Jeremia 2:22 - O Debleskro Lab 2024 (Sinte-Manouche)

²² Tou nay thoveh tout yaake boud har kameh, oun leh ko zorlester sapouni! Ko čilačepen, koleha tout pale-čiddo kral, ačell glan mire yaka, penell o baro Devel, maro ray.

O Debleskro Drom 2021 (Sinte)

²² Tu nai thoweh tut jaake bud har kameh, un leh ko sorlester sapuni! Ko tchilatchepen, koleha tut pale-tchiddo kral, atchell glan mire jaka, penell o baro Dewel, maro rai.

Jeremia 2:22 Iomraidhean Croise

2. Samuel 11:12

Penas o David ap leste: “Ač kay dives kay! Taysar moukau tout te djal.” Yaake ačas o Uriya ap ko dives an o foro Yerusalem, oun ninna ko vavar dives.

Hiob 14:17

Ko čilačepen, hoy krom, pandals khetne har an i possita. Koy doosh, hoy ap mande lom, čakrals tou, te vell li bouder gar diklo.

Debleskri gili 130:3

Te činals tou, baro Devel, mari doosh an i liil, koon nay ačals palle glan toute tardo?

Debleskri gili 90:8

Maro čilačo koova hoy kram, čival tou glan toute tardo. Mari khatedi doosh čakreh tou pre.

Jeremia 16:17

Mire yaka dikenn halauter, hoy yon krenna. Yon nay khatrenn pen gar glan mande. Lengri doosh hi glan mire yaka tardo.

Jeremia 17:1

T'mer menshe an o them Youda, t'maro čilačepen hi dren činlo an t'mare djia, oun ap kol shinga ap kol rhačepangre, kay t'mer firhen rhačrenn. Ko čilačepen hi yaake dren činlo, te nay krenn kova gar bouder krik, har te vas kova an o bar dren dino i sasteha, hoy les i diamantikro shero hi.

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

Ezekiel 24:6

Kava penell o baro Devel, maro ray: Havi bibarht vell ap o foro, hoy yaake boud rateskri doosh ap peste las! Ko foro hi har i piri, hoy gar djoudjo kerdo vas, oun kolakro čik gar tele djal. Le yek kotar mass pal o vavar vin dran late! Mouk či an i piri dren!

Hosea 13:12

Ko čilačo koova, hoy o Efrayim kras, hi an i liil činlo, hoy hi khetne pandlo oun mishto khatedo.

Amos 8:7

O baro Devel, koles i Israelitarya sharenn, yob das pes sovel oun penas: An kek tsiro bistrau kava čilačo koova, hoy le kran.

5. Mose 32:34

O baro Devel bistrell gar, hoy kolla kran, oun djinell, hoy kamell lo lentsa te krell.