Jeremia 14:15 - O Debleskro Lab 2024 (Sinte-Manouche)

¹⁵ Kova hi, hoy me, o baro Devel, krau ap kol rakepangre, kay penenn, te rakrenn le an miro lab, ninna te bičrom len gar. Yon penenn ninna, te vell kek kourepen oun kek bok an kava them. Save rakepangre hounte merenn an o kourepen oun i bokatar.

O Debleskro Drom 2021 (Sinte)

¹⁵ Kowa hi, hoi me, o baro Dewel, krau ap kol rakepangre, kai penenn, te rakrenn le an miro lab, ninna te bitchrom len gar. Jon penenn ninna, te well kek kurepen un kek bok an kau them. Sawe rakepangre hunte merenn an o kurepen un i bokatar.

Jeremia 14:15 Iomraidhean Croise

1. Rajengro liil 22:25

“Čačepah” penas o Mika, “tou dikeh les ap ko dives, kay khatreh tout an i palstouni isema!”

Jeremia 20:6

Oun tou, Pashour, veh tapedo khetne kolentsa, kay pash toute an o kheer hi, oun pandles an Babilonia anlo. Kote hounte meress oun veh paskedo tire tsele malentsa, kay ginal lenge rhorhepen dren.

Jeremia 23:30

Doleske, penell o baro Devel, djau me ap kol rakepangre pre, kay čorenn i lab yek o vavarestar, oun penenn: Kