Jeremia 14:21 - O Debleskro Lab 2024 (Sinte-Manouche)

²¹ Biče men gar toutar krik, te vell gar djoungeles rakedo pral toute! Mouk kek te sal pral Yerusalem, kay tiri rayli beshepaskri tardo hi! Ma biste, hoy tou mentsa vin kral, oun le tire laba gar pale!

O Debleskro Drom 2021 (Sinte)

²¹ Bitche men gar tutar krik, te well gar djungeles rakedo pral tute! Muk kek te sal pral Jerusalem, kai tiri raili beshepaskri tardo hi! Ma biste, hoi tu mentsa win kral, un le tire laba gar pale!

Jeremia 14:21 Iomraidhean Croise

Debleskri gili 106:40

Kote rhoyras pes o baro Devel ap peskre menshende, oun nay dikas len bouder gar glan peskre yaka.

Debleskri gili 106:45

palle vas an leskro shero, hoy kras lo lentsa vin, te hi lo lengro Devel. Oun an peskro baro lačepen khaytan le les.

Debleskri gili 145:11

oun sharenn, havo raylo oun lačo baro ray tou hal. Mou penenn le, har baro tiri zoor hi,

Debleskri gili 25:11

Baro Devel, kre tiro lab baro, oun le miri doosh mandar krik, hoy yaake bares hi!

Debleskri gili 51:11

Ma dik ap miri doosh, oun le o čilačo koova, hoy krom, mandar krik!

2. Mose 32:13

Ma biste tire boudepangren, o Abraham, o Isaak oun o Yakob! Kolenge dal tout sovel oun penal: Me moukau t'mare čaven boudeder te vell har i momlia an o bolepen. Kava tselo them, kay me penom, te vell lo t'maro, dau t'mare čavende, te djivenn le kote hako tsireske.”

Jesaja 62:6

Yerusalem, me čivom morshen ap tire massourya, te denn le yak ap toute. O tselo dives oun i tseli rat denn le bares gole, oun moukenn gar tele, te bistrell tout o baro Devel gar.

Jeremia 14:19

Dal tou kol menshen an Youda pre? Kameh tou o forestar Sion či bouder djinell? Hoske dal tou men yaake, kay nay krell men kek bouder sasto? Mer patsam, kay vell lauter mishto. Či vas mishto! Mer kamam, te vell i tsiro, kay kova, hoy an mende nasselo hi, sasto vals. Kova vas gar. I daar vas.

Jeremia 14:7

Baro Devel, mari doosh hi glan mare yaka tardo. Boud kope djam toutar krik, oun shounam gar ap toute. Ab pale ap mari rig, te dikell hakeno, har kamlo hal!

Jeremia 17:12

Maro Debleskro kheer hi har i rayeskri beshepaskri, pherdo o Debleskro raylepen, oun tardo ap i bari berga, yaake rah har lo koy hi.

Jeremia 3:17

An ko tsiro vell o foro Yerusalem kharedo: O baro Debleskri beshepaskri. Oun i tsele menshe venn koy khetne. Oun yon djan bouder gar pal pengro shero oun pengro čilačo dji.

Ropaskre gilja 1:10

Oun yon čivan pengre vasta ap lakro tselo kouč koova. Yoy hounte dikas peske yakentsa, har i vavar menshe an lakro Debleskro kheer dren djan. Oun tou, baro Devel, penal, te hounte djan yon gar kote dren.

Ropaskre gilja 2:20

Baro Devel, mouk tire yaka ap mende te dikell! Dik, koneha yaake trouyel djal! Hounte rhan i djouvya pengre čave, kolen yon ap i moussya hidjrenn? Hounte venn i rashaya oun tire rakepangre an tiro kheer moulo dino?

Ezekiel 20:22

Oun pale rikrom man pale oun krom lenge či, te nay rakrenn kol vavar menshe gar djoungeles pral mande, glan kolengre yaka mire menshen vin anom dran o them Egiptia.

Ezekiel 24:21

Kava penell o baro Devel, maro ray: Djinau, t'menge hi miro kheer o kamleder koova. Oun t'maro dji nashell pal leste. T'mer han pre-phourdo oun patsenn, kolenge, kay kote hi, nay djal kek čilačepen. Čačepah, me dau miro kheer kolenge an o vast, kay krenn les pale-čiddo. Oun t'mare morsh čave oun ča, kolen t'mer kote an Yerusalem pale moukan, kolla venn o rhareha moulo dino.

Ezekiel 39:25

Kanna krau, penell o baro Devel, maro ray, te vell lauter pale mishto o Yakobeske, oun krau miro dji pre o tselo khereske Israel. Miro tselo djiyeha krau, te vell bouder gar djoungeles rakedo pral mande.

Ezekiel 43:7

Yob penas ap mande: Tou, mensho, kate hi koy platsa, kay miri beshepaskri tardo hi oun ko banko, ap koleste mire pire čivau. Kate djivau hako tsireske mashkral i Israelitaryen. Oun i Israelitarya anenn bouder gar ladj ap mande, yon gar oun lengre bare raya vitar gar. Kova kran le, har mangan le vavar deblen an, oun har paskran le pengre bare rayen gar dour miro kherestar.

Daniel 9:7

Tou, ray, hal an o čačepen. Oun mer hounte ladjas men, mer, kay vah dran o them Youda oun dran o foro Yerusalem, ninna dran o tselo them Israel. Mer kram čilačo koova ap toute. Doleske tradal men an vavar themma, kay dour hi oun kay gar yaake dour hi, te djivas bouder gar khetne.

3. Mose 26:11

Oun me djivau mashkral t'mende, oun sikrau t'men gar miro doumo.

Amos 6:8

O baro oun zorelo Devel, ko ray pral o bolepen oun i phoub, das pes sovel pash peskro djipen oun penas: Me hom rhoyedo pral o pre-phourdepen o Yakobeskre čavendar, oun nay dikau lengre shoukar khera bouder gar glan i yaka. Doleske dau o foro oun lauter, hoy koy dren hi, an i vasta vavar menshendar.

Louka 1:72

Les his i baro dji mare phourenge oun bistras gar kova, hoy yob lentsa an o phouro tsiro vin kras oun peskro vast pre das.

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

Efesarja 2:7

Yaake baro hi leskro lačepen ap mende, kay patsah ap o Yezous Kristeste. Ninna an ko tsiro, hoy vella, dikenna i menshe, har baro leskro lačepen ap mende hi.

5. Mose 32:19

O baro Devel dikas kova, oun vas rhoyedo pral peskre čavende oun čende, kay kaman či bouder lestar te djinell.

Debleskro tsiro 11:2

Oun ko kotar phoub glan o Debleskro baro kheer, kote čip ko kasht gar pre. Ko kotar phoub vell kolende dino, kay kek bibolde hi. Oun yon stakrenn o Debleskro foro khetne star-deesh-te-douy čon.

1. Samuel 12:22

O baro Debleske his shoukar, te van t'mer leskre menshe. Oun yob das peskro vast koy pre oun moukell t'men gar.