Jeremia 15:6 - O Debleskro Lab 2024 (Sinte-Manouche)

⁶ Tou djal mandar krik, penell o baro Devel, oun kamal mandar či bouder djinell. Doleske hadom me miro vast ap toute, te marap tout. Me hom khino, te krap miro dji touke pre.

O Debleskro Drom 2021 (Sinte)

⁶ Tu djal mandar krik, penell o baro Dewel, un kamal mandar tchi buder djinell. Doleske hadom me miro wast ap tute, te marap tut. Me hom khino, te krap miro dji tuke pre.

Jeremia 15:6 Iomraidhean Croise

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Jesaja 28:13

Doleske hayvenn le gar, hoy o baro Devel lenge penell. Leskro lab hi lenge či vavar koova har sau koova, hoy i ternepen rakrell: ba-ba-ba, ma-ma-ma. Yaake te djan le koy oun perenn, oun phagenn pen i herya, taprenn pen an i dori, oun venn pandlo.

Jesaja 31:3

I Egiptarya hi menshe oun kek debla. Oun lengre graya hi firhe, – len hi kek debleskri zoor. Ap ko tsiro, kay hadell o baro Devel peskro vast pre, te dell lo len, perenn kolla, kay van i vavarenge ap i rig, khetne kolentsa. Oun khetne merenn le.

Jeremia 1:16

Oun me dau i menshen an Youda i phagi lengro čilačepaske, hoy yon kran. Yon djan krik mandar oun anan firhen vavar deblenge oun mangan kol figuren an, hoy le pengre vastentsa kran.

Jeremia 13:14

Yaake har kol khore phagenn, te venn le khetne dino, yaake krau, te phagell yek ap o vavareste, ninna i dada ap lengre čavende. Yon khaytenn man gar, oun i dji hi man vitar gar lenge, oun rikrau man gar pale, te marap len lauter. Kova penell o baro Devel.

Jeremia 2:13

Mire menshe kran čomone, hoy douy kope čilačo hi: Man, ko djido pani moukan yon, oun hadan penge panyeskre rhebya vin, kay paash hi, oun nay rikrenn kek pani.

Jeremia 2:17

Kova lauter hi tiri doosh! Boud kope kamas o baro Devel, tiro ray, tout ap o čačo drom te anell. Oun tou moukal les!

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Jeremia 20:9

Ava, te penau mange, me kamau o Debles te bistrell, oun rakrau bouder gar an leskro lab, palle rhačell leskro lab an mande har i yag. Me lau miri tseli zoor khetne, te rikrap kova vin. Oun kova djal gar.

Jeremia 44:22

oun yob nay dikas bouder gar, har djan ap t'maro čilačo drom oun kran savo djoungelo koova! Doleske vas t'maro them i moulo them. I menshe, kay shounenn kolestar, denn i vasta pral o shero khetne. Oun te kamenn le yekes te praasell, penenn le: Mou djal touke har o themeske Youda! Kek mensho djivell bouder koy. Yaake hi kova kava dives!

Jeremia 6:11

Tiri rholi pral lende rhačell ninna an mande. Me nay rikrau lat gar pale. Koy penas o baro Devel ap mande: Palle čore miri rholi pral lende vin: pral kol čavende ap o drom, oun pral kol terne morshende. Yon lauter, morsha oun djouvya, ninna kol phoure oun an-dikle, venn pandles krik anlo.

Jeremia 6:12

Lengre khera lenn kol vavar, ninna lengre themma oun lengre djouvyen. Me hadau miro vast, te marap kolen, kay djivenn an kava them, penell o baro Devel.

Jeremia 6:19

I menshe ap i tseli phoub hounte shounenn kova. Me kamau bibarht pral kal menshende te anell. Ap mire laba denn le kek garda, oun djan gar ap miro drom. Doleske lenn le pengri phagi.

Jeremia 7:16

Tou, Yeremia, mangess gar oun rovess gar glan mande kal menshenge, vitar gar peness mange, hoy len ap o dji hi, oun hoy len hounte vell, oun stakress lenge pash mande vitar gar dren. Me kamau t'men gar an-shounell.

Jeremia 7:24

Yon shounan gar ap mande, oun lengre kanda pandan le, oun djivan pal lengro shero, oun kran hoy lengro čilačo dji penella, oun sikran mande pengro doumo, oun gar pengro mouy.

Jeremia 8:5

Hoske nashrenn pen kal menshe an o foro Yerusalem pale te pale, oun rissrenn gar trouyel? Yon ačenn pash kol rhorhene deblende, oun kamenn gar palpale pash mande te vell.

Jeremia 8:9

Kol goseve vitsran o Debleskro lab pal pende. Havo gosvepen ačell lenge? O dives vell, kay vell ladj oun daar pral lende. Yon venn tapedo oun pandles krik anlo.

Ezekiel 14:9

Te moukell pes i Debleskro rakepaskro yaake dour te anell, te dell lo les i lab mandar doureder, palle krau me, o baro Devel, te dell lo i rhorheno lab doureder. Oun me hadau miro vast pral leste, oun krau les pale-čiddo, te djivell lo bouder gar mank mire menshende Israel.

Ezekiel 25:7

Doleske djau zoryah ap t'mende pre, oun dau t'men an o vast i menshendar dran vavar themma. T'mer venn lenge har ko kouč koova, hoy i kourepangre penge lenna, te van le i zorleder an o kourepen. Oun me krau, te ačess bouder kek natsyona. T'menge ačell kek them. O tselo kheer Ammon djal paash. Oun t'mer dikenn oun hayvenn, te hom me o baro Devel.

Ezekiel 35:3

Pen leske: Kava penell o baro Devel, maro ray: Kanna sikrau les touke, tou berga Seir. Oun djau zoryah ap toute pre, oun krau toutar te vess i moulo oun mouklo them.

Hosea 11:7

Mire menshe ačenna krik mandar, oun kamenn gar pash mande te vell. Ninna te venn le pash mande, o pralstuneste, hadenn le man gar.

Hosea 13:14

Ginap me len vin dran i zoor, hoy o moulengro themes hi? Lap me len vin dran o merepen? Tou, merepen, kay hi tout ko nasslepen, ap koleste i menshe merenn? Tou, moulengro them, kay hi tout ko pharo nasslepen, hoy anell i menshen pash toute? Kal menshe khaytenn man bouder gar.

Hosea 4:16

I menshe an Israel hi har i divyi groumni, oun moukenn pen či te penell. Har nay krals o baro Devel lentsa, har te vans le tikne bakre, oun nay anals len vin ap i bourhlo kotar phoub, te hatsenn le kote zenlepen?

Zefanja 1:4

Me hadau miro vast pral o them Youda, oun pral halauterende, kay an o foro Yerusalem djivenn, te dap len lengri phagi. Oun krau lauter paash, hoy kote o rhorheno deblestar Baal pral ačas. Ninna leskre rashaya venn bistedo, oun kol vavar rashaya, kay moukan o baro Debles.

Zakarie 7:11

Mire menshe kaman gar yak te dell ap mire laba, oun rissran mange pengro doumo, oun pandan pengre kanda, te shounenn le gar, hoy me lenge penom.