Jeremia 2:34 - O Debleskro Lab 2024 (Sinte-Manouche)

³⁴ Ninna hatsan le ap tire koola o rat i čorvelendar, kay kran kek čilačepen, oun kay tou gar koy pashel tapral, kay phagan le an tiro kheer dren. Ninna te kral tou kova lauter,

O Debleskro Drom 2021 (Sinte)

³⁴ Ninna hatsan le ap tire koola o rat i tchorwelendar, kai kran kek tchilatchepen, un kai tu gar koi pashel tapral, kai phagan le an tiro kheer dren. Ninna te kral tu kowa lauter,

Jeremia 2:34 Iomraidhean Croise

2. Rajengro liil 21:16

Ninna moukas o Manasse boud menshen te marell, ap kolende kek doosh his. An o foro Yerusalem nashas lengro rat har pani. Koy pashel vas koy doosh, hoy lo ap o them Youda anas, har anas lo i menshen ap i čilačo drom, kay kran le, hoy gar mishto hi an o baro Debleskre yaka.

2. Rajengro liil 24:4

oun maras boud saven, kay kek čilačepen kran, oun anas lengro rat pral peste. Oun o tselo foro Yerusalem his pherdo rat. Kava koova kamas o baro Devel gar te bistrell.

2. Mose 22:1

Te vell i čorepaskro tapedo, har yob rati an i kheer dren phagell, oun vell yaake dino, te merell lo, hi koles, hoy les das, kek doosh ap leskro rat.

2. Mose 22:2

Djas o kham pre, har phagas lo dren, hi koles, hoy les moules das, i doosh ap leskro rat. I čorepaskro hounte dell lauter pale, hoy yob čoras. Te nay krell yob kova gar, palle vell lo bikedo oun vell i pandlo boudepaskro.

Jesaja 57:5

Tel hako baro rouk loubrenn t'mer trouyel, te sharenn i rhorhene deblen! Oun an i tala mank i bare barra marenn t'mer lenge t'mare čaven, har te vans le firhe.

Jesaja 59:3

I vavarengro rat kras t'mare vasta ratlo, oun koy doosh, hoy ap t'mende lan, kras t'mare goushte čiklo. T'maro mouy rakrell rhorhepen, oun t'mari čip čilačepen.

Jesaja 59:7

T'mare herya nashenna pal o čilačepen, oun hi sik, te moukenn le kolen te ratell, kay kek čilačepen kran. Kova, hoy moukenn t'menge an o shero te djal, hi har nay rhorhenn oun doukrenn i vavaren. Ap t'mare dromma ačell phagedo djipen pale.

Jeremia 19:4

Mire menshe moukan man oun kran kava kotar them pale-čiddo, har rhačran le soungepaskro koova vavar deblenge, kolen prindjrenn yon gar oun vitar gar lengre phoure. Ninna kol bare raya pral o them Youda prindjran len gar. An kava foro maran le menshen, kay kek čilačepen kran.

Jeremia 2:33

Har sik hatseh tou i drom, te less touke i vavar pirnes! Oun yaake djas tou pale te pale ap čilače dromma.

Jeremia 6:15

Yon hounte ladjans pen ko djoungelo koveha, hoy yon kran. Kova krenn le gar. Yon ladjenn gar. Yon djinenn gar, hoy ladj hi. Doleske venn yon maredo khetne kol vavarentsa. Te vau me, oun dau len i phagi, ačell kek lendar djido, penell o baro Devel.

Jeremia 7:31

Oun kran an koy tala Ben Hinnom i rhačepaskri, hoy kharell Tofet, te rhačrenn yon pengre čaven oun čen. Savo koova penom me lenge gar. Oun kova vas mange gar an o shero.

Jeremia 7:6

Ma rikrenn kolen tele, kay hi dran i vavar them, vitar gar kol čaven, kay len kek dad bouder hi, oun kol romyen, kay len kek rom bouder hi! Ma denn kol menshen ratles, kay kek čilačepen kran! Ma nashenn vavar deblenge palla. Yon anenn t'men an i bibarht.

Jeremia 8:12

Yon hounte ladjans koleske hoy yon kran, koveha man rhoyran. Kova krenn le gar. Yon ladjenn gar. Hoy ladj hi, djinenn le gar. Doleske venn yon maredo khetne kol vavarentsa. Te vau me, oun dau len i phagi, hounte perenn le, penell o baro Devel.

Ropaskre gilja 1:9

Lakro ripen hi pherdo čik. Oun yoy patsas gar kay lake yaake djala. Dour tele peras li, oun kek hi lake koy, kay penell lake i kamlo lab. “Dik, baro Devel, har djoungeles mange djala, oun kolla, kay man khetne dan, krenn pen bares.”

Ropaskre gilja 4:14

Yon nashran pen an i dromma har korele, oun rat his ap lengre koola, te kamas kek len an te taprell.

Ezekiel 20:31

Bis ap kava dives rhačrenn t'mer firhen kol rhorhene deblenge, oun krenn t'men yaake pale-čiddo. Ninna rhačrenn lenge t'mare čave. Oun me moukap man t'mendar dran o kheer Israel, te poučell? Pash miro djipen, penell o baro Devel, maro ray, dau man sovel, te moukau man gar t'mendar te poučell!

Ezekiel 22:25

Tire raya hi mank toute har leve, kay denn gole, har dandrenn le firhen khetne. Yon marenn menshen, čorenn penge bravlepen khetne, oun krenn, te nashrenn boud romya an o them pengre romen.

Ezekiel 23:45

Doleske krenn čačepangre morsha pral lende o čačepen vin, oun denn len i phagi yaake har kol romyenge i phagi dino vell, kay rhorhran pengre romen oun maran menshen. Kal douy rhorhran pengro romes oun ap lengre vasta hi rat.

Ezekiel 24:7

Ko rat kolendar, kolen i menshe an o foro maran, hi gomme mashkral lende. Ap i baro bar nashas ko rat, oun gar ap i phoub, te nay čakrals yek les čikeha tele.

Ezekiel 9:9

Oun yob penas ap mande: I doosh, hoy i menshe dran o kheer Israel oun dran o kheer Youda ap pende anan, hi yaake boud. Boud marepen hi an o them. Oun an o foro rikrenn i zorele i vavaren zoryah tele. Oun yon penenn: “O baro Devel djas peske dran kava them. Yob dikell men gar!”