Jeremia 2:13 - O Debleskro Lab 2024 (Sinte-Manouche)

¹³ Mire menshe kran čomone, hoy douy kope čilačo hi: Man, ko djido pani moukan yon, oun hadan penge panyeskre rhebya vin, kay paash hi, oun nay rikrenn kek pani.

O Debleskro Drom 2021 (Sinte)

¹³ Mire menshe kran tchomone, hoi dui kope tchilatcho hi: Man, ko djido pani mukan jon, un hadan penge panjeskre chebja win, kai paash hi, un nai rikrenn kek pani.

Jeremia 2:13 Iomraidhean Croise

2. Rajengro liil 22:17

I menshe an Yerusalem moukan man oun anan vavar aseblenge firhen, te rhoyrenn le man halautereha, hoy le pengre vastentsa kran; doleske vell miri rholi har i yag ap kava foro, oun kek nay krell les vin.”

Debleskri gili 36:9

Tou čoreh pral lende lačo koova dran o bravlepen an tiro kheer. Oun deh len tiro lačepen te piyell, har te piyans le lačo pani.

Sikepaskro 1:14

Me dikom halauter, hoy kerdo vas ap kay phoub, oun nay penau t'menge, halauter hi čičeske, oun yaake har te nashals yek pal o dourho, hoy djal pral i phoub.

Sikepaskro 1:2

Phares te hayvell hi halauter, penas o sikepaskro, halauter an o djipen hi phares te hayvell.

Sikepaskro 12:8

Halauter hi čičeske, penell o sikepaskro, čičeske hi halauter.

Sikepaskro 2:11

Oun har dikom ko tselo koova, hoy mire vasta kran, oun koy boudi, hoy man koy pashel his, kote hayvom, lauter hi čičeske, har te nashoms pal o dourho, hoy djal pral i phoub. Oun či vell vin dran halauter, hoy krom an miro djipen.

Sikepaskro 2:21

Kova, hoy i mensho gosvepah oun lače vastentsa kras, hounte moukell lo halauter i vavareske, kay kras či koleske. Kova hi ninna čičeske oun i bari bibarht.

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.

Sikepaskro 4:4

Oun me dikom, har marenn pen i menshe tele oun krenn lači boudi, te venn le feteder har kol vavar, yaake te zilverenn kolla ap lende. Kova hi ninna či-moldo, oun yaake har te nashals yek pal o dourho, hoy djal pral i phoub.

Jesaja 1:3

Haki groumni prindjrell koles, koneske yoy hi. Oun haki bourika djinell koy platsa, kay lakro ray dell lat te rhal. O Israel prindjrell kova gar. Mire menshe hayvenn kova gar.

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Jesaja 12:3

Ap ko tsiro, kay lell t'men o Devel vin, venn t'mer yaake barhtelo har troushele menshe barhtelo hi, te hatsenn le pani.

Jesaja 5:13

Doleske penell o baro Devel: Mire menshe hayvan či. Doleske venn le pandles krik lino, oun i bravele mank lende merenn i bokatar, oun kol boud menshe merenn i troushatar.

Jesaja 55:2

Hoske denn love koleske, hoy kek maro hi? Hoske denn t'mer kova, hoy t'mer t'mari phari boudjake lan, čomoneske vin, hoy gar čalo krell? Shounenn ap mande, palle vell t'men lačo koova te rhal, oun nay rhan t'men čalo ap i feteder rhapen.

Jesaja 63:8

Yob penas: Čačepah, mire menshe hi le, menshe kek rhorhepah. Doleske vas lo, te lell lo len vin

Jeremia 1:16

Oun me dau i menshen an Youda i phagi lengro čilačepaske, hoy yon kran. Yon djan krik mandar oun anan firhen vavar deblenge oun mangan kol figuren an, hoy le pengre vastentsa kran.

Jeremia 14:3

Kol bravele bičrenn pengre boudepangren pal pani. Kolla djan pash i brounna, oun hatsenn kek pani. Lengre khore anenn le kek panyeha pale. Lenge hi ropaske, oun khatrenn pengro mouy i ladjatar.

Jeremia 15:6

Tou djal mandar krik, penell o baro Devel, oun kamal mandar či bouder djinell. Doleske hadom me miro vast ap toute, te marap tout. Me hom khino, te krap miro dji touke pre.

Jeremia 17:13

Tou, baro Devel, hal kova, ap koleste i Israelitarya dikenn. Pral halauterende, kay moukan tout, vell ladj. Oun kolla, kay djan toutar krik, kolengre laba venn bistedo har te vans le činlo an i čik. Yon moukan tout, o baro Debles, kova, kay hi har i kvella, dran kolate djido pani vell.

