Jeremia 14:2 - O Debleskro Lab 2024 (Sinte-Manouche)

² O them Youda hi bibarhtelo koy čiddo. I menshe an i forya merenna i bokatar. Lenge hi ropaske oun yon beshenn pen ap i phoub. Oun an Yerusalem denn le i vasta pral o shero khetne.

O Debleskro Drom 2021 (Sinte)

² O them Juda hi bibachtelo koi tchiddo. I menshe an i forja merenna i bokatar. Lenge hi ropaske un jon beshenn pen ap i phub. Un an Jerusalem denn le i wasta pral o shero khetne.

Jeremia 14:2 Iomraidhean Croise

Hiob 34:28

Yon djan yaake čilačes i čorvelentsa trouyel, te dan yon gole ap o Debleste. Oun yob shounas koy gole kolendar, kay tele rikedo van.

Debleskri gili 144:14

Mare groumya te nashrenn kek pengre ternendar, hoy gar boldo hi. Kek ropaskri gole te vell shounlo ap mare dromma!

2. Mose 2:24

Oun yob shounas lengri gole, oun bistras gar ko lab, hoy das yob o Abraham, o Isaak, oun o Yakob, te vell lo lengro Devel oun yon peskre menshe.

Jesaja 15:5

Miro dji rovell pral o them Moab; lengre menshe nashenn penge yaake dour har o foro Soar, yaake dour har Eglat-Shelishiya. Hi save, kay djan pre ap o drom an Louhit o ropah. Vavar djan ap o drom an Horonayim, oun denn bari gole i doukatar.

Jesaja 24:11

Ap i dromma denn le gole pal mool, kolatar kek bouder koy hi. Kek sapen vell shounlo, kek khelepen dell bouder.

Jesaja 24:4

Hako zenlepen ap i phoub vell trouk oun merell tele. I phoub nashrell peskri zoor oun merell tele, oun i an-dikle menshen hi bouder kek zoor.

Jesaja 24:7

I drakengro rouk merell, oun nevi mool dell gar. Kolenge, kay i barhtelo dji his, hi kanna ropaske.

Jesaja 3:26

I menshe an tiro foreskre voudya, Yerusalem, denn palle gole oun rovenn. Oun o foro hi palle vi-čoredo oun mouklo.

Jesaja 33:9

Ninna o them rovell oun nashrell peskri zoor. I rouka ap i berge Libanon ladjenn pen oun merenn tele. O shoukar telstouno them Sharon dikell vin har i divyo trouk them. Oun i rouka ap i berge Bashan oun Karmel vitsrenn pengre patria tele.

Jesaja 5:7

O kheer Israel hi o drakengro them o baro Deblestar, ko rayestar pral o bolepen oun i phoub. Oun i morsha an o them Youda hi kol drakengre rouka, hoy yob an i phoub čivas oun pral kolende yob barhtelo his. Ap lende dikas lo, te anenn le o lačepen glan. Oun hoy vas, his čilačepen. Yon te dans hakenes peskro čačepen, oun kran, hoy his či har čilačepen.

Jeremia 11:11

Doleske penell o baro Devel: Me anau bibarht pral lende, kolatar nay nashenn le gar krik. Yon denn pal mande gole, oun me kamau len gar te shounell.

Jeremia 12:11

Hi ropaske, har paash ko them glan mande čiddo hi, kek djivell bouder koy. O tselo them hi paash, oun kek khaytell les.

Jeremia 12:4

I rah tsiro hi kava them kek brishineha, oun ko tselo zenlepen meras tele. I firhe oun i čirkle meran. Kova lauter vas dran o čilačepen kol menshendar, kay kate djivenn. Yon penenna: O Devel dikell gar, hoy krah.

Jeremia 18:22

Biče lourden, kay venn ap yek kopo pral lende oun lengre khera, te denn le gole i trashatar! Yon lourenn koy pre te taprenn le man, oun čivan dorya, te taprenn mire herya koy dren.

Jeremia 4:28

I phoub rovella, oun o bolepen rivell pes an kalepen. Me, o baro Devel penom, hoy kamau te krell, oun kova khaytell man gar, oun moukau gar kolestar tele.

Jeremia 46:12

Tiri ladj vas an i vavar themma vin gole dino. Halauter shounan tiro ropen. Tire zorele kourepangre peran yek pral o vavar, oun ačan yek pash o vavareste čiddo.

Jeremia 8:21

Mire menshe phagan khetne. Doleske rovell miro dji. Mange hi, har te merap, oun djinau gar, hoy te krap.

Ropaskre gilja 2:8

O baro Devel las peske zoreles glan, te phagell lo i massurya o forestar Yerusalem tele, oun tserdas i dori pral lende, te dikell lo pal, har boud tele phagedo vella, oun las peskro vast gar krik, bis kek bar ap o vavar ačas. I massurya oun turme hi ropah čiddo ap i phoub, oun len hi bouder kek zoor.

Ropaskre gilja 2:9

O foreskre voudya peran oun hi čiddo an i čik. Lengre pesse pandepangre kashta phagas lo an kotya. Lengro baro ray oun lengre pralstoune djivenn an vavar themma. Kek hi koy, kay sikrell i menshenge o Debleskro drom. O Debleskre rakepangren hi bouder či te penell. O baro Devel sikras len či.

Ropaskre gilja 5:10

Har te hams an i bob, rhačell mari hauta koy bari bokatar.

Hosea 4:3

Doleske troushell o them, oun i menshe merenn; ninna i divye firhe, i čirkle oun i mače hounte merenn.

Joel 1:10

O harhetikri phoub hi pherde barra, oun či vell bouder baro koy pre. O djob hi paash, i molengre drake oun i djetengre drake meran tele.

Joel 1:11

I harhenge hi ropaske. Dell kek gib, oun dell kek djob. Lauter hi nashedo.

Joel 1:14

Denn i menshen khetne gole! Penenn, te rhan le či, te sikrenn le, kay lengri doosh len khaytell. Moukenn i phoureden oun i tsele menshen an kava them pash o baro Debleskro kheer te vell! Yob hi t'maro Devel. Denn ap leste gole!

Joel 2:6

Menshe an vavar themma trashenn lendar, oun lengre mouya venn parno.

Haggai 1:11

Doleske penom, te vell kek brishin pral t'maro them, pral i berge, pral o them, kay o djob, i drake oun i djeteskre rouka bares venna, oun pral halauter, hoy dran i phoub vell, ninna pral i menshende oun i firhende. Kova, hoy t'mare vastentsa krenn, djal t'menge bouder gar mishto.

Zakarie 7:13

Oun djas yaake: Yon shounan gar, hoy lenge penlo vas. Doleske kamom vitar gar te shounell, har yon gole dan, penas o baro Devel, ko ray pral o bolepen oun i phoub.

1. Samuel 5:12

Ninna kol menshe, kay gar meran, lan i djoungelo nasslepen. Oun koy gole an ko foro djas pre an o bolepen.

1. Samuel 9:16

“Taysar kava tsireske bičrau me i morshes dran o them Benyamin pash toute. Koles less tou oun makess les o kouč djeteha, te vell lo ray pral mire menshende, i Israelitarya. Kova lell len vin dran o vast i Filistarendar. Me dikom har phares yon o djipen mire menshendar kran. Oun lengri gole vas glan mande.”