Jeremia 20:6 - O Debleskro Lab 2024 (Sinte-Manouche)

⁶ Oun tou, Pashour, veh tapedo khetne kolentsa, kay pash toute an o kheer hi, oun pandles an Babilonia anlo. Kote hounte meress oun veh paskedo tire tsele malentsa, kay ginal lenge rhorhepen dren.

O Debleskro Drom 2021 (Sinte)

⁶ Un tu, Pashur, weh tapedo khetne kolentsa, kai pash tute an o kheer hi, un pandles an Babilonia anlo. Kote hunte meress un weh paskedo tire tsele malentsa, kai ginal lenge chochepen dren.

Jeremia 20:6 Iomraidhean Croise

Jesaja 9:15

I pralstoune pral i menshende anenn i menshen ap bange dromma oun krenn te djinenn yon bouder gar, hoy čačo hi.

Jeremia 14:13

Koy penom me: Baro Devel, miro ray, tire rakepangre penan lenge: Kek kourepen oun kek bok vell pash t'mende. O baro Devel krell, te vell kek kourepen pash t'mende an kek tsiro.

Jeremia 14:16

Yaake djal ninna kol menshenge, kay shounenn ap lende. Yon hi moulo čiddo ap i dromma an Yerusalem. I bok oun o rharo maras len. Oun kek paskrell len, lengre romyen oun lengre čaven. Me anau čilačepen pral lende, yaake har yon čilačepen kran.

Jeremia 20:1

Ko rashay Pashour, koleskro dad o Immer his, his o pralstouno an o baro Debleskro kheer. Har yob shounas, hoy o Yeremia rakrell,

Jeremia 20:4

Kova penell o baro Devel: Tou aneh traash ap toute oun ap tire malende. Yon venn maredo o rhareha kolendar, kay kourenn pen lentsa. Oun tou dikess kova tire yakentsa. Oun me kamau i tsele menshen an o them Youda an o vast o baro rayestar dran o them Babilonia te dell. Kova anell i kotar lendar pandles an Babilonia oun dell i vavaren moulo o rhareha.

Jeremia 23:32

Me kourau man kolentsa, kay rhorhene sounya rakrenna, oun anenn mire menshen o čačo dromestar tele lengro rhorhepah oun dinelo rakepah. Me bičrom len gar, oun dom len kek lab, te penenn le kova doureder. Yon molenn či mire menshenge, penell o baro Devel.

Jeremia 29:32

Doleske dau me, o baro Devel, leste oun leskri familyate i phagi. Kek lendar ačell djido mank kal menshende. Oun yob dikell gar ko lačepen, hoy krau ap mire menshende. Peskro rakepah anas yob mire menshen mandar krik. Kova penell o baro Devel.

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Ropaskre gilja 2:14

Kolla, kay hounte penans touke o Debleskre laba, penan touke rhorheno koova glan-vi, hoy či moldo hi. Oun sikran touke gar tiri doosh. Kova te krans le, perals gar yaake har kanna peral. Na-a, yon moukan tout rhorhene laba te shounell, oun anan tout o čačo dromestar tele.

Ezekiel 22:28

Oun o Debleskre rakepangre čakrenn kolengro tselo čilačepen lače labentsa. Yon rakrenn pral čomone, hoy sikroms lenge. Oun me sikrom len či. Oun yon penenn rhorhepen glan-vi, oun penenn: “Kava penell o baro Devel, maro ray”, kay me lenge či penom.

3. Mose 26:17

Me dikau bouder gar lačes ap t'mende, oun t'mer venn dino kolendar, kay kourenn pen t'mentsa. Kolla, kay kamenn t'maro merepen, venn ray pral t'mende. T'mer han ap o naashepen, ninna te lell t'men kek palla.

Micha 2:11

Te voms me i morsh, kay nashell o dourho palla, oun rakroms o rhorhepen, oun me penoms: “Piyenn boud mool oun vavar pipen!” Palle penans t'mer mandar: “Havo lačo rakepaskro hi kava morsh!”

Zakarie 13:3

Te penell savo morsh doureder, te hi leskro rakepen o Deblestar, palle penenn leskro dad oun leskri day ap leste: “Tou hounte meress! Tou rakral rhorhepen an o lab o baro Deblestar.” Oun leskro dad oun leskri day, denn les moulo čourye, doleske, kay rakras lo rhorhepen an o baro Debleskro lab.

5. Mose 28:25

O baro Devel krell, te venn kolla zorleder har t'mer, kay kourenn pen t'mentsa. Ap yek drom djan t'mer ap lende pre, oun ap hake rigya hounte nashenn t'menge lendar. Oun i menshenge an hake themma ap i phoub ačell o rakepen krik i trashatar, te dikenn le, har t'menge djala.