Jeremia 20:2 - O Debleskro Lab 2024 (Sinte-Manouche)

² das lo les, oun pandas leskre herya an i kotar kasht pash o voudar, hoy kharell Benyamineskro Voudar, oun hi pash o baro Debleskro kheer.

O Debleskro Drom 2021 (Sinte)

² das lo les, un pandas leskre herja an i kotar kasht pash o wudar, hoi kharell Benjamineskro Wudar, un hi pash o baro Debleskro kheer.

Jeremia 20:2 Iomraidhean Croise

1. Rajengro liil 13:4

Oun har shounas o baro ray i laba o Debleskro morshestar, kol laba, hoy ko Debleskro morsh vin kharas pral koy rhačepaskri an Betel, koy sikras o Yerobeam peskro vasteha ap leste, oun penas: “Taprenn les!” Koy nashras leskro vast peskri zoor, oun yob nay tserdas les gar pale pash peste.

1. Rajengro liil 22:27

oun pen lenge: Kava penell o baro ray: Čivenn koles an o stilepen, oun denn les gar boud maro te rhal, oun gar boud pani te piyell, bis te vau me sasto dran o kourepen pale.”

2. Familjakro liil 16:10

O Asa rhoyras pes pral o dikepaskro, oun an peskri bari rholi moukas lo les an o stilepen te anell. An ko tsiro rikras yob ninna vavar menshen an o them i daventsa tele.

2. Familjakro liil 18:23

Kote vas o Sedekya pashel, koleskro dad o Kenaan his, oun das o Mika i čamedini, oun penas: “Har djals kova, te djas o dourho o baro Deblestar peske mandar, oun rakrell kanna touha?”

2. Familjakro liil 24:21

Koy rakran le pen mank pende tele, te marenn le les, oun vitsran les i barrentsa moulo ap i glanstouni platsa glan o baro Debleskro kheer. Yaake penas les lenge o baro ray, o Yoash.

Hiob 13:27

Mire herya čival an shelle, oun deh yak ap hako drom mandar, oun leh mire pire an o yak, kay le djan.

Hiob 33:11

Yob čivell mire pire an shelle, oun dell yak ap hako drom, kay me djau.”

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Jeremia 26:10

Har shounan i pralstoune pral Youda, hoy kate djas, van le dran o baro rayeskro kheer, oun djan pre an o baro Debleskro kheer oun beshan pen tele pash o Nevo Voudar, te rakrenn le o čačepen pral leste vin.

Jeremia 29:26

O baro Devel rodas tout vin, te vess o rashay pal o rashayeste Yoyada. Tou vess o pralstouno an o baro Debleskro kheer, te čivess kol tsele narvelen pandles, kay venna oun penenn, te hi le Debleskre rakepangre, oun penenn čomone glan-vi. Tou čivess lengre pire an kashta oun sasterne shelle troul lengri meen.

Jeremia 36:26

Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.

Jeremia 37:13

Har yob pash o Benyamineskro Voudar vas, his kote i lourdo, kay das garda, koon dren te vin nashella. Kova kharas Iria, leskro dad his o Shelemya, koleskro dad his o Hananya; o Iria das garda ap ko voudar, oun rikras o Yeremiyes peske vastentsa pre, oun penas: Tou kameh pash i Babilonarya vergel te nashell.

Jeremia 37:21

Kote moukas o baro ray Sedekya te penell, te rikrenn le o Yeremia ap koy platsa stildo, kay rikran pen i lourde pre. Oun yob moukas leske hako dives i maro te anell, kotar kay o maro peklo vas, yaake rah bis te his bouder kek maro an o foro. Yaake ačas o Yeremia ap koy platsa stildo.

Zakarie 14:10

O tselo them Youda vell i bourhlo telstouno them mank o foro Geba oun o foro Rimmon, hoy hi čačes o forestar Yerusalem čiddo. O foro Yerusalem ačell pralstounes čiddo, oun djal o voudarestar Benyamin bis kote, kay o ersto voudar his, oun kotar doureder bis pash o voudar, kay i rigya khetne venna, oun foun o turmo Hananel bis kote, kay i mool dran i drake o baro rayeske kerdo vas.

Mateo 21:35

I harhe tapran kol boudepangren. Ko yekes dan le dava, oun ko vavares maran le. Oun pale i vavares vitsran le i barrentsa moulo.

Bičepangre 4:3

Doleske tapran le len oun čivran len i rati an o stilepen.

Bičepangre 5:18

oun tapran len, oun vitsran len an o stilepen.

Bičepangre 5:40

Palle dan yon o Yezouseskre bičepangren gole, dan len dava i čoupniyah, oun dan len trad, te rakrenn le bouder gar o Yezousestar. Oun palle moukan le len te djal.

Bičepangre 7:52

Penenn mange: Dell yek Debleskro rakepaskro, kay lan t'mare phoure gar palla? Yon maran kolen, kay glan-vi penan, te vell ko yek, kay hako tsiro o čačepen krella. Yob vas, oun t'mer phoukran ap leste oun maran les.

Debleskro tsiro 17:6

Oun me dikom, kay koy djouvel mato his o ratestar, hoy nashas, har o Debleskre menshe maredo van, kolla, kay patsan ap o Yezouseste oun dan pengro patsepen gar pre. Oun me nashte patsom gar, hoy dikom.

Debleskro tsiro 2:10

Ma darenn kol douka, hoy ap t'mende venna! O beng moukell menshen t'mendar an o stilepen te vitsrell, te vell diklo, har zorelo t'maro patsepen ap mande hi. Oun t'mer venn deesh divessa palla lino. Ačenn zoreles an t'maro patsepen ap mande, ninna te marenn le t'men! Palle dau t'men o djipen, hoy ačella. Yaake baro hi t'maro playsepen!