Jeremia 18:14

Te dell gib ap i berga Libanon, ačell o gib i raheder tsiro čiddo, oun ko brishineskro pani nashell gar yaake sik krik,

Jeremia 19:4

Mire menshe moukan man oun kran kava kotar them pale-čiddo, har rhačran le soungepaskro koova vavar deblenge, kolen prindjrenn yon gar oun vitar gar lengre phoure. Ninna kol bare raya pral o them Youda prindjran len gar. An kava foro maran le menshen, kay kek čilačepen kran.

Jeremia 2:11

Ninna te hi lengre debla kek čače debla, lenn yon kek vavar deblen an! Mire menshe, kay miro raylepen dikan, yon paran man dren yekeha, kay kek devel hi, oun koles kek zoor hi.

Jeremia 2:17

Kova lauter hi tiri doosh! Boud kope kamas o baro Devel, tiro ray, tout ap o čačo drom te anell. Oun tou moukal les!

Jeremia 2:26

Har i čorepaskro hounte ladjell peske, te vell yob tapedo, yaake hounte ladjenn penge kol menshe an o them Israel, ninna kol bare raya, oun pralstoune oun rashaya oun Debleskre rakepangre,

Jeremia 4:22

O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

Jeremia 5:26

O baro Devel penella: Mashkral mire menshende hi čilače menshe, kay lourenn ap vavarende, te taprenn le len, har kolla, kay tapenn i čirklen dren,

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Ezekiel 14:5

Yaake krau, te krenn i Israelitarya pengre djia pale mange pre, yon, kay moukan miro drom oun mangenn vavar deblen an.

Ezekiel 47:1

Oun ko morsh anas man palpale pash o voudar o Debleskro kherestar. Leskri glanstouni rig his koy rig, kay o kham pre djal. Kote dikom pani, hoy nashas tel o voudar vin. Kava pani nashas i kotar tele ap koy glanstouni rig o kherestar pash koy rig, kay o kham pralstounes tardo hi. Palle djas lo kote, kay koy rhačepaskri tardo hi, doureder ap koy rig, kay o kham pre djal.

Micha 2:8

T'mer hadenn pen pral mire menshende! Te djal yek kek daryah ap o drom, tserdenn t'mer leske i baya oun o gad tele, har lourde, kay venn dran o kourepen.

Micha 6:3

Hoy krom t'menge, mire menshe? Čivom i phari boudi ap t'mende? Penenn les mange!

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

Johanni 4:10

Penas o Yezous ap late: “Te djinals tou, hoy o Devel kamell tout te dell, oun koon toutar ko pani mangella, mangals tou mandar, te dap tout o pani. Oun me doms tout o pani, hoy dell o djipen.”

Johanni 4:11

“Romeha,” penas koy djouvel, “tout hi či, kay leh ko pani nay vin. Oun ko pani hi tel an i phoub. Kay kameh tou ko pani, hoy dell o djipen, te lell?

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Johanni 7:37

Ap ko pralstouno oun shoukeder dives, vas o Yezous pale glan kol tsele menshende, oun das gole: “Kones troush hi, kova te vell pash mande oun piyella!

5. Mose 31:16

O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

2. Petro 2:17

Kol menshe hi har i brounna, kay hi kek pani dren. Yon hi har o bolepen, kay dell kek brishin. Ap ko dives, kay lenn yon pengri phagi, venn le an i kali rat vitsedo.

Debleskro tsiro 21:6

Oun yob penas pale: Halauter vas yaake, har penom. Mandar vas halauter. Oun lauter vella pale glan mande. Me hom o glanstouno oun o palstouno. Kones troush hi, kova lell mandar o djido pani čičeske.

Debleskro tsiro 22:1

Oun yob sikras man o baro lengsto pani, hoy djoudjo hi har i djoudji vali. Ko pani dell o djipen oun vell kotar, kay hi o beshepaskro o Deblestar oun o terno bakrestar.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.

Čačepangre 10:13

Oun t'mer, hoy kran t'mer? T'mer moukan man oun mangan vavar deblen an. Doleske kamau t'men bouder gar vin te lell dran i vasta kolendar, kay t'men tele rikrenn.

1. Samuel 12:10

Koy dan le gole ap o baro Debleste, te vell lo ap lengri rig, oun penan: “Mer lam doosh ap mende, te djam krik toutar, baro Deblestar, oun mangam kol deblen an, kay kharenna Baal oun Astarte. Kanna le men vin dran i vasta kolendar, kay men tele rikrenn. Palle vess tou kokres maro Devel.”