Jeremia 14:3 - O Debleskro Lab 2024 (Sinte-Manouche)

³ Kol bravele bičrenn pengre boudepangren pal pani. Kolla djan pash i brounna, oun hatsenn kek pani. Lengre khore anenn le kek panyeha pale. Lenge hi ropaske, oun khatrenn pengro mouy i ladjatar.

O Debleskro Drom 2021 (Sinte)

³ Kol brawele bitchrenn pengre budepangren pal pani. Kolla djan pash i brunna, un hatsenn kek pani. Lengre khore anenn le kek panjeha pale. Lenge hi ropaske, un khatrenn pengro mui i ladjatar.

Jeremia 14:3 Iomraidhean Croise

2. Samuel 15:30

O David djas ap o djeteskri berga oun rovas. Oun leskro shero his čakedo. Oun yob djas pirkenes. Ninna kol tsele menshe, kay hi pash leste, kolengro shero his čakedo. Yon djan pre oun rovan.

2. Samuel 19:4

Oun i lourde tserdan pen pale an o foro har lourde, kay dran o kourepen krik nashan oun hounte ladjenn pen doleske.

1. Rajengro liil 17:7

Oun har kek brishin das an o them, vas o tsiro, kote his bouder kek pani an ko tikno pani Krit.

2. Rajengro liil 18:31

Ma shounenn ap o Hiskiya! Shounenn ap mande: O ray pral o them Assour penell t'menge: Vas men khetne mala, oun avenn pash mande vin! Palle nay rhal hakeno peskre molengre drake oun fayge peskre roukendar, oun nay piyell peskro pani dran peskri brounna,

Ester 6:12

Palle djas o Mordekay pale an o voudar pale glan o baro rayeskro kheer. Oun o Haman ladjas pes oun khatras peskro shero, oun djas sik khere.

Hiob 6:20

Oun har venn le kote, his lauter čičeske: Kek pani hi koy.

Debleskri gili 109:29

An i ladj ap kolende lauterende, kay anan doosh ap mande pre. Lengri ladj mou vell yaake baro, te venn le latar čakedo har i bayah.

Debleskri gili 40:14

Baro Devel, dik lačes ap mande, oun le man vin dran o čilačepen! Ab sik ap miri rig!

Jeremia 14:4

I phoub hi trouk oun dell gole pal brishin. Doleske hi kol harhenge ropaske, oun khatrenn pengro mouy.

Jeremia 15:18

Hoske venn mire douka gar sasto? Hoske hi miro doukepen yaake djoungelo, te vell lo gar sasto? Tou val mange har i brounna, kay an o niyale kek pani dren hi.

Jeremia 2:13

Mire menshe kran čomone, hoy douy kope čilačo hi: Man, ko djido pani moukan yon, oun hadan penge panyeskre rhebya vin, kay paash hi, oun nay rikrenn kek pani.

Jeremia 2:37

O tsiro vella, kay djah tou kotar krik, oun deh tire vasta pral o shero khetne i ladjatar; o baro Devel kamell či lendar te djinell, ap konende tiro dji čival, oun lentsa hi tout kek barht.

Jeremia 20:11

O baro Devel hi pash mande oun dell ap mande garda har i zorelo morsh. Doleske perenn kolla, kay man palla lenn oun hounte tserdenn pen pale. Kova, hoy len glan hi, nay krenn yon gar. Oun vavar san pral lende. Hako tsiro hi kova lenge i ladj oun vell lenge gar bistedo.

Jeremia 3:3

Doleske dell kek brishin an o vend, vitar gar an o niyal. Tou dikeh vin har i loubni oun kameh tout gar te ladjell.

Ropaskre gilja 4:4

I tikne čaven hi yaake troush, te vell lengri čip trouk an o mouy. I čave mangenna i kotar maro, oun kek hi koy, te dell lo lenge i kotar.

Hosea 2:3

Penenn t'mare phralenge, te hi le mire menshe, oun ap t'mare phenya, te krau me miro dji lenge pre.

Joel 1:20

Ninna i divye firhe denn gole ap toute. Kek pani nashell oun vell dran i phoub, oun i yag rhačras o khass an o divyo them.

Amos 4:7

Triin čon glan kova kay anan t'maro djob dren, rikrom o brishin pale. Oun me dom brishin ap yek foro oun gar ap i vavar. O brishin peras ap yek harhetikri phoub, oun koy vavar phoub, kay kek brishin das, meras tele.

Amos 4:8

Oun i menshe dran douy, triin forya djan an i vavar foro, te hatsenn le pani. Oun kote his gar doha lenge. Ninna palle van t'mer gar pale pash mande, penell o baro Devel.

Zakarie 14:17

Te hi yek them ap kay phoub, dran koleste venn le gar an Yerusalem, te sharenn le o baro Debles, ko rayes pral o bolepen oun i phoub, palle dell kek brishin ap ko them.