Jeremia 22:27 - O Debleskro Lab 2024 (Sinte-Manouche)

²⁷ Tou veh gar pale an kava them, ninna te kameh o djiyestar pale te vell.

O Debleskro Drom 2021 (Sinte)

²⁷ Tu weh gar pale an kau them, ninna te kameh o djijestar pale te well.

Jeremia 22:27 Iomraidhean Croise

Debleskri gili 86:4

Miro dji djal pal toute, baro Devel. Kre man pale barhtelo. Me hom tiro boudepaskro.

Jeremia 22:10

Ma rovenn pral koleste, kay meras, ko baro ray Yosia. Ma denn gole i doukatar leske! Na-a, rovenn pral leskro čaveste, kay vas krik anlo, o baro ray Yoakaz. Kova vell bouder gar pale, te dikell lo kava them pale.

Jeremia 22:11

Har o baro ray Yosia meras, vas leskro čavo, o Shalloum, baro ray pral o them Youda. Oun yob vas pandles krik anlo an o them Babilonia. Pral koleste penell o baro Devel: Yob vell bouder gar pale an Youda.

Jeremia 22:12

Yob merell an i dour them oun dikell bouder gar peskro them pale.

Jeremia 22:26

Oun me tradau tout oun tiri dat an i vavar them, kay gar khere han. Kote merenna t'mer douy.

Jeremia 22:28

Yek nay penals: Hoske kreh tou ko morsheha Konya yaake har i khoreha, hoy an kotya dino vas, oun hoy kek kamell? Hoske vell yob oun leskre čave krik tradedo, oun zoryah an i vavar them anlo, hoy prindjrenn le gar?

Jeremia 28:4

Ninna anau o baro rayes pral Youda pale an kava foro, o Yekonya, koleskro dad o Yoyakim his, khetne kol tsele menshentsa, kay dran o them Youda an o them Babilonia pandles anlo van. Ava, phagau i zoor o baro rayestar dran Babilonia. Kova penell o baro Devel.”

Jeremia 42:18

Doleske penell o baro Devel, ko ray pral o bolepen oun i phoub, kay o Israeleskro Devel hi: Te djan t'mer an o them Egiptia, vell miri zoreli rholi yaake pral t'mende har vas li pral i menshende an o foro Yerusalem. An o them Egiptia han har praasede menshe. Pral kolende denn le i vasta khetne pral o shero. Yon san pral t'mende. Oun te kamenn le yekes te praasell, penenn le: Mou djal touke har i Israelenge an o them Egiptia! Oun kava them, kay kanna han, dikenn t'mer bouder gar.

Jeremia 44:14

Kek kolendar, kay pral ačan an o them Youda, oun kate an o them Egiptia van, te djivenn le kate, nay nashell krik oun ačell djido. Yon venn bouder gar pale an o them Youda, ninna te kamans le pale pale te djal, oun kote te djivell. Kokres i vast pherdo lendar nay nashell peske oun nay vell kote pale.