Jeremia 15:5 - O Debleskro Lab 2024 (Sinte-Manouche)

⁵ Koon krell peskro dji touke pre, Yerusalem? Kones khayteh tou? Oun koon vella oun poučella, har touke djala?

O Debleskro Drom 2021 (Sinte)

⁵ Koon krell peskro dji tuke pre, Jerusalem? Kones khaiteh tu? Un koon wella un putchella, har tuke djala?

Jeremia 15:5 Iomraidhean Croise

Hiob 19:21

Mire mala, krenn t'mare djia mange pre! Avenn mange lačes! O Debleskro vast das man!

Debleskri gili 69:20

Tou prindjreh i ladj, hoy ap mande peras, tou djineh, har yon man praasan oun pal mande rakran. Kolla, kay mange o djipen phares krenn, hi lauter glan tire yaka.

2. Mose 18:7

Kote djas o Mose vin pash leste, djas ap i čanga glan leste oun čoumras les. Oun yon poučan yek o vavarestar, har lenge djala.

Jesaja 51:19

Kal douy koova van ap toute: Tiro them vas paash dino oun tire forya tele-phagedo. Boud tire menshendar meran i bokatar oun an o kourepen. Oun kek hi koy, te rovell lo touha, te penell lo touke lače laba.

Jeremia 13:14

Yaake har kol khore phagenn, te venn le khetne dino, yaake krau, te phagell yek ap o vavareste, ninna i dada ap lengre čavende. Yon khaytenn man gar, oun i dji hi man vitar gar lenge, oun rikrau man gar pale, te marap len lauter. Kova penell o baro Devel.

Jeremia 16:5

O baro Devel penas ap mande: Tou djas an kek kheer, kay rovenn le pral yekeste, kay meras. Tou rovess gar lentsa, vitar gar peness lenge lače laba; me hom bouder gar i maal kal menshendar, hom lenge bouder gar lačo, oun krau miro dji lenge pandlo. Kova penell o baro Devel.

Jeremia 21:7

Oun koy pal dau me o Sedekya, ko baro rayes pral Youda, an kol vasta o baro rayestar pral Babilonia, o Neboukadnezar, ninna leskre pralstunen oun kol menshen kate an kava foro, kolla, kay gar meran ap o nasslepen, an o kourepen oun i bokatar. Kova penau me, o baro Devel. Me dau t'men an i vasta kolendar, kay kamenn t'men te marell. O Neboukadnezar moukell t'men lauteren o rhareha moulo te dell, oun les khaytell kova gar, oun yob krell peskro dji t'menge pandlo.

Ropaskre gilja 1:17

O foro Yerusalem hi har i djouvel, kay rikrell peskre vasta dour pre, oun kek hi koy, kay lake ap i rig vell. O baro Devel kharas haki rigyatar kolen khetne, kay kourenn pen o Yakobeskre čaventsa. O foro Yerusalem hi lenge har i rhačedi djouvel, ap kolate yon tele dikenn.

Nahum 3:7

Hakeno, kay tout palle dikell, nashell toutar oun penell: Ninive hi paash dino! Kekes khaytell ko foro. Kekes hi lače laba ko foreske.

Čačepangre 18:15

Koy djan le lauter pash o Mikaeskro kheer, kay o terno Levitari his, oun poučan ko terno morshes, har leske djal.

1. Samuel 10:4

Oun te dikenn le tout, poučenn le toutar, har touke djal. Oun yon denn tout douy mare. Oun tou less len dran lengre vasta.

1. Samuel 17:22

Oun o David moukas lauter, hoy les peha hi, tardo pash ko lourdeste, kay ap i platsa yak das, oun nashas kote, kay čivan pen i lourde pre. Oun har yob koy vas, poučas lo pengre phralendar, har lenge djal.

1. Samuel 25:5

Kote bičras o David deesh peskre morshendar an o foro Karmel oun penas ap lende: “Djan pre an o foro Karmel! Oun te venn pash o Nabal, palle poučenn lestar an miro lab, har leske djal,