Jeremia 17:6 - O Debleskro Lab 2024 (Sinte-Manouche)

⁶ Yob hi har i soubyengri bour an o divyo trouk them, oun dikell kek lačepen an ko tsiro vella. Yob ačell an o moulo tato them, kay kek pani hi, oun či vavar bares vell, oun kek mensho djivell.

O Debleskro Drom 2021 (Sinte)

⁶ Job hi har i subjengri bur an o diwjo truk them, un dikell kek latchepen an ko tsiro wella. Job atchell an o mulo tato them, kai kek pani hi, un tchi wawar bares well, un kek mensho djiwell.

Jeremia 17:6 Iomraidhean Croise

2. Rajengro liil 7:2

Ko pralstouno lourdo, kay čivas pes o baro ray ap leskri moussi, penas ap ko Debleskro morsheste: “Ninna te krals o baro Devel gomme kava dives o bolepen pre oun dals brishin, har nay djal kova?” O Elisa penas: “Tire yakentsa dikeh tou kova, oun či rhah tou kolestar.”

Hiob 20:17

Yob dikell bouder či o bravlepastar an kava them, ko boud gvin oun thoud, hoy har lengste panya nashenn.

Hiob 39:6

Me dom lat i divyo trouk them, te hi li kote khere, oun ko londo them, te djivell li kote.

Debleskri gili 1:4

Yaake hi i čilačentsa gar. Yon hi har čik, hoy i dourho krik phourdell.

Debleskri gili 107:34

Yaake vas i phoub, kay boud djob oun zenlepen baro vas, i moulo londo them. Kova kras lo dran o čilačepen kol menshendar, kay kote djivenn.

Debleskri gili 92:7

I dinelo patsell kova gar; oun i narvelo hayvell les gar:

Jesaja 1:30

Oun t'mer kokres venn har i rouk, koleskre patria bouder gar zenelo hi, oun har i baar, an kolate kek pani bouder hi.

Jeremia 29:32

Doleske dau me, o baro Devel, leste oun leskri familyate i phagi. Kek lendar ačell djido mank kal menshende. Oun yob dikell gar ko lačepen, hoy krau ap mire menshende. Peskro rakepah anas yob mire menshen mandar krik. Kova penell o baro Devel.

Jeremia 48:6

“Nashenn t'menge sik”, kharenn le. “Nashenn t'maro djipaske! Nashenn an o moulo tato them, te djivenn kote har i bour.”

Ezekiel 47:11

Kokres kote, kay o pani tardo hi, oun gar nashell, ačell o pani londo, oun lestar lenn le loon.

Zefanja 2:9

Me, o baro Devel, kay hom o ray pral o bolepen oun i phoub oun o Israeleskro Devel, me dau man sovel pash miro djipen: Ko dives vella, kay djal kol themenge Moab oun Ammon har i foryenge Sodom oun Gomorra. Hako tsireske venn kal themma i moulo them, kay loneskre groube hi, oun divyo zenlepen bares vella. Kolla, kay mire menshendar djido ačan, yon randenn len vin, oun lenn penge ninna lengro them.

5. Mose 29:23

Palle penenn i menshe dran i tsele vavar themma: “Hoske kras o baro Devel kava kau themeha? Hoske vas lo yaake rhoyedo?”

Čačepangre 9:45

Oun o tselo dives kouras pes o Abimelek i morshentsa dran o foro, oun las o foro dren. Oun i menshen, kay an o foro hi, das lo temerl. Oun i khera kras lo paash, oun vitsras loon ap lende.