Jeremia 20:18 - O Debleskro Lab 2024 (Sinte-Manouche)

¹⁸ Hoske vom dran miro dakro per vin, te dikap ropen oun douka, oun djivap hako dives an ladj?

O Debleskro Drom 2021 (Sinte)

¹⁸ Hoske wom dran miro dakro per win, te dikap ropen un duka, un djiwap hako diwes an ladj?

Jeremia 20:18 Iomraidhean Croise

1. Rajengro liil 19:4

Oun yob djas i dives dour an o moulo them. Oun kote beshas lo pes tel i bourra, oun kamas te merell oun penas: “Kanna hi doha, baro Devel. Mouk man te merell! Me hom gar feteder har mire phoure.”

Hiob 14:1

O mensho, boldo i djouvyatar, djivell i tikno tsiro, oun marell pes tele peskro tselo djipen.

Hiob 14:13

Har kamoms, te khatress tou man an o moulengro them, te pandess man kote dren, bis te tiri rholi trouyel hi. Kamoms te moukals man yek tsiro koy, oun palle voms touke pale an o shero!

Hiob 3:20

Hoske moukell o Devel kolen djido, kay len yaake phares hi? Hoske dell lo kolen o djipen, kolengro dji pherdo ropen hi?

Hiob 5:7

Dran o mensheste kokres vell i bibarht, yaake har dran i yag tikne rhačede kotya pre phourdedo venn.

Debleskri gili 102:3

Ma dja krik mandar ap kava dives, kay mange ropaske hi! Risse tout pash mande ap kava dives, kay ap toute gole dau! Shoun man sik!

Debleskri gili 69:19

Ab pash mande oun le man vin! Le man vin dran i vasta kolendar, kay kamenn miro merepen.

Jesaja 1:6

Foun o shero bis pash i pire hi kek kotar ap t'mende, hoy sasto vals. T'maro mass hi pherdo doukepen, phouro oun nevo doukepen, kay dino van. T'maro činepen hi gar vi-thodo, vitar gar dren pandlo. Kek djet vas pre čiddo.

Jesaja 51:7

Shounenn, hoy penau, t'mer, kay prindjrenn o čačepen, t'mer menshe, kay kamenn miro drom te djal. Ma darenn glan ko praasepen, koleha i menshe t'men praasenn! Ma darenn glan lengro baro mouy!

Jeremia 15:10

Me bibarhtelo, hoske das miri day mande o djipen? Hakeno dikell čilačes ap mande. An o tselo them čingrenn le ap mande. Ninna te patsom kekestar love, oun kek patsas man love, praasell man hakeno.

Jeremia 15:18

Hoske venn mire douka gar sasto? Hoske hi miro doukepen yaake djoungelo, te vell lo gar sasto? Tou val mange har i brounna, kay an o niyale kek pani dren hi.

Jeremia 3:25

Mer hounte ladjams men, oun mari ladj hounte čakrals men har i plarhta! Maro tselo djipen djivam yaake, har o baro Devel, maro ray, gar kamas. Mer oun mare phoure djivam yaake, oun shounam gar ap kova, hoy yob menge penas, te kras mer.

Jeremia 8:18

Miro dji phagell. Man hi ropaske. Hoy nay krell man pale zorelo?

Ropaskre gilja 1:12

T'menge halauterenge, kay nashenn kate ap o drom, penau: Hadenn t'mare yaka oun dikenn! Hi yek doukepen har miro doukepen, hoy pral mande vas? O baro Devel anas les pral mande ap ko dives, kay leskri zoreli rholi pral mande vas.

Ropaskre gilja 3:1

Me hom ko morsh, koon djinell, har kova hi, te dell o baro Devel dava an peskri rholi.

Habakuk 1:3

Hoske moukeh tou man savo čilačepen te dikell? Hoske dikeh tou, har i menshe doukedo venna, oun kreh či? Kay dikau, dikau čorepen oun djoungelo koova, kourepen oun čingepen.

Johanni 16:20

Čačepah, me penau t'menge: Vell i tsiro, kay t'mer rovenna, oun denn i vasta pral o shero khetne. Oun i menshe, kay gar ap mande patsenna, hi barhtelo. Ninna te rovell t'maro dji ap ko dives, djinenn: T'maro ropen vell t'mendar krik lino, oun t'mer venna barhtelo.

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

2. Timoteo 1:12

Doleske hounte lap kava lauter ap mande kate an o stilepen, oun me ladjau gar. Me djinau, ap koneste patsaua. Oun me djinau, kay o Yezous Kristo rikrell peskre vasta pral kova, hoy yob an miro vast das, bis te yob pale vella.

Hebrearja 10:36

T'mer hounte venn gar khino an t'mare djia, te krenn kova lauter, hoy o Devel kamella! Palle dell lo t'men peskro bravlepen yaake, har yob penas.

Hebrearja 11:36

Vavar van praasedo, oun van i čoupniyah dino. Vavar van i sasterne shellentsa pandlo, oun an o stilepen vitsedo.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Hebrearja 13:13

Doleske djas pash leste vin glan o foro, te las o praasepen ap mende yaake, har yob o praasepen ap peste las!