Jeremia 2:11 - O Debleskro Lab 2024 (Sinte-Manouche)

¹¹ Ninna te hi lengre debla kek čače debla, lenn yon kek vavar deblen an! Mire menshe, kay miro raylepen dikan, yon paran man dren yekeha, kay kek devel hi, oun koles kek zoor hi.

O Debleskro Drom 2021 (Sinte)

¹¹ Ninna te hi lengre debla kek tchatche debla, lenn jon kek wawar deblen an! Mire menshe, kai miro railepen dikan, jon paran man dren jekeha, kai kek dewel hi, un koles kek soor hi.

Jeremia 2:11 Iomraidhean Croise

1. Rajengro liil 11:33

O Salomo moukas man, oun mangas i Astarte an, kay debletsa, hoy i Sidonarya an-mangenn. Ninna mangas lo o Kemosh an, ko devel, hoy i Moabarya an-mangenn, oun o Milkom, ko devel, hoy i Ammonarya an-mangenn. Yob djas gar ap mire dromma oun kras gar, hoy mishto hi glan mire yaka. Pal mire laba oun miro čačepen djivas lo gar, har kova leskro dad, o David kras.

2. Rajengro liil 1:3

Koy penas o baro Debleskro bolepaskro ap o Eliya, – kova his dran Tishbe: “Dja pash kol bičepangre o baro rayestar dran Samaria, oun pen ap lende: Hi kay kek Devel an Israel? Hoske djan t'mer, te poučenn kol deblestar dran Ekron, o Baal-Seboub?

2. Familjakro liil 13:9

T'mer tradan i rashayen o baro Deblestar – kolla hi o Aroneskre čave, – ninna i Levitaryen dran t'mende krik, oun kran t'menge neve rashaya, har krenn i menshe an vavar themma. Hakeno, kay vas, oun les his hi terni morsh groumni oun efta bakre pash peste, kova nay vas i rashay t'mare figurenge, kay kek devel hi.

Debleskri gili 106:20

Yon moukan o raylo baro Debles, oun mangan i figura i groumyatar an, hoy khass rhal.

Debleskri gili 115:4

Lengre debla hi dran roup oun sonakay. Menshengre vasta kran len.

Debleskri gili 3:3

Boud penenn mandar: “O Devel hi gar ap leskri rig.”

Jesaja 37:19

Oun kolengre debla vitsran le an i yag. Kolla his kek čače debla, van kerdo i menshengre vastentsa dran kasht oun bar. Doleske van le khetne dino.

Jeremia 16:20

Kek mensho nay krell peske deblen. Hoy lo krell, hi kek devel.

Jeremia 18:13

Doleske penell o baro Devel: Poučenn i menshendar an vavar themma: Kay das savo djoungelo koova, har kol menshe dran Israel kran?

Jeremia 2:5

Kova penell o baro Devel: Havo djoungelo koova hatsan t'mare phoure ap mande, kay djan yon mandar krik, oun mangan figuren an, kay kek devel hi. Oun yaake djan le tele.

Jeremia 2:8

T'mare rashaya poučan gar: Kay hi o baro Devel? Har penan le i menshenge, hoy te krenn le, rikran le pen gar ap mire laba. Oun kol pralstoune pral mire menshende hadan pen pral mande, oun shounan bouder gar ap mande. Oun mire rakepangre, kay hounte penans mire laba doureder, rakran an o lab ko rhorheno deblestar Baal, oun mangan figuren an, kay kek devel hi.

Jeremia 5:7

Hoske bistrap i doosh mire menshendar? Yon djan mandar krik, oun denn pen sovel pash koleste, kay kek devel hi. Har me len čalo krom, phagan le mantsa, oun djan an i loubyengro kheer.

Ezekiel 14:5

Yaake krau, te krenn i Israelitarya pengre djia pale mange pre, yon, kay moukan miro drom oun mangenn vavar deblen an.

Ezekiel 5:7

Doleske penau me, o baro Devel, lengro ray, ap lende: T'mer hans čilačeder har i menshe an i themma troul t'mende, oun djivan gar yaake har t'mendar kamom, oun rikran gar mire čačepaskre laba dren. Ava, t'mer han yaake čilačo, te rikran t'men vitar gar ap o čačepen kol vavar menshendar, kay troul t'mende djivenn.

Micha 4:5

Ninna te mangell haki natsyona peskro debles an, mer djivah kokres maro Debleha – kova hi o baro Devel – kanna oun hako tsiro.

Remarja 1:23

O baro Debles, kay hako tsiro ačella, sharan le gar. Na-a, yon mangan kol morshen oun djouvyen an, kay merenna. Ninna vavar koova, har i čirkle, i star-heryengre firhe oun i sapa mangan le an.

1. Korintarja 8:4

Nay rhah mer kanna ko mass, hoy anan le glan i figura, hoy mangenn le an, har te vals li i devel? Mer djinah halauter, kay hi i figura kek čačo devel. Dell yek Devel oun kek vavar.

Galatarja 4:8

An ko tsiro, kay prindjran t'mer o Debles gar, hans vavarenge koy, har te vans le o Devel.

5. Mose 32:16

O Debleskre menshe nashan vavar deblen palla, oun doukan pengro Debles. Ko djoungelo koova, hoy le kran, kras les rhoyedo.

5. Mose 32:21

Yon doukan oun rhoyran man, har mangan le kolen an, kay kek debla hi. Yaake kamau me les ninna lentsa te krell, oun lau mange vavar menshen, te zilverenn le oun rhoyrenn pen pral menshende, kay prindjran man gar.

5. Mose 33:29

Barhtelo han t'mer, Israelitarya! Koon hi yaake har t'mer? T'men kokres las o baro Devel dran o pandepen vin. Yob vell ap t'mari rig, oun rikrell peskro vast pral t'mende. Yob kourell pes t'menge, oun krell, te venn t'mer zorleder har kolla, kolentsa kourenn t'men. Yon hounte vitsrenn pen tele glan t'mende, oun t'mer djan pral lende vergel.

1. Petro 1:18

T'mer djinenna, o Yezous Kristo playsras kek sonakay oun kek roup, – kova lauter ačell gar, – te lell lo t'men vin dran t'maro phouro djipen, hoy či moldo his, har djan ap ko drom, kay t'mare phoure djan.

1. Samuel 4:21

Oun yoy das ko čaves o lab Ikabod. Ko lab kharell: O raylepen djas peske dran o Israel. Kova penas yoy doleske, kay lan le o morhton lendar, kay o Debleskre deesh laba dren hi, oun doleske, kay lakro romeskro dad oun lakro rom meran.