Jeremia 15:18 - O Debleskro Lab 2024 (Sinte-Manouche)

¹⁸ Hoske venn mire douka gar sasto? Hoske hi miro doukepen yaake djoungelo, te vell lo gar sasto? Tou val mange har i brounna, kay an o niyale kek pani dren hi.

O Debleskro Drom 2021 (Sinte)

¹⁸ Hoske wenn mire duka gar sasto? Hoske hi miro dukepen jaake djungelo, te well lo gar sasto? Tu wal mange har i brunna, kai an o nijale kek pani dren hi.

Jeremia 15:18 Iomraidhean Croise

Hiob 14:11

Dran o baro pani nashell o pani vin. Oun o lengsto pani nashrell boud oun boudeder pani, bis te hi lo trouk.

Hiob 34:6

Hounte rakrap rhorhepen oun penap: Me lom doosh ap mande? Mange vas i baro doukepen dino, ninna te hi kek doosh ap mande.”

Debleskri gili 6:3

Baro Devel, ab lačes ap mande, mange djal gar mishto! Baro Devel, kre man pale sasto! Man hi bouder kek zoor an mande.

Jeremia 14:19

Dal tou kol menshen an Youda pre? Kameh tou o forestar Sion či bouder djinell? Hoske dal tou men yaake, kay nay krell men kek bouder sasto? Mer patsam, kay vell lauter mishto. Či vas mishto! Mer kamam, te vell i tsiro, kay kova, hoy an mende nasselo hi, sasto vals. Kova vas gar. I daar vas.

Jeremia 14:3

Kol bravele bičrenn pengre boudepangren pal pani. Kolla djan pash i brounna, oun hatsenn kek pani. Lengre khore anenn le kek panyeha pale. Lenge hi ropaske, oun khatrenn pengro mouy i ladjatar.

Jeremia 20:18

Hoske vom dran miro dakro per vin, te dikap ropen oun douka, oun djivap hako dives an ladj?

Jeremia 20:7

Baro Devel, tou rakral yaake rah ap mande dren bis te krom, hoy tou kamal. Tou hal zorleder har me. Kanna vom lenge sapaske, oun hakeno sal man vin.

Jeremia 30:12

O baro Devel penell: Tiro činepen hi djoungelo, tiro doukepen nay krell kek mensho sasto.

Jeremia 30:15

Hoske deh tou gole pral tiro phagepen? Kova, hoy touke douka krell, nay krell kek sasto. Tiri doosh hi baro, oun tiro čilačo koova hi boud. Doleske dom tout kay phagi.

Micha 1:14

T'mer menshe an o them Youda hounte denn ninna o foro Moreshet-Gat pre. I raya dran Israel patsenn, te vell lenge o foro Aksib ap i rig. Yaake vell kova gar. Kava foro vell lenge har i brounna, an kolate kek pani hi.

Micha 1:9

O doukepen o forestar Samaria nay vell gar sasto. Koy bibarht vell ninna an o them Youda, oun taprell o foro Yerusalem, ko foro mire menshendar.