Jeremia 17:22 - O Debleskro Lab 2024 (Sinte-Manouche)

²² Oun hidjrenn či ap o Debleskro dives dran t'mare khera. Oun boudrenn gar! Ko dives hi o Debleske. Rikrenn les yaake dren, har me kova t'mare phourenge penom.

O Debleskro Drom 2021 (Sinte)

²² Un hidjrenn tchi ap o Debleskro diwes dran tumare khera. Un budrenn gar! Ko diwes hi o Debleske. Rikrenn les jaake dren, har me kowa tumare phurenge penom.

Jeremia 17:22 Iomraidhean Croise

Nehemia 13:15

An kol divessa dikom me an o them Youda menshen, kay ap o Debleskro dives molengre drake stakran, oun vavar, kay anan djob oun čivan les ap bourike, ninna mool, drake, fayge oun vavar koova, oun anan kova an o foro Yerusalem. Oun me rikrom len pre oun dom len trad, te bikrenn le kova gar ap ko dives.

2. Mose 23:12

Shob divessa boudress tou! Ap o eftato dives boudress tou gar! Ninna tire groumya, tiri bourika, tire boudepangre oun i vi-themarya, hoy pash toute hi, boudrenn ap ko dives gar, yaake te nay lenn le pale nevi zoor.

Jesaja 58:13

Te rikreh tire herya pale, te djas gar ap i boudi ap o Debleskro dives, oun djah gar i lovenge palla ap ko dives, hoy mange hi, oun peneh: Kova hi miro shoukeder dives, kay sharau o baro Debles oun mangau les an, te shareh les tou yaake, te djas gar ap i boudi oun kek lovenge palla, oun kreh kek bare laba,

Jeremia 17:24

Te shounenn t'mer kanna ap mande, penell o baro Devel, oun hidjrenn ap o Debleskro dives či dren an voudya kava forestar, oun rikrenn ko dives dren oun boudrenn gar ap ko dives,

Ezekiel 20:12

Ninna čivom o dives dren, hoy mange hi, kay hounte boudrenn le gar. Ko dives his o sikepen koleske, hoy vin kram. Yaake kamom, te djinenn i Israelitarya, kay me, o baro Devel, rodom len mange vin, te venn le mire menshe.

Ezekiel 22:8

Kova, hoy mange kouč hi, hi t'menge či moldo. Oun an kol divessa, hoy mange hi, boudrenn t'mer.

3. Mose 19:3

Hakeno t'mendar hounte dikell pre ap peskri date oun ap peskro dadeste, oun hounte rikrell o Debleskro dives! Me, o baro Devel, hom t'maro Devel.

3. Mose 23:3

Rikrenn o Debleskro dives! Shob divessa boudrenn, ap o eftato dives krenn kek boudi! Ko dives hi o baro Debleske. Ap leste avenn khetne glan leste! Ap kava dives krenn kek boudi, kay t'mer ninna djivenna!

Zakarie 1:4

Ma avenn har t'mare phoure! Glan boud bersha penan lenge mire rakepangre mire laba oun penan: Kava penell o baro Devel, ko ray pral o bolepen oun i phoub: Moukenn t'mare čilače dromma! Ma krenn bouder gar čilačo koova! Yon shounan gar ap mande oun kran gar, hoy lenge penom.

Louka 23:56

Oun yon djan an o foro pale, oun kran kouč djet, hoy mishto soungella, te makenn le les dren. Ap o Debleskro dives kran le kek boudi, yaake har kova pash i biboldende hi.

Louka 6:5

Oun o Yezous penas: “Me, o Mensheskro Čavo, hom ninna o ray pral o Debleskro dives.”

Debleskro tsiro 1:10

Ap o Debleskro dives vas o Debleskro Dourho zoreles pral mande. Oun me shounom pal mande i zorelo rakepen. Kova his har i gole, hoy dell i phourdepaskri.