Jeremia 2:10 - O Debleskro Lab 2024 (Sinte-Manouche)

¹⁰ Djan pral o baro pani pash i panyeskre themma, kay kol Kitarya djivenn, oun dikenn t'men trouyel! Bičrenn morshen an o them Kedar oun lenn i menshen kote ninna an o yak! Krenn yon savo koova har t'mer kran?

O Debleskro Drom 2021 (Sinte)

¹⁰ Djan pral o baro pani pash i panjeskre themma, kai kol Kitarja djiwenn, un dikenn tumen trujel! Bitchrenn murshen an o them Kedar un lenn i menshen kote ninna an o jak! Krenn jon sawo koowa har tumer kran?

Jeremia 2:10 Iomraidhean Croise

1. Mose 25:13

Oun kolla hi i laba o Ismaeleskre čavendar yaake har yon boldo van: O phoureder his o Nebayot. Palle vas o Kedar, o Adbeel, o Mibsam,

1. Rajengro liil 9:9

Palle vell lenge penlo: Yon moukan pengro baro Debles, koles kay lengre phouren dran o them Egiptia vin anas. Yon rikran pen ap o vavar debla. Glan lende djan le ap pengre čanga oun mangan len an. Doleske anas o baro Devel kay tseli bibarht pral lende.

1. Familjakro liil 1:7

O Yavan: leskre čave his: o Elisha, o Tarsis, i Kitarya oun i Rodanarya.

1. Familjakro liil 23:1

O Davides his i lengsto djipen, oun his phouro, har kras lo peskro čaves, o Salomo, o ray pral Israel.

1. Familjakro liil 23:12

O Kohat, les his star čave: o Amram, o Yizhar, o Hebron, oun o Usiel.

Debleskri gili 120:5

Havi bibarht hi mange, te hounte djivap mank i vi-themarya, pash i menshende, kay prindjrenn gar miro Debles.

Jesaja 21:16

Yaake rakras o baro Devel, maro ray, ap mande: An yek bersh – kek dives sikeder oun kek dives palla – vell o tselo raylepen dran o them Kedar krik lino.

Jesaja 23:1

Kate sikrell o Devel, hoy pral o foro Tirus vella: “T'mer ap i shiffe, kay venn khere dran Tarsis, rovenn! O foro Tirus hi khetne phagedo. Kek kheer ačas tardo.” Har van le pash o them Kittim, shounan le kova.

Jesaja 23:12

Oun yob penas ap i menshende an Sidon: T'menge djal har i terni čake, hoy zoryah an-tapedo vas. T'mer givenn oun stenn bouder gar i barhtyatar. Ninna te krenn t'men ap o drom oun djan an o them Kittim, vell t'men kote kek barht.

Jeremia 49:28

Laba pral i menshende an Kedar oun pral o them Hazor, hoy o Neboukadnezar, ko ray pral o them Babilonia, peskre lourdentsa dren las. Kava penell o baro Devel ap i Babilonarya: Djan an o kourepen i menshentsa an Kedar! Oun marenn kolen, kay djivenn kote, kay o kham pre djal!

Ezekiel 16:16

Oun tou lal tire rayle ripyendar, oun čival len kote ap i phoub, kay i rhorhene debla an-mangedo van. Oun yaake har i loubni dal tout hakeneske, kay kamas. Savo koova das an kek tsiro, oun vell bouder gar.

Ezekiel 27:21

I menshe dran Arabia oun i raya dran o them Kedar paran touha oun dan tout bakre oun bouzya.

Ezekiel 27:6

Tire lengste činle kashta his dran cipresstikro kasht, hoy dran o them Kittim lino vas. Dren čiddo an kol kashta his elefantikro dand. Dran o them Bashan vas aichtikro kasht. Kolestar činan le kol kashta, kolentsa o shiffo tserdedo vell.

Ezekiel 5:7

Doleske penau me, o baro Devel, lengro ray, ap lende: T'mer hans čilačeder har i menshe an i themma troul t'mende, oun djivan gar yaake har t'mendar kamom, oun rikran gar mire čačepaskre laba dren. Ava, t'mer han yaake čilačo, te rikran t'men vitar gar ap o čačepen kol vavar menshendar, kay troul t'mende djivenn.

Daniel 11:18

Palle djal lo pash i panyeskre themma, oun lell lendar boud dren. Oun i pralstouno dran i vavar them čivell pes leske an o drom oun krell, te hounte rikrell lo peskro baro mouy. Oun leskro pre-phourdepen vell ap leste pale.

Daniel 11:30

Kotar, kay o panyeskro them Kittim hi, venna shiffe oun djan yaake khatar leste, te taprell les i daar. Oun yob djal pale. Palle vell lo rhoyedo ap o Debleskre menshende oun lengro patsepen oun krell lenge čilačepen, oun čivell pes kolentsa khetne, kay o Debleskro drom moukan.

4. Mose 24:24

Oun shiffe venna dran o them Kittim oun anenn lourden, kay perenn an i themma Assour oun Eber. Pal halauter djal ninna Kittim paash.”

1. Korintarja 5:1

Me shounom, te hi pash t'mende i morsh, kay peskri dadeskri romyah sovella. Savo čilačo koova shounom me gomme gar pash kolende, kay gar patslo hi.

Čačepangre 19:30

Oun hakeno, kay kova dikas, penas: “Savo koova har kava vas gomme gar kerdo yaake rah har o Israel dran Egiptia djas bis kanna. Kanna moukenn kova an t'mare sherya trouyel te djal, rakrenn khetne, oun penenn, hoy kanna kerdo hounte vell!”