Jeremia 18:10 - O Debleskro Lab 2024 (Sinte-Manouche)

¹⁰ Te krenn yon palle, hoy djoungeles glan mande hi, oun shounenn gar, hoy lenge penau, krau me lenge gar ko lačepen, hoy kamom lenge te krell.

O Debleskro Drom 2021 (Sinte)

¹⁰ Te krenn jon palle, hoi djungeles glan mande hi, un shunenn gar, hoi lenge penau, krau me lenge gar ko latchepen, hoi kamom lenge te krell.

Jeremia 18:10 Iomraidhean Croise

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Ezekiel 18:24

I lačo morsh, te moukell yob peskro lačo drom, oun krell kanna o čilačepen, oun ko tselo djoungelo koova, hoy ko čilačo kras, ačell lo djido? Na-a! Ko tselo lačo oun čačo koova, hoy lo kras, vell bistedo. Yob moukas o Debleskro drom oun anas doosh ap peste. Doleske hounte merell lo.

Ezekiel 33:12

Tou mensho, pen i menshenge dran tiro them: I mensho, kay kras, hoy lačo oun čačo hi, te djal yob ap i čilačo drom, hounte merell lo. Ko lačo oun čačo koova, hoy lo glan kova kras, lell les gar dran o merepen vin. I čilačo mensho, te moukell lo peskro čilačo drom, hounte merell gar. Ko čilačo koova, hoy lo glan kova kras, anell les gar an o merepen. Oun ko lačo oun čačo koova, hoy kras i lačo mensho, kay palle ap i čilačo drom vas, nay lell les gar dran o merepen vin.

Ezekiel 33:18

Te moukell kova, kay lačo oun čačo his, peskro lačo drom oun krell o čilačepen, palle merell lo doleske.

Ezekiel 45:20

Oun yaake kress tou kova ninna ap o eftato dives foun ko čon, hakeneske, kay doosh ap peste las, oun kova gar kamas oun djinas. Oun yaake lenn t'mer i doosh oun o pale-čiddo koova krik dran o kheer.

Zefanja 1:6

Marau ninna kolen, kay perenn mandar tele, oun kolen, kay poučenn gar pal mande, oun kamenn či mandar te djinell.

4. Mose 14:22

Kol tsele morsha, kay dikan miro raylepen oun ko baro oun zorelo koova, hoy krom an o them Egiptia oun an o moulo tato them, oun kaman boud kope gar te patsell, kay hom lentsa, oun shounan gar ap kova, hoy me penom,

4. Mose 14:23

kolendar dikell kek ko them, kay lengre phourenge penom oun man sovel pre dom, te dap les lende. Vitar gar dikell kek ko them, kay rakras djoungeles pral mande.

4. Mose 14:34

Star-deesh divessa dikan t'men trouyel, har ko them hi, oun star-deesh bersha hounte hidjrenn t'mari doosh: yek bersh hako diveske, te hayvenn t'mer har kova hi, te tserdau miro vast t'mendar krik.

1. Samuel 13:13

O Samuel penas ap o Saul: “Tou kral dinelo koova, oun kral gar pal ko lab, hoy penal touke o baro Devel, kay tiro Devel hi. Te krals tou pal ko lab, čivals lo tout hako tsireske pral o Israel, te ačals lengro baro ray.

1. Samuel 15:11

“Man doukella, te čivom me o Saules pral o Israel, te vell lo lengro baro ray. Yob sikras mange o doumo, oun kras gar, hoy me leske penom.” Kova doukas o Samueles an o dji, oun yob das i tseli rat ap o baro Debleste gole.

1. Samuel 15:35

Oun o Samuel dikas o Saules bouder gar yaake rah har djivas lo. Oun leskro dji rovas pral o Saul. O baro Debles khaytas, te rodas lo les vin, te vell lo o ray pral o Israel.

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.