Jeremia 16:13 - O Debleskro Lab 2024 (Sinte-Manouche)

¹³ Doleske tradau me t'men dran kava them vin an i them, kay prindjrenn t'mer gar oun kay prindjran t'mare phoure vitar gar. Kote hounte venn vavar deblenge koy ap o dives oun ap i rati; me krau miro dji t'menge pandlo.

O Debleskro Drom 2021 (Sinte)

¹³ Doleske tradau me tumen dran kau them win an i them, kai prindjrenn tumer gar un kai prindjran tumare phure witar gar. Kote hunte wenn wawar deblenge koi ap o diwes un ap i rati; me krau miro dji tumenge pandlo.

Jeremia 16:13 Iomraidhean Croise

2. Rajengro liil 25:21

Oun o baro ray pral o them Babilonia moukas len temerl te dell an o foro Ribla an ko kotar them, hoy kharell Hamat. Yaake van i menshe dran o them Youda krik anlo dran pengro them.

2. Familjakro liil 7:20

palle tradau me i Israelitaryen vin dran lengro them, hoy me len dom. Oun kava kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral leste.

Debleskri gili 81:12

Mire menshe shounan gar ap mande. O Israel kamas man gar.

Jeremia 10:18

O baro Devel penell: Kava kopo kamau me kal menshen krik tradell dran lengro them, te venn yon an i traash, oun lenn bare douka.

Jeremia 14:8

Ap toute dikenn i Israelitarya, te vess ap lengri rig, oun leh len vin dran kay bibarht. Hoske kreh tou, har te vals i vi-themari an maro them, oun har yek, kay ačell yek rati oun djal palle doureder?

Jeremia 15:1

Oun o baro Devel penas ap mande: Ninna te vals o Mose oun o Samuel glan mande tardo, kroms me kal menshenge miro dji gar pre. Trade len krik mandar, oun mouk len te djal!

Jeremia 15:14

Oun me kamau, te vess tou i boudepaskro kolenge, kay rikrenn tout tele an lengro them – i them, hoy tou gar prindjreh. Miri rholi rhačell har i yag, oun vell pral toute.

Jeremia 15:4

I tsele menshe ap i phoub denn i vasta pral o shero khetne, te dikenn yon kova. Koya hi koy phagi koleske, hoy ko baro ray Manasse an Yerusalem kras. Leskro dad hi o Hiskiya, ko baro ray pral Youda.

Jeremia 16:5

O baro Devel penas ap mande: Tou djas an kek kheer, kay rovenn le pral yekeste, kay meras. Tou rovess gar lentsa, vitar gar peness lenge lače laba; me hom bouder gar i maal kal menshendar, hom lenge bouder gar lačo, oun krau miro dji lenge pandlo. Kova penell o baro Devel.

Jeremia 17:4

Oun t'mer hounte djan dran kava them, hoy dom t'men hako tsireske. Oun me krau, te venn t'mer boudepangre kolenge, kay rikrenn t'men tele an i them, kay prindjrenn gar. Miri rholi hi har i yag, hoy gar bouder vin djala.

Jeremia 22:26

Oun me tradau tout oun tiri dat an i vavar them, kay gar khere han. Kote merenna t'mer douy.

Jeremia 22:28

Yek nay penals: Hoske kreh tou ko morsheha Konya yaake har i khoreha, hoy an kotya dino vas, oun hoy kek kamell? Hoske vell yob oun leskre čave krik tradedo, oun zoryah an i vavar them anlo, hoy prindjrenn le gar?

Jeremia 5:19

Oun te poučenn yon: Hoske krell maro baro Devel kova menge lauter?, hounte peness tou lenge: Yaake har t'mer mandar krik djan, oun van vavar deblenge koy an t'maro them, yaake hounte boudrenn t'mer vavar menshenge an i them, kay gar t'maro hi.

Jeremia 6:15

Yon hounte ladjans pen ko djoungelo koveha, hoy yon kran. Kova krenn le gar. Yon ladjenn gar. Yon djinenn gar, hoy ladj hi. Doleske venn yon maredo khetne kol vavarentsa. Te vau me, oun dau len i phagi, ačell kek lendar djido, penell o baro Devel.

5. Mose 28:36

O baro Devel tradell t'men oun ko rayes, koles t'mer pral t'mende čivan, pash i menshende an i vavar them, kay t'mer an kek tsiro djivan, vitar gar t'mare phoure. Oun kote mangenn t'mer oun barrengre deblen an.

5. Mose 29:28

Kova hoy khatedo hi, djinell kokres maro baro Devel. Mende sikras lo, hoy lo mendar kamell, te djivas mer pal kal tsele laba, hoy an kava čačepaskro liil činlo hi. Kova hi menge oun mare čavenge hako tsireske.