Jeremia 16:5 - O Debleskro Lab 2024 (Sinte-Manouche)

⁵ O baro Devel penas ap mande: Tou djas an kek kheer, kay rovenn le pral yekeste, kay meras. Tou rovess gar lentsa, vitar gar peness lenge lače laba; me hom bouder gar i maal kal menshendar, hom lenge bouder gar lačo, oun krau miro dji lenge pandlo. Kova penell o baro Devel.

O Debleskro Drom 2021 (Sinte)

⁵ O baro Dewel penas ap mande: Tu djas an kek kheer, kai rowenn le pral jekeste, kai meras. Tu rowess gar lentsa, witar gar peness lenge latche laba; me hom buder gar i maal kal menshendar, hom lenge buder gar latcho, un krau miro dji lenge pandlo. Kowa penell o baro Dewel.

Jeremia 16:5 Iomraidhean Croise

Debleskri gili 25:6

Miro baro Devel, ma biste tiro kamlepen oun tiro lačepen, hoy hako tsiro ap tire menshende sikral.

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jeremia 12:12

Pral ko nango pralstouno them venn kol kourepangre, kay denn lauter khetne. O baro Devel anas len kay, te kourenn le pen i menshentsa an o tselo them, yek rigyatar bis ap i vavar. Oun kek nay nashell peske lendar.

Jeremia 13:14

Yaake har kol khore phagenn, te venn le khetne dino, yaake krau, te phagell yek ap o vavareste, ninna i dada ap lengre čavende. Yon khaytenn man gar, oun i dji hi man vitar gar lenge, oun rikrau man gar pale, te marap len lauter. Kova penell o baro Devel.

Jeremia 16:13

Doleske tradau me t'men dran kava them vin an i them, kay prindjrenn t'mer gar oun kay prindjran t'mare phoure vitar gar. Kote hounte venn vavar deblenge koy ap o dives oun ap i rati; me krau miro dji t'menge pandlo.

Ropaskre gilja 3:17

Me bistrom, hoy i lačo djipen hi. Oun djinau bouder gar, hoy barht hi.

Zakarie 8:10

Bis kanna his kek love koy, te playsrenn le morshen pengre firhentsa lengri boudjake. Oun kolla, kay djan vin oun dren an o foro, hounte daran pengro djipaske. Hakeno djas ap o vavareste pre.

5. Mose 31:17

Palle rhačell miri rholi pre pral lende, oun me moukau len, oun vau lenge bouder gar ap i rig. Boud djoungelo pharo koova pherdo douka oun daar vell pral lende. Oun yon penenn palle ap ko dives: Kova lauter vell pral mende doleske, kay maro Devel bouder gar pash mende hi.

Debleskro tsiro 6:4

Oun i vavar gray vas vin. Ko gray his lolo har i yag. Oun kova, hoy pre beshdo his, koles vas i zoor dino, te anell lo o kourepen ap i phoub, yaake te marenn pen i menshe. Oun les vas i baro rharo dino.