Jeremia 16:18 - O Debleskro Lab 2024 (Sinte-Manouche)

¹⁸ Yon lenn mandar pengri tseli phagi lengri doshake oun ko čilačepaske, hoy yon kran. Me moukau lenge či. Yon kran miro them pengre moule deblentsa pale-čiddo. Ko them, hoy mange vin rodom, hi pherdo ko koveha, hoy djoungelo glan mire yaka hi.

O Debleskro Drom 2021 (Sinte)

¹⁸ Jon lenn mandar pengri tseli phagi lengri doshake un ko tchilatchepaske, hoi jon kran. Me mukau lenge tchi. Jon kran miro them pengre mule deblentsa pale-tchiddo. Ko them, hoi mange win rodom, hi pherdo ko koweha, hoi djungelo glan mire jaka hi.

Jeremia 16:18 Iomraidhean Croise

Debleskri gili 106:38

Ava, yon dan pengre čaven oun čen moulo, kay kek doosh ap pende anan, oun dan len kol moule deblen, kolen i Kanaanitarya an-mangan. Yaake anan le rateskri doosh ap o them Kanaan,

Jesaja 24:5

I menshe ap i phoub moukan o Debleskro drom, oun rikran pen gar ap leskre laba, oun djivan gar yaake, har lo lentsa vin kras, oun hoy hako tsireske čačo hi. Yaake kran le i phoub pale-čiddo.

Jesaja 40:2

“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”

Jesaja 61:7

T'mer hidjran bari ladj oun praasepen, doleske lenn t'mer kanna i baro them oun i barht, hoy ačella hako tsireske.

Jesaja 65:6

Dikenn, kova lauter hi pre činlo an i liil glan mande. Oun me rikrau gar miro mouy, bis te dom len ko tselo čilačepen pale, hakeneske ap peskro shero:

Jesaja 65:7

Ko čilačo koova, hoy yon kran, oun ko čilačo koova, hoy lengre phoure kran, penell o baro Devel. Yon rhačran ap i berge vavar deblenge soungepaskro koova, oun koleha anan le ladj ap mande. Yaake dau me kova ap lengre sherya pale, kova lauter, hoy kran le ninna an i phoure tsirya.

Jeremia 17:18

Mouk ladj pral kolende te vell, kay man palla lenn, oun gar pral mande! Yon hounte trashenn pen, oun gar me! Mouk ko dives te vell, kay vell koy bibarht ap lende! Oun phage len an kotya!

Jeremia 2:7

Oun me anom t'men an i lačo them, kay boud rhapen hi, te rhan ko tselo lačo koova, hoy kote baro vella. Oun har t'mer an ko them djan, kran les t'mer pale-čiddo. Oun miro them vas djoungeles glan mire yaka.

Jeremia 3:9

Oun lakro vi-ladjedo koveha kras yoy o them pale-čiddo. Kasht oun barra mangell li an.

Jeremia 44:4

Oun me bičrom lenge pale te pale mire rakepangre, kay mange boudran, oun moukom lenge te penell: “Ma krenn sau djoungelo koova, kay man zoryah rhoyrenna!”

Jeremia 7:30

Kol menshe an o them Youda krenn, hoy mange djoungeles hi, penell o baro Devel. Yon čivan kol djoungele deblen an kava kheer, hoy mange kerdo vas, oun kran les pale-čiddo.

Ezekiel 11:18

Te venn le kote khere, vitsrenn le kol tsele rhorhene deblen oun djoungele figuren vin dran o them.

Ezekiel 11:21

Kolla, kay pandan pengro dji ap i rhorhene deblen oun djoungele figuren, kolenge anau lengro čilačepen ap lengre sherya pale. Kava penell o baro Devel, maro ray.

Ezekiel 36:18

Yon maran menshen, oun mangan djoungele deblen an. Yaake kran le o them pale-čiddo. Doleske moukom miri rholi ap lende te vell.

Ezekiel 5:11

T'mer kran miro kheer pale-čiddo kol rhorhene deblentsa oun djoungelo koveha, hoy kote kran, penau me, o baro Devel, t'maro ray. Doleske dau man sovel, me o djido Devel, te dap t'men paash. T'mer khaytenn man bouder gar oun me krau miro dji bouder gar t'menge pre.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

Micha 2:10

Stenn pre, djan t'menge! An kava them nay ačenn t'mer gar! T'mer kran les pale-čiddo. Kate ačell kek bar ap o vavar.

Debleskro tsiro 18:6

Krenn ap late yaake, har yoy ap t'mende kras! Denn lat douy kope yaake boud čilačepen pale, har yoy ap t'mende kras! Denn lat i pipen te piyell, hoy hi douy kope zorleder har kova, hoy yoy das t'mende te piyell!