Jeremia 18:9 - O Debleskro Lab 2024 (Sinte-Manouche)

⁹ I vavar kopo penau me ap i menshende an i rayeskro them, kay krau len baro oun zorelo.

O Debleskro Drom 2021 (Sinte)

⁹ I wawar kopo penau me ap i menshende an i rajeskro them, kai krau len baro un sorelo.

Jeremia 18:9 Iomraidhean Croise

Sikepaskro 3:2

Yek tsiro hi koy, kay o mensho boldo vella, oun yek tsiro hi koy, kay o mensho merella; yek tsiro, kay čivah zenlepen an i phoub, oun yek tsiro, kay vell ko zenlepen pale vin tserdedo.

Jeremia 1:10

Dik kay! Me dau tout kay dives penepaske pral boud menshende oun themma, te tradess len vin, phagess len khetne, dess len tele oun kress len paash, oun moukess len pale bares te vell, oun kress len zoreles.

Jeremia 11:17

Me, o baro Devel, ko ray pral o bolepen oun i phoub, krom dran o kheer Israel oun dran o kheer Youda i natsyona. Oun yon kran čilačo koova oun rhoyran man, har rhačran le firhen o debleske Baal. Doleske dau len trad, te vell bari bibarht pral lende.

Jeremia 30:18

Kova penell o baro Devel: Me anau mire menshen pale khere an pengro them, oun krau miro dji haki familyake pre. Oun o foro Yerusalem vell pale pre-čiddo ap peskre berge, oun o baro rayeskro zorelo kheer kote, kay lo tardo his.

Jeremia 31:28

Yaake har garda dom, te van le vin tserdedo oun khetne phagedo, paash kerdo, oun tele dino oun doukedo, yaake dau palle garda, te venn le pale bares oun zoreles, penell o baro Devel.

Jeremia 31:38

Dik, penell o baro Devel, o tsiro vell, kay vell o baro Debleskro foro Yerusalem neves kerdo. Leskri massouri djal foun ko turmo Hananel bis ap o voudar, kay i rigya khetne venn;

Jeremia 31:4

Israel, miri pirni! Me krau tout pale baro. Toutar vell pale i natsyona. Tou kress tout pale shoukar, bashress oun djas vin ap o khelepen.

Jeremia 32:41

Miro dji sala, te nay krau lenge lačepen. Oun me moukau len zoreles an kava them vell, oun yon hounte moukenn les bouder gar. Čačepah, kova krau miro tselo djiyeha oun miri tseli zoryah.