Jeremia 2:23 - O Debleskro Lab 2024 (Sinte-Manouche)

²³ Har nay peneh tou: Me krom man gar pale-čiddo? Me nashom gar kol deblenge palla, hoy kharenn Baal. Dik ap toute, hoy tou kreh an i tala! Ma biste, har djival! Har i khamela, kay hi bipandlo, nasheh tou trouyel,

O Debleskro Drom 2021 (Sinte)

²³ Har nai peneh tu: Me krom man gar pale-tchiddo? Me nashom gar kol deblenge palla, hoi kharenn Baal. Dik ap tute, hoi tu kreh an i tala! Ma biste, har djiwal! Har i khamela, kai hi bipandlo, nasheh tu trujel,

Jeremia 2:23 Iomraidhean Croise

Ester 8:16

I biboldenge his o djipen pale shoukar. Barht oun sapen vas ap lende. Oun yon van hadedo oun an-diklo.

Debleskri gili 36:2

O čilačepen hi o čilačeske an o rat. Yob kamell o Deblestar či te djinell oun darell lestar gar.

Debleskri gili 50:21

Kova kral tou, oun me penom kek lab. Koy rikral tou man har yek, kay hi yaake har tou. Me sikrau tout koy doosh, hoy anal ap toute, oun anau touke tiro čilačo koova glan tire yaka.

Gosewe laba 28:13

Kova, kay peskri doosh khatrell, kova vell gar dour an peskro djipen. Kova, kay penell, hoy lo kras, oun moukell peskri doosh, hatsell o Debleskro kamlepen.

Gosewe laba 30:12

Hi menshe koy, kay an pengre yaka djoudjo hi, oun lengro djoungelo koova vas gar tele thodo.

Gosewe laba 30:20

I djouvel, kay rhorhell peskro romes oun sovell i vavareha, thovell pes pal kova oun penell: “Me krom kek čilačepen”, yaake har te rhals li oun thovals peske o mouy tele.

Jeremia 14:10

Yaake penas o baro Devel kal menshendar: Yon nashenn yek rigyatar ap i vavar, yaake har kamenn le. Doleske dikell o baro Devel gar lačes ap lende. Leske vell an o shero, havo čilačo koova yon kran. Oun lengri doshake dell yob len i phagi.

Jeremia 16:10

Te penal tou kova lauter kol menshenge, poučenn yon toutar: Hoske dell men o baro Devel trad, kay vell savo midjak koova pral mende? Havi doosh anam ap mende? Havo čilačepen kram mer ap o baro Debleste, kay maro Devel hi?

Jeremia 2:36

Har sik djal tou kay te koy, te rodess touke menshen, kay krenn pen touha khetne? O them Egiptia nay vell tout gar feteder ap i rig har o them Assour.

Jeremia 3:2

Ap havi berga hals tou gomme gar i morsheha čiddo? Ap o drom hal tou beshdo, oun loureh ap lende, har i Arabari an o moulo tato them. Oun tou kreh ko them pale-čiddo tiro vi-ladjedo oun djoungelo koveha.

Jeremia 31:22

Har rah kameh te nashess trouyel, tou, miri čay, kay moukal miro drom? O baro Devel krell čomone neves ap i phoub: I romni hi pash peskro romeste.

Jeremia 7:31

Oun kran an koy tala Ben Hinnom i rhačepaskri, hoy kharell Tofet, te rhačrenn yon pengre čaven oun čen. Savo koova penom me lenge gar. Oun kova vas mange gar an o shero.

Jeremia 9:14

Doleske penell o baro Devel, ko ray pral o bolepen oun i phoub, kay o Israeleskro Devel hi: Me dau kal menshen shoutlo zenlepen rhapaske, oun pani, kolestar merenn le.

Hosea 1:2

Har rakras o baro Devel o ersto kopo ap o Hosea, te penell yob leskre laba i menshenge, penas lo ap leste: Rode touke i loubni oun romedine lat! Tout hounte vell čave, kay i loubyatar ap i phoub anlo venn. Yaake sikreh: I menshe an kava them hi har i loubni: Yon moukan man oun nashenn vavar deblenge palla.

Louka 10:29

Oun ko morsheske his kova, hoy o Yezous leske penas, gar doha, oun yob poučas pale: “Koon hi kol vavar, te vap lačes ap lende?”

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.