Jeremia 18:21 - O Debleskro Lab 2024 (Sinte-Manouche)

²¹ Kanna mouk lengre čaven merell i bokatar, oun mouk len moulo dino te vell o rhareha, te ačenn lengre djouvyenge kek čave oun romma, te venn lengre morsha tapedo o merepastar, oun lengre terne morsha an o kourepen maredo.

O Debleskro Drom 2021 (Sinte)

²¹ Kanna muk lengre tchawen merell i bokatar, un muk len mulo dino te well o chareha, te atchenn lengre djuwjenge kek tchawe un romma, te wenn lengre mursha tapedo o merepastar, un lengre terne mursha an o kurepen maredo.

Jeremia 18:21 Iomraidhean Croise

2. Familjakro liil 36:17

Oun o baro Devel moukas o baro rayes Neboukadnezar dran o them Babilonia pral lende te vell. Leskre lourde maran i terne morshen o rhareha, ninna an o Debleskro kheer. O baro rayes dran Babilonia khaytas kek, gar i terne morsha, vitar gar i terne ča, gar i phoure, ninna te his le nasselo. Halauteren das o baro Devel an leskro vast.

Debleskri gili 63:10

Kolla, kay kamenn man moulo te dell, mou merenn le, oun djan tele an o moulengro them!

Debleskri gili 63:11

Mou dell len o rharo moulo, oun i divye djoukle te rhan len!

2. Mose 22:24

Te patseh love i čorveleske mire menshendar, palle kre tout ap leste gar braveles! Oun le lestar gar boudeder pale, har les dal.

Jesaja 13:18

I terne morshen denn le karye moulo pengre bogentsa. Oun len hi kek dji i tikne čavenge; i čave khaytenn len gar.

Jesaja 9:16

Doleske nay vell o Devel gar barhtelo pral lengre terne morshende, oun les nay hi kek dji kol čavenge, kolen kek dad bouder hi, ninna kol djouvyenge, kolengre romma meran. Yon halauter peran o Debleskro dromestar tele, kran čilačo koova, oun rakrenn pen dinlepen khetne. Pral kova lauter moukell o Debleskri rholi lendar gar tele, oun leskro vast ačell pre hadedo, te dell lo len i phagi.

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.

Jeremia 12:3

Baro Devel, tou dikeh oun prindjreh man, oun djineh, kay miro dji hako tsiro pash toute his. Kol vavaren tserde krik har bakre krik tserdedo venn, te venn yon maredo! Oun čip len ap i rig, te venn yon moulo dino!

Jeremia 14:16

Yaake djal ninna kol menshenge, kay shounenn ap lende. Yon hi moulo čiddo ap i dromma an Yerusalem. I bok oun o rharo maras len. Oun kek paskrell len, lengre romyen oun lengre čaven. Me anau čilačepen pral lende, yaake har yon čilačepen kran.

Jeremia 15:7

An hako foro an o them Youda krom me i menshentsa yaake har yek, kay vitsrell o djob pral, te perell o phouss vin. Yaake tradom len kate te kote. Oun mire menshe moukan gar pengre čilače dromma. Koy marom lengre čaven, oun moukom len tele te djal.

Jeremia 15:8

Koy hi boudeder djouvya, kolengre romma meran, har barra pash o baro pani. I daya shounan, kay meran lengre čave mashkral o dives. Koy vas i bari traash oun daar pral lende.

Jeremia 50:30

Leskre terne morsha venn maredo ap leskre dromma. Ap ko dives nashrenn leskre tsele kourepangre pengro djipen, penell o baro Devel.

Jeremia 9:21

O baro Devel penell: Kol moule menshe ačenn čiddo har foul ap i harhetikri phoub, har o djob, hoy činlo vas, oun čiddo ačas pal o činepaskro, oun kek las les khetne.

Ropaskre gilja 1:15

O baro Devel stakras mire zorele kourepangren khetne, kay pash mande his; Yob moukas i marepaskro rhapen vin te kharell, te nay venn mare terne morsha maredo. Yaake har drake khetne stakedo venn, te vell i mool vin, stakras lo i menshen dran Youda khetne.

Ropaskre gilja 5:3

Mouklo ham, mare dada hi bouder gar koy. Mare daya hi har djouvya, kolengro rom meras.

Ezekiel 16:38

Oun me dau tout savi phagi, har kol djouvya lenna, kay rhorhran pengro romes oun maran i menshes. Oun me moukau miri zoreli rholi pral toute te vell.

Ezekiel 22:25

Tire raya hi mank toute har leve, kay denn gole, har dandrenn le firhen khetne. Yon marenn menshen, čorenn penge bravlepen khetne, oun krenn, te nashrenn boud romya an o them pengre romen.

Amos 4:10

Me bičrom savo pharo nasslepen ap t'mende, har bičrom ap o them Egiptia. Me marom t'mare terne morshen an o kourepen, oun moukom t'mare grayen pandles krik te anell. O khand kol moule lourdendar ap lengri platsa moukom an t'mare naka te djal. Ninna palle van t'mer gar pale pash mande, penell o baro Devel.

5. Mose 32:25

Ap i dromma marell len o rharo, oun an i khera i traash. Hakenes taprell o merepen: o terno morshes oun i terni čat, o ternepen oun kolen parne ballentsa.

2. Timoteo 4:14

O Alexandro, kova, kay boudrell i sasteha, kras mange boud čilačepen. O ray Yezous rakrell i phagi pral leste vin pal kova, hoy yob kras.

1. Samuel 15:33

O Samuel penas: “Har tiro rharo i djouvyenge lengre čaven maras, yaake vell kova, te hi tiri dat gomme kek čavo bouder.” Oun o Samuel das o Agag an kotya, glan o baro Debleste an o foro Gilgal.