Jeremia 17:12 - O Debleskro Lab 2024 (Sinte-Manouche)

¹² Maro Debleskro kheer hi har i rayeskri beshepaskri, pherdo o Debleskro raylepen, oun tardo ap i bari berga, yaake rah har lo koy hi.

O Debleskro Drom 2021 (Sinte)

¹² Maro Debleskro kheer hi har i rajeskri beshepaskri, pherdo o Debleskro railepen, un tardo ap i bari berga, jaake rah har lo koi hi.

Jeremia 17:12 Iomraidhean Croise

Debleskri gili 103:19

O baro Devel čivas peskri rayli beshepaskri an o bolepen. Oun yob hi o ray pral halauter.

Debleskri gili 96:6

Yob hi bareder har hako vavar. Shoukapen hi troul leste, Leskri zoor oun leskro raylepen venn diklo an leskro kheer.

Jesaja 6:1

An ko bersh. kay o baro ray Usiya meras, kote dikom me o Debles, maro rayes, beshdo ap i bari rayli beshepaskri. Oun o Debleskro kheer his pherdo ko telstouno kotar leskri plaashka.

Jesaja 66:1

O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

Jeremia 14:21

Biče men gar toutar krik, te vell gar djoungeles rakedo pral toute! Mouk kek te sal pral Yerusalem, kay tiri rayli beshepaskri tardo hi! Ma biste, hoy tou mentsa vin kral, oun le tire laba gar pale!

Jeremia 3:17

An ko tsiro vell o foro Yerusalem kharedo: O baro Debleskri beshepaskri. Oun i tsele menshe venn koy khetne. Oun yon djan bouder gar pal pengro shero oun pengro čilačo dji.

Ezekiel 1:26

Pral o bolepen, hoy pral lengre sherya his, his čomone, hoy vin dikas har i rayeskri beshepaskri dran kouč blaueto bar. Oun ap koleste his yek beshdo, kova dikas vin dikas har i mensho.

Ezekiel 43:7

Yob penas ap mande: Tou, mensho, kate hi koy platsa, kay miri beshepaskri tardo hi oun ko banko, ap koleste mire pire čivau. Kate djivau hako tsireske mashkral i Israelitaryen. Oun i Israelitarya anenn bouder gar ladj ap mande, yon gar oun lengre bare raya vitar gar. Kova kran le, har mangan le vavar deblen an, oun har paskran le pengre bare rayen gar dour miro kherestar.

Mateo 25:31

Oun o Yezous penas: Ap ko dives, kay vell o Mensheskro Čavo an peskro tselo raylepen, oun leha venna i tsele bolepangre, palle hi lo o ray pral halauter, oun rakrell o čačepen vin pral i tsele menshende ap i phoub.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Hebrearja 4:16

Dran kova vas mer glan maro lačo Debleste. Koles hi i baro dji menge, te dell lo men peskri zoor ap ko tsiro, kay hounte las mer leskri zoor.

Debleskro tsiro 3:21

Kova, kay zoreles an o patsepen ačas, oun gar pre das, kova nay beshell pes mantsa ap miro rayeskro beshepaskro, yaake har me ninna zoreles tardo homs, oun me beshom man miro dadeha ap leskro rayeskro beshepaskro.