Jeremia 14:9 - O Debleskro Lab 2024 (Sinte-Manouche)

⁹ Hoske kreh tou, har te djinals gar, hoy te kress, har te vals i kourepaskro kek zoryah? Čačepah, baro Devel, tou hal pash mende. Mer ham tire menshe. Ma mouk men!

O Debleskro Drom 2021 (Sinte)

⁹ Hoske kreh tu, har te djinals gar, hoi te kress, har te wals i kurepaskro kek sorjah? Tchatchepah, baro Dewel, tu hal pash mende. Mer ham tire menshe. Ma muk men!

Jeremia 14:9 Iomraidhean Croise

2. Familjakro liil 7:14

oun mire menshe, kay miro labeha kharedo venn, dikenn palle dren, hoy le kran, oun mangenn man, oun rodenn man oun djan pengre čilače dromma tele, palle shounau an o bolepen lengri gole, oun lau lengri doosh krik oun krau lengro them sasto.

Debleskri gili 10:1

Baro Devel, hoske hal tou yaake dour mandar krik? Hoske khatreh tou tout mandar an o čilačo tsiro?

Debleskri gili 27:9

Ma dja touke mandar! Biče man, tiro boudepaskres, gar toutar krik an tiri rholi! Tou hal kova, kay vas mange ap i rig hako tsiro. Miro Devel, tou hal kova, kay man vin lell. Ma mouk man! Ma de man pre!

Debleskri gili 46:5

Lačo djoudjo pani nashella an o Debleskro foro, kay o Devel pral halauter djivell oun leskro kheer hi, Ko pani krell ko fores barhtelo.

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 43:7

Halauter te venn khere, kay miro labeha kharedo venn, kolen mange krom, te vell miro lab baro, kolendar i natsyona krom, hoy miro hi.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Jesaja 59:1

Dik, o baro Debleskri moussi hi lengsto doha, te nay lell lo t'men dran o čilačepen vin! Oun leskre kanda hi gar pandlo, te nay shounell lo gar.

Jesaja 63:19

Oun mer vam har save, pral kolende tou an kek tsiro o ray hals, oun pral kolende tiro lab gar vin gole dino vas.

Jeremia 15:16

Baro Devel, tou ray pral o bolepen oun i phoub, me hom tiro. Yaake vas tiro lab miro rhapen hako kopo, kay me kova shounau. Te shounau tiro lab, givell miro dji, oun vell pale zorelo.

Jeremia 51:5

I Babilonarya kran baro čilačepen ap o Israeleskro Debleste. O Israel oun o Youda van gar mouklo pengro Deblestar, ko baro Deblestar, kay hi o ray pral o bolepen oun i phoub.

Jeremia 8:19

Dran o tselo them shounau me, har denn mire menshe gole. Kamell o baro Devel bouder gar o Devel an Sion te vell? Hi o fores Sion bouder kek baro ray? Hoske kran yon man yaake rhoyedo [penell o baro Devel], har mangan le pengre figuren oun rhorhene deblen an, kay kekeske ap i rig venna?

Ropaskre gilja 5:20

Hoske kameh tou men te bistrell, oun maro tselo djipen či mendar te djinell?

Ezekiel 48:35

Kal star rigya o forestar hi khetne enya (9) kilometarya lengsto. Foun ko tsiro vell o foro kharedo: O baro Devel hi kay!

Habakuk 1:2

Baro Devel, har rah hounte dap gole, oun tou kameh man gar te shounell? Har rah hounte dap gole glan toute: “Dik, havo čilačepen hi kate!” Oun tou kameh menge gar ap i rig te vell?

Zakarie 2:5

An i vavar dikepen dikom i terno morshes i doryah an peskro vast, te dikell lo pal, har baro čomone hi.

Zakarie 8:3

Me vau pale ap i berga Sion oun djivau mashkral an o foro Yerusalem. Palle kharell pes Yerusalem foro, kay rikrenn pen i menshe ap o baro Debleste. Oun i berga Sion, kay djivau me, o baro Devel, ko ray pral o bolepen oun i phoub, kay berga kharell Debleskri berga.”

4. Mose 11:23

O baro Devel penas ap o Moseste: “Hi miro vast gar zorelo doha, te krap, hoy penom? Tou dikess kanna: Vell kova yaake, har me touke penom? Vell kova yaake gar?”

Bičepangre 15:17

Kova krau, te poučenn lauter, kay pral ačan, pal mande. Ninna kolla, kay kek bibolde hi, denn man an-gole. Oun yon venn miro, oun venn mange koy.

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

5. Mose 23:14

Oun hakeno, kay djal kote, lell i kasht peha, hadell i tikni rheb vin, beshell pes, oun čakrell palle kova, hoy lestar vin djas.

5. Mose 28:10

Palle dikenn le an i tsele themma ap i phoub, te han o baro Debleskre vi-rodede menshe, oun yon darenn t'mendar.

Hebrearja 13:5

Ma nashenn i love palla! Kova, hoy tout hi, kova mouk touke doha te vell! O Devel penas: Me bistrau tout gar, oun moukau tout kek tsireske!

Debleskro tsiro 21:3

Oun me shounom i zorelo rakepen. Kova vas kotar, kay o Debleskro beshepaskro tardo hi, oun kova penas: “Dikenn, o Debleskro kheer hi pash i menshende! Yob djivell pash lende. Oun yon hi leskre menshe. Oun o Devel hi lengro Devel kokres, oun hi pash lende.”

1. Samuel 12:22

O baro Debleske his shoukar, te van t'mer leskre menshe. Oun yob das peskro vast koy pre oun moukell t'men gar.