Jeremia 17:18 - O Debleskro Lab 2024 (Sinte-Manouche)

¹⁸ Mouk ladj pral kolende te vell, kay man palla lenn, oun gar pral mande! Yon hounte trashenn pen, oun gar me! Mouk ko dives te vell, kay vell koy bibarht ap lende! Oun phage len an kotya!

O Debleskro Drom 2021 (Sinte)

¹⁸ Muk ladj pral kolende te well, kai man palla lenn, un gar pral mande! Jon hunte trashenn pen, un gar me! Muk ko diwes te well, kai well koi bibacht ap lende! Un phage len an kotja!

Jeremia 17:18 Iomraidhean Croise

Hiob 16:14

Yek dap pal i vavar dell lo an mande dren. Har i kourepaskro nashell lo ap mande.

Debleskri gili 35:4

Mou vell ladj oun praasepen ap kolende, kay kamenn miro merepen! Mou venn le pale-čiddo oun ladjenn pen, kolla, kay rodenn miri bibarht!

Debleskri gili 35:8

Mouk i bibarht pral lende te vell yaake sik har i dap! Mou perenn le an koy netsa, hoy yon čivan mange. Mou perenn le an koy rheb, hoy yon hadan mange vin!

Debleskri gili 40:14

Baro Devel, dik lačes ap mande, oun le man vin dran o čilačepen! Ab sik ap miri rig!

Debleskri gili 70:2

Kre sik, mo Devel, te vess ap miri rig! Baro Devel, le man vin dran i čilače vasta!

Debleskri gili 71:1

Baro Devel, me rikrau man ap toute. Mouk man gar čičeske pash toute te vell!

Jeremia 1:17

Ab zoreles! Oun kre tout ap o drom! Oun pen lenge halauter, hoy me touke penau! Ma traash lendar, te krap me gar, te trashess tou glan lende!

Jeremia 11:20

Koy penom: Baro Devel, tou ray pral o bolepen oun i phoub, djineh, hoy an o mensheskro dji oun shero glan djala. Tou hal i čačepaskro, kay djal pal o čačepen. An tire vasta dau miro koova. Mouk man dikell, har tou len ko čilačepen pale deh, hoy yon kamenn mange te krell.

Jeremia 12:3

Baro Devel, tou dikeh oun prindjreh man, oun djineh, kay miro dji hako tsiro pash toute his. Kol vavaren tserde krik har bakre krik tserdedo venn, te venn yon maredo! Oun čip len ap i rig, te venn yon moulo dino!

Jeremia 14:17

Oun tou peness lenge kal laba: Me rovau ap o dives oun ap i rati, oun nay moukau gar tele. Mire menshe, kolen kamau har miri čay, hi khetne dino, oun lengro doukepen vell gar bouder sasto.

Jeremia 16:18

Yon lenn mandar pengri tseli phagi lengri doshake oun ko čilačepaske, hoy yon kran. Me moukau lenge či. Yon kran miro them pengre moule deblentsa pale-čiddo. Ko them, hoy mange vin rodom, hi pherdo ko koveha, hoy djoungelo glan mire yaka hi.

Jeremia 17:13

Tou, baro Devel, hal kova, ap koleste i Israelitarya dikenn. Pral halauterende, kay moukan tout, vell ladj. Oun kolla, kay djan toutar krik, kolengre laba venn bistedo har te vans le činlo an i čik. Yon moukan tout, o baro Debles, kova, kay hi har i kvella, dran kolate djido pani vell.

Jeremia 17:16

Tou djineh, me homs lenge har i bakrengro, oun krom hoy mange penal. Me kamom gar, te vell bibarht pral lende. Lauter, hoy lenge penom, djineh tou.

Jeremia 17:19

O baro Devel penas ap mande: Dja pash ko baro voudar o forestar, kay djan i bare raya pral Youda dren oun vin, oun ninna pash kol tsele vavar voudya o forestar Yerusalem,

Jeremia 20:11

O baro Devel hi pash mande oun dell ap mande garda har i zorelo morsh. Doleske perenn kolla, kay man palla lenn oun hounte tserdenn pen pale. Kova, hoy len glan hi, nay krenn yon gar. Oun vavar san pral lende. Hako tsiro hi kova lenge i ladj oun vell lenge gar bistedo.

5. Mose 33:11

Baro Devel, kre len zorelo! Oun dik lačes ap kova, hoy le krenna! De kolen khetne, kay hadenn pen pral lende, oun djan rholyah ap lende pre! Mouk kolen bouder gar pre te stell!

Debleskro tsiro 18:6

Krenn ap late yaake, har yoy ap t'mende kras! Denn lat douy kope yaake boud čilačepen pale, har yoy ap t'mende kras! Denn lat i pipen te piyell, hoy hi douy kope zorleder har kova, hoy yoy das t'mende te piyell!