Jeremia 15:3 - O Debleskro Lab 2024 (Sinte-Manouche)

³ Me, o baro Devel, lom man glan, te anap star kope pharo koova pral lende: o rhareha te venn le moulo dino, i djoukle tserdenn len krik, i čirkle rhan len, oun kova hoy lendar pral ačell, rhan i divye firhe pre.

O Debleskro Drom 2021 (Sinte)

³ Me, o baro Dewel, lom man glan, te anap star kope pharo koowa pral lende: o chareha te wenn le mulo dino, i djukle tserdenn len krik, i tchirkle chan len, un kowa hoi lendar pral atchell, chan i diwje vieche pre.

Jeremia 15:3 Iomraidhean Croise

Debleskri gili 68:23

O Devel, miro ray, penas: Me anau len pale i bergatar Bashan, ninna dran o telstunepen o baro panyestar anau len pale pale.

Jesaja 18:6

Oun kolla lauter moukell lo čiddo i čirklenge, kay mass rhan ap i berge, oun i divye firhenge ap i phoub. Oun kol čirkle rhan kolendar o tselo niyal oun kol divye firhe o tselo vend.

Jeremia 12:9

O them mire menshendar vas i them, kay i divye djoukle khetne van. Oun troul lende hi save čirkle, kay rhan mass: Avenn khetne t'mer tsele divye firhe! Kate hi rhapen!

Jeremia 14:12

Yon nay rikrenn pen pale o rhapastar, oun rovenn ap mande yaake boud har kamenn le, me shounau len gar. Ninna te rhačrenn yon mange firhen oun rhapen, dikau gar lačes ap lende. Me marau len an o kourepen, ninna i bok oun o nasslepen marenn le.

Jeremia 14:16

Yaake djal ninna kol menshenge, kay shounenn ap lende. Yon hi moulo čiddo ap i dromma an Yerusalem. I bok oun o rharo maras len. Oun kek paskrell len, lengre romyen oun lengre čaven. Me anau čilačepen pral lende, yaake har yon čilačepen kran.

Jeremia 16:4

Lendar hounte merenn ap pharo nasslepen, oun kek rovell pral lende oun paskrell len. Yon ačenn čiddo ap i harhetikri phoub har firhengro foul. Vavar merenn an o kourepen. Oun ninna vavar merenn i bokatar. Oun i čirkle oun i divye firhe rhan len pre.

Jeremia 7:33

Čirkle oun divye firhe rhan kol moule menshen pre, oun kek tradell len krik.

Ropaskre gilja 3:11

Yob tserdas man tele o dromestar, dandras man an kotya, oun moukas man čiddo.

Ezekiel 14:21

Oun kanna penell o baro Devel, maro ray: Ap ko tsiro, kay bičrau star phare dava pral ko foro Yerusalem – kourepen, bok, divye firhe oun pharo nasslepen, – te merenn i menshe oun firhe koy dren,

Ezekiel 33:27

Yaake peness tou lenge: Kava penell o baro Devel, maro ray: Pash miro djipen dau man sovel, halauter, kay an kol tele phagede forya djivenn, venn maredo o rhareha. Oun kolla, kay vin ap o them djivenn, venn khetne dandedo i divye firhendar. Oun kolla, kay khatrenn pen an zorele barrengre khera oun an i phoub, kolla merenn ap i djoungelo nasslepen.

3. Mose 26:16

palle krau t'mentsa yaake: Bari bibarht anau pral t'mende, pharo nasslepen, hoy t'menge o djipen randell. T'mer rhačenn glan fibro, t'mare yaka nay dikenn bouder gar mishto, oun kek zoor ačell an t'mende. Čičeske vitsrenn djob vin an i phoub. Kolla, kay kourenn pen t'mentsa, rhan les pre.

3. Mose 26:22

Divye firhe bičrau mank t'mende, te rhan le t'mare čaven oun firhen, oun marenn yaake boud t'mendar, te venn t'mare dromma mouklo.

3. Mose 26:25

Me moukau kourepen an t'maro them vin te phagell, oun dau t'men pale, te rikran gar dren, hoy mantsa vin kran. Oun te khatrenn t'mer t'men palle an t'mare forya, palle bičrau i pharo nasslepen mashkral t'mende, oun dau t'men an i vasta kolendar, kay kourenn pen t'mentsa.

Amos 5:19

Kova hi har te nashals yek peske glan o levo, oun i vavar baro divyo firho taprals les. Yob khatrell pes an i kheer, čivell peskro vast ap i vanta, oun i sap dandrell les.

5. Mose 28:26

Oun te han moulo koy čiddo, palle venn i čirkle oun i divye firhe, te rhan le t'maro mass. Oun kek tradell len krik.

5. Mose 32:24

I bokatar merenn le, oun o fibro rhal len pre. Pharo nasslepen marell len. Me bičrau divye firhe oun čilače sapa mank lende, kay dandrenn len moulo.

Debleskro tsiro 6:8

Oun me dikom i grayes. Kova his parno har i moulo. Oun kova, kay pre beshdo his, koleskro lab his “Moulo.” Oun o merepen vas pal leste. Oun les vas i zoor dino, te marell lo i menshen ap o starto kotar i phoubyatar. O rharo, i divye firhe, i bok oun o nasslepen marenn len.