Jeremia 2:16 - O Debleskro Lab 2024 (Sinte-Manouche)

¹⁶ Ninna činenn kol menshe dran Memfis oun Tapanes touke i tsele balla tiro sherestar tele.

O Debleskro Drom 2021 (Sinte)

¹⁶ Ninna tchinenn kol menshe dran Memfis un Tachpanes tuke i tsele balla tiro sherestar tele.

Jeremia 2:16 Iomraidhean Croise

2. Rajengro liil 18:21

Patseh, te vell o them Egiptia touke ap i rig? Kova vals, har te lals tou i shilftikro khass an o vast, te rikress tout zoreles ap leste. Ko shilftikro khass phagals oun dals tout an o vast čourye. Yaake hi o Farao, ko ray pral o them Egiptia lauterenge, kay leske patsenna.

2. Rajengro liil 23:33

O Farao Neko čivas les stildes an o foro Ribla an o them Hamat, te ačell lo bouder gar baro ray an o foro Yerusalem. Oun yob čivas i siyaan ap o them: 70 (efta-deesh) centnarya roup oun 35 (triyanda te panč) kilogramme sonakay.

Jesaja 19:13

I pralstoune pral o foro Soan van dinele, oun i pralstoune pral o foro Memfis kran pen čomone glan. I tsele pralstoune an Egiptia anan i menshen ap i rhorheno drom.

Jesaja 59:13

Mer phagam maro baro Debleha, djivam har te prindjrams les gar, oun peram lestar tele. Kram i vavaren tiknes maro rakepah, oun phoukram ap lende. Lam men rhorhepen glan oun rakram rhorhepen.

Jesaja 8:8

Oun yon venna an o them Youda dren, har pani hoy dren phagell, oun hoy bis pash i meen pre djal. O Devel hi pash mende! Leskre moussya hi pral mende yaake dour har o them bourhlo hi.

Jeremia 44:1

Kava hi kava lab, hoy o baro Devel penas ap o Yeremia pral kol tsele menshende dran o them Youda, kay djivenn an o them Egiptia. Yon his an i forya Migdol, Tapanes oun Memfis, ninna an o them Patros.

Jeremia 46:14

Denn vin gole an o them Egiptia! Penenn i menshenge an i forya Migdol, Memfis oun Tapanes: Kourenn t'men kolentsa, kay ap t'mende pre djan! O rharo rhal kolen, kay troul t'mende hi.

Jeremia 46:19

T'mer Egiptarya, rodenn t'mare koola khetne, t'mer hounte nashenn t'menge. O foro Memfis vell har o moulo them, oun rhačedo vell lo, yaake kay kek nay djivell kote.

Jeremia 48:45

Khine naashepangre dran vavar forya venn pash o foro Heshbon, te ačenn le koy. Koy vell i yag vin dran Heshbon, oun i bari yagakri čip djal dran o kheer o baro rayestar Sihon vin, oun rhačrell o them, kay kol bare mouyengre djivan, foun vin bis mashkral dren ap i berge.

Ezekiel 30:13

Kava penell o baro Devel, maro ray: Me moukau i rhorhene deblen paash te krell, oun lau i figuren dran o foro Memfis krik. Oun an o them Egiptia hi bouder kek ray. Oun bari daar taprell o tselo them.

Ezekiel 30:16

Me čivau yag an o them Egiptia. Oun pral i menshende an o foro Sin vell daar oun douk. O foro Theben vell tele phagedo. Oun an o foro Memfis perenn lourde mashkral ap o dives dren.

Hosea 9:6

Dran t'maro them, hoy paash kerdo hi, hounte djan t'menge krik. O them Egiptia lell t'men pash peste pre, oun an o foro Memfis venn t'mer paskedo. Kote, kay kanna t'maro kouč roup hi, vell soubyengro zenlepen baro, oun soubyengre bourra venn baro an t'mare khera.

5. Mose 33:20

Oun pral o kheer Gad penas lo: Sharedo vell o baro Devel, kay dell o Gades i bourhlo them. O Gad hi čiddo har i levo, hoy lourell ap i firhes, te dandrell lo leske i moussya oun o shero tele.