Jeremia 20:10 - O Debleskro Lab 2024 (Sinte-Manouche)

¹⁰ Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

O Debleskro Drom 2021 (Sinte)

¹⁰ Me shunau, har bud menshe tchorchanes rakrenna: “Job krell menge tchi har traash. Anas doosh ap leste! Sikras les an!” Ninna mire mala lurenn koi pre, te perap. “Dikas, te anas les jaake dur, te penell job tchomone, hoi gar mishto hi. Palle dah les pale, hoi lo mentsa kras!”

Jeremia 20:10 Iomraidhean Croise

1. Rajengro liil 19:2

Kote bičras i Isebel i bičepaskres pash o Eliya oun moukas leske te penell: “I debla mou denn man i bari phagi, te krom gar touha taysar an kava tsiro, hoy tou kral lentsa.”

1. Rajengro liil 21:20

Kote penas o Ahab ap o Eliya: “Hatsal man pale, tou, kay kameh mange čilačepen?” Kote penas lo: “Ava, me hatsom tout! Tou bikral tout, te kress kova, hoy glan i yaka o baro Deblestar čilačo hi.

1. Rajengro liil 22:27

oun pen lenge: Kava penell o baro ray: Čivenn koles an o stilepen, oun denn les gar boud maro te rhal, oun gar boud pani te piyell, bis te vau me sasto dran o kourepen pale.”

1. Rajengro liil 22:8

O baro ray pral Israel penas ap o Yosafat: “Kate hi gomme yek morsh, o Mika, koleskro dad o Yimla hi, kova nay poučell menge o baro Deblestar. Man hi i rholi ap leste. Hako kopo, kay penas lo mange čomone glan-vi, his les kek lačo lab mange, kokres djoungele laba his les mange.” O Yosafat penas pale pale: “Tou, o baro ray, hounte rakress gar yaake!”

Hiob 19:19

Mire lače mala dikenn tele ap mande. Oun kolen, kay me o djiyestar kamom, sikrenn mange o doumo.

Debleskri gili 31:13

Boud bistran man, har te voms moulo oun paskedo. Lenge hom har i phagedo čaro, hoy krik vitsedo vas.

Debleskri gili 31:14

Me shounau, har rakrenn le djoungeles pral mande. I traash hi troul mande. Yon čivenn pen khetne, oun rodenn i drom, har te denn le man moulo.

Debleskri gili 41:10

Ninna miro lačeder maal, kova, kay mantsa khetne rhas, phoukras ap mande.

Debleskri gili 41:9

“I bibarht hi ap leste”, penenn le. “Koon yaake čiddo hi, stell bouder gar pre.”

Debleskri gili 57:4

Dran o bolepen mou vell lo mange ap i rig, oun lell man vin dran o praasepen kolestar, kay man palla lell. O Devel mou sikrell man, te hi lo mange lačo, oun te rikrell lo pash mande.

Gosewe laba 10:18

Koles hi i rhorheno mouy, kay peskri rholi ap i vavareste khatrell. Oun kova, kay rhorhepen pral i vavareste rakrell, hi i dinelo.

Jesaja 29:21

kolla, kay rhorhepah doosh ap i vavarende anan, oun rhorhenn i čačepangre morshen, oun anenn len pengre rhorhene labentsa yaake dour, te denn le kek čačepen koleste, kay kek doosh ap leste hi.

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Jeremia 11:19

Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

Jeremia 11:21

I menshe an Anatot kaman man moulo te dell, oun penan mange: Mouk tele, te rakress, hoy o baro Devel touke penas, te kameh gar, te maras tout mare vastentsa! Doleske penell o baro Devel, ko ray pral o bolepen oun i phoub: Me kamau kol menshen an Anatot i phagi te dell: Lengre terne morsha venn o rhareha moulo dino, oun lengre čave oun ča hounte merenn i bokatar.

Jeremia 18:18

Koy hi menshe, kay penenn: Avenn, te rakras koy pral, havo čilačepen mer nay krah ap o Yeremia. Men hi doha rashaya, kay nay sikrenn men maro drom, oun doha goseve, kay nay penenn menge, hoy te kras, oun doha Debleskre rakepangre, kay nay penenn menge o Debleskre laba. Mer tapras les leskre labentsa, oun das či ap leskro rakepen!

Jeremia 20:3

Oun ap o vavar dives moukas o Pashour o Yeremiyes dran o kasht vin. Koy penas o Yeremia ap leste: O baro Devel dell tout gar bouder Pashour gole. Tou khareh kanna Traash ap hakeneste.

Jeremia 37:13

Har yob pash o Benyamineskro Voudar vas, his kote i lourdo, kay das garda, koon dren te vin nashella. Kova kharas Iria, leskro dad his o Shelemya, koleskro dad his o Hananya; o Iria das garda ap ko voudar, oun rikras o Yeremiyes peske vastentsa pre, oun penas: Tou kameh pash i Babilonarya vergel te nashell.

Jeremia 6:25

Ma djan ap t'maro kotar them, kharell yek ap o vavareste! Ma nashenn ap i drom! I lourde venna haki rigyatar oun marenn hakenes pengre rharentsa.

Ezekiel 22:9

Mank t'mende hi save menshe, kay rakrenn rhorhepen, te anenn le doosh ap vavarende, yaake te venn kolla maredo. Vavar t'mendar rhan o mass save firhendar, hoy i rhorhene deblenge maredo van, oun krenn vi-ladjedo koova mank t'mende:

Daniel 6:4

Oun o Daniel his gosveder oun feteder har kol tsele vavar raya oun pralstoune. Oun doleske his o baro rayes an peskro dji, te čivell lo les pral o tselo rayeskro them.

Louka 20:20

Yon lan o Yezouses an o yak. Oun yon bičran morshen, kay kran, har te vans le lačo. Oun kolla poučan boud koova lestar, te dikenn le, hoy yob penals, yaake te nay taprenn le les an leskro rakepen, oun te nay denn le les an i Remaryengre vasta.

Bičepangre 24:13

Yon nay sikrenn tout vitar gar, kay kova čačo hi, hoy yon pral mande penan.

Bičepangre 5:33

Har yon kova shounan, van yon rhoyemen ap lende, oun kaman len te marell.

Bičepangre 7:54

Har yon kova shounan, hoy o Stefano lenge penas, djas lenge kova an o dji, oun i bari rholi tapras len.