hi nashedo; i menshenge dran i vavar themma troul lende, hi lo har i piri, hoy či moldo hi.