Jeremia 21:1 - O Debleskro Lab 2024 (Sinte-Manouche)

¹ O baro ray Sedekya bičras douy morshen pash o Yeremia. Ko yek his o Pashour, koleskro dad o Malkiya his, oun ko vavar his o rashay Sefanya, koleskro dad o Maasseya his. Oun o Sedekya moukas leske te penell:

O Debleskro Drom 2021 (Sinte)

¹ O baro rai Zedekja bitchras dui murshen pash o Jeremia. Ko jek his o Pashur, koleskro dad o Malkija his, un ko wawar his o rashai Zefanja, koleskro dad o Maaseja his. Un o Zedekja mukas leske te penell:

Jeremia 21:1 Iomraidhean Croise

2. Rajengro liil 22:13

“Djan koy oun poučenn o baro Debles mange oun i menshenge an o them Youda, pral kol laba an ko liil, hoy hatslo vas. Mare phoure shounan gar ap kol laba, hoy kote tardo hi, oun djivan gar yaake, har kote tele činlo hi. Doleske hi o baro Debleskri rholi bares ap mende čiddo.”

1. Familjakro liil 3:15

Oun i čave o morshestar Yosia his: o phoureder his o Yohanan, o douyto his o Yoyakim, o triinto his o Sedekya, o starto his o Shalloum.

1. Familjakro liil 9:12

ninna o Adaya, koleskro dad o Yeroham hi, koleskro dad o Pashour hi, koleskro dad o Malkiya hi, oun o Maasai, koleskro dad o Adiel hi, koleskro dad o Yasera hi, koleskro dad o Meshoullam hi, koleskro dad o Meshillemot hi, koleskro dad Immer hi.

2. Familjakro liil 36:17

Oun o baro Devel moukas o baro rayes Neboukadnezar dran o them Babilonia pral lende te vell. Leskre lourde maran i terne morshen o rhareha, ninna an o Debleskro kheer. O baro rayes dran Babilonia khaytas kek, gar i terne morsha, vitar gar i terne ča, gar i phoure, ninna te his le nasselo. Halauteren das o baro Devel an leskro vast.

Nehemia 11:12

Khetne lengre phralentsa, kay an o Debleskro kheer boudran, his le 822 (orhta-sheel-te-biish-te-douy) morsha; o Adaya, koleskro dad o Yeroham his, koleskro dad o Pelalya his, koleskro dad o Amzi his, koleskro dad o Zakarie his, koleskro dad o Pashour his, koleskro dad o Malkiya his.

Jeremia 29:25

Kova penell o baro Devel, ko ray pral o bolepen oun i phoub, kay o Israeleskro Devel hi: Tou bičral an tiro lab lila ap i Israelitarya an o foro Yerusalem, oun kek penas touke, te kress kova. Kal lila bičral ap o rashayeste Sefanya, koleskro dad o Maasseya his, oun ap i tsele vavar rashayende. An kal lila penal o rashayeske Sefanya:

Jeremia 29:29

Ko liil, hoy o Shemaya činas, draveras o rashay Sefanya glan o Debleskro rakepaskro, o Yeremia.

Jeremia 35:4

oun anom len an o baro Debleskro kheer, an koy bari isema i čavendar o Debleskro morshestar, o Hanan, koleskro dad o Yigdalya his. Koy bari isema hi langs koy isema o pralstunendar oun pral koy isema o Maasseyestar, koleskro dad o Shalloum hi. O Maasseya his kova, kay das garda ap o voudar.

Jeremia 37:1

O Sedekya, koleskro dad o Yosia his, vas o baro ray pral o them Youda. Koles čivas o baro ray dran Babilonia, o Neboukadnezar, dren, te vell lo baro ray pal o Konya. Kova his o čavo o Yoyakimestar.

Jeremia 37:17

I dives vas, kay moukas o baro ray Sedekya les čorrhanes pash peste te anell, oun poučas lestar: Hi tout i lab o baro Deblestar? Oun o Yeremia penas: Ava, man hi i lab touke: Tou veh an o vast o baro rayestar dran o them Babilonia dino.

Jeremia 37:3

Oun o baro ray Sedekya bičras o Youkal, koleskro dad o Shelemya his, ninna o rashayes Sefanya, koleskro dad o Maasseya his, pash o Yeremia oun moukas leske te penell: Mange maro baro Debles menge, i Israelitarya!

Jeremia 37:7

Kova penell o baro Devel, kay o Israeleskro Devel hi: Pen o baro rayeske dran o them Youda, kova kay bičras t'men pash mande, te poučenn man: Kol lourde o Faraestar, kay djan vin dran pengro them, te venn le ap t'mari rig, kolla djan pale khere an o them Egiptia.

Jeremia 38:1

His pralstoune koy, kay shounan, hoy o Yeremia ap i tsele menshende penas. Kolla his o Shefatya, koleskro dad o Mattan his, oun o Gedalya, koleskro dad o Pashour his, oun o Youkal, koleskro dad o Shelemya his, oun o Pashour, koleskro dad o Malkiya his. Yon shounan har o Yeremia penas:

Jeremia 38:14

Oun o baro ray Sedekya bičras morshen pash o Debleskro rakepaskro, o Yeremia, oun moukas les pash peste te anell pash o triinto voudar an o baro Debleskro kheer. Kote penas o baro ray Sedekya ap o Yeremia: Me kamau tout čomone te poučell; ma kate čomone glan mande!

Jeremia 52:24

Oun o pralstouno lourdo las o pralstouno rashayes, o Seraya, pandlo, ninna ko rashayes Sefanya, kay vas pal o Seraya, oun ninna kol triin morshen, kay dan yak ap o voudar.