Jeremia 19:5 - O Debleskro Lab 2024 (Sinte-Manouche)

⁵ Oun ko rhorheno debleske, hoy kharell Baal, kran le rhačepaskre platse, te rhačrenn le pengre čaven leske. Kova penom me lenge gar. Savo koova vas kek tsiro an miro shero, te penoms ap lende: Krenn kova.

O Debleskro Drom 2021 (Sinte)

⁵ Un ko chocheno debleske, hoi kharell Baal, kran le chatchepaskre platse, te chatchrenn le pengre tchawen leske. Kowa penom me lenge gar. Sawo koowa was kek tsiro an miro shero, te penoms ap lende: ‘Krenn kowa.’

Jeremia 19:5 Iomraidhean Croise

2. Rajengro liil 17:17

Oun yon moukan pengre čave oun ča an i yag te rhačrell, oun kran dourkepen oun dravepen. Oun yaake dan le pen an savo koova, hoy glan o baro Debleskre yaka djoungeles hi oun rhoyran les.

2. Rajengro liil 21:6

Oun yob moukas peskro čaves an i yag te djal oun shounas ap čirklengre golya oun vavar sikepen, oun rikras peske dravepangre oun save menshen, kay i moulen poučan. Yaake kras lo boud koova, hoy čilačo hi glan o baro Debleskre yaka, te rhoyrell lo les.

2. Familjakro liil 28:3

oun rhačras soungepaskro koova an i tala, hoy kharell Ben-Hinnom. Ninna rhačras lo peskre čaven i rhorhene deblenge. Yaake kras lo savo djoungelo koova, har i menshe an vavar themma kran, – save menshe har kolla, kay o baro Devel glan i Israelende dran o them tradas.

Jeremia 32:35

Oun yon kran moulne platse o rhorheno debleske, o Baaleske an o telstouno them, kay kharella Ben-Hinnom, te nay moukenn le pengre čaven oun čen o debleske Molok an i yag te djal. Savo koova penom me lenge gar. Oun an kek tsiro vas mange kova an miro shero dren, te poučoms savo koova lendar. Har yon savo djoungelo koova kran, anan le i doosh ap o tselo them Youda.

Ezekiel 16:36

Kava penell o baro Devel, maro ray: Tiri rhanč his baro. Oun har i loubni sikral tout nanges glan tire pirnende, oun mangal tire djoungele rhorhene deblen an, oun maral lenge tire čaven.

Ezekiel 20:26

Oun har moukan le pengre phoureder morsh čaven i rhorhene deblenge te rhačrell, rakrom pral lende vin: “T'mer han mange pale-čiddo.” Yaake kamom len bari daar te krell, te hayvenn le, te hom me o baro Devel.

Ezekiel 38:10

Kava penell o baro Devel, maro ray: An ko tsiro vell čomone pre an tiro dji, oun tou leh touke čilačo koova glan.

Daniel 2:29

Har hals ap tiro čiben čiddo, djas touke, baro ray, an o shero trouyel, hoy pal kava lauter vella. Oun o Devel, kay čakrell pre, hoy khatedo hi, kova sikras tout, hoy vella.

3. Mose 18:21

Tou rhačress kek tire čavendar o rhorheno debleske Molok. Sau koova sikrals, te hom me, tiro Devel, touke či moldo. Me hom o baro Devel!

4. Mose 22:41

Oun taysarlakro las o Balak o Bileames peha, oun anas les pral ap i berga Bamot-Baal, te dikell yob kotar ap kol tsele menshende Israel.

5. Mose 12:31

Ma krenn sau kova t'maro baro Debleha! Kova lauter, hoy yon pengre deblenge kran, hi djoungelo oun čilačo glan o baro Debleskre yaka. Ninna pengre morsh čaven oun pengre čen rhačran le lenge an i yag.