Jeremia 17:9 - O Debleskro Lab 2024 (Sinte-Manouche)

⁹ Koon nay prindjrell o mensheskro dji? Či hi yaake čilačo oun rhorheno har o mensheskro dji.

O Debleskro Drom 2021 (Sinte)

⁹ Koon nai prindjrell o mensheskro dji? Tchi hi jaake tchilatcho un chocheno har o mensheskro dji.

Jeremia 17:9 Iomraidhean Croise

1. Mose 6:5

O baro Devel dikas, kay o menshengro čilačepen baro hi ap i phoub. Halauter, hoy len an lengre djia hi, his čilačo o tselo dives.

1. Mose 8:21

Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

2. Samuel 11:15

O David činas an ko liil: “Anenn o Uriyes glan, kote, kay o kourepen bareder hi. Oun palle tserdenn t'men lestar pale, te vell yob moulo dino!”

Debleskri gili 51:5

Ava, djinau, kay anom doosh ap mande. Oun ko čilačo koova, hoy krom, hi man o tselo tsiro glan mire yaka.

Debleskri gili 64:7

Len hi čilačepen an o shero, oun penenn čorrhanes: “Yaake krah mer kova. Yaake djal kova mishto. Har goseve ham mer!”

Gosewe laba 28:26

Dinelo hi kova, kay krell kokres, hoy peskro dji leske penell. Koon djivell gosvepah, vell dran i bibarht vin lino.

Sikepaskro 9:3

Kova hi koy bibarht pash halauter, hoy djal ap kay phoub, te djal ko yekeske har ko vavareske djala. Oun koy pashel hi o dji o menshendar pherdo čilačepen oun pherdo dinlepen, yaake rah har yon djivenna; pal kova merenn le!

Jesaja 1:5

Han gomme gar doha dino? Hoske rikrenn t'mare djia pandlo oun djan doureder ap t'maro čilačo drom? T'maro tselo shero hi pherdo doukepen, oun t'maro tselo dji hi nasselo.

Jesaja 1:6

Foun o shero bis pash i pire hi kek kotar ap t'mende, hoy sasto vals. T'maro mass hi pherdo doukepen, phouro oun nevo doukepen, kay dino van. T'maro činepen hi gar vi-thodo, vitar gar dren pandlo. Kek djet vas pre čiddo.

Jesaja 6:10

Rake lentsa, ninna te pandenn le pengre djia, oun krenn pengre kanda kashteno, oun pengre yaka pandlo. Te dikans le pengre yakentsa, oun shounans pengre kandentsa, oun hayvans pengre djiyentsa, moukans le pengro čilačo drom oun vans pash mande, oun me kroms len sasto.

Jeremia 16:12

T'mer kran boudeder čilačepen har t'mare phoure. Hakeno t'mendar djivell pal peskro shero oun peskro čilačo dji. Ap mande shounell kek.

Jeremia 7:24

Yon shounan gar ap mande, oun lengre kanda pandan le, oun djivan pal lengro shero, oun kran hoy lengro čilačo dji penella, oun sikran mande pengro doumo, oun gar pengro mouy.

Mateo 13:15

O Devel penas: Kalla menshe kamenn gar te hayvell, hoy shounenn le. Yon kamenn gar te shounenn, hoy me penau. Vitar gar kamenn le te dikell, hoy čačo hi. Te kamans le kova te dikell, shounans le. Oun te shounans le, hayvans le, oun vans pash mande. Oun me nay kroms len sasto.

Mateo 15:19

Dran o mensheskro dji vell o čilačo koova, hoy an leskro shero trouyel djal. Dran leskro dji vell, te dell lo i vavares moulo. Te rhorhell i morsh peskri romyat, vell kova dran leskro dji. Te rhorhell i djouvel peskro romes, vell kova dran lakro dji. Dran o dji vella o vi-ladjedo koova, o čorepen, o rhorhepen, oun o praasepen.

Markus 2:17

Har o Yezous kova shounas, penas yob ap lende: “Kolla, kay sasto hi, djan gar pash o dramaskro. Kolla, kay nasselo hi, djan pash leste. Me vom gar, te dap kolen pash mande gole, kay ap o čačo drom hi. Na-a! Me vom, te dap kolen pash mande gole, kay djan ap o čilačo drom.”

Remarja 1:21

Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi.

Remarja 7:11

Me nay rikrom kol laba gar. Yaake hatsas o čilačepen i drom te rhorhell lo man, oun te anell lo man an o merepen.

Efesarja 4:22

Ma djivenn bouder gar t'maro phouro djipen! An t'maro phouro djipen vas o čilačo koova baro an t'mare djia, oun t'mer kran, hoy t'menge gar mishto hi. Savo koova krell t'maro djipen paash.

Hebrearja 3:12

Mire phrala, denn yak ap t'mare djia, te moukell kek t'mendar peskro patsepen, oun kamell o djido Deblestar bouder či te djinell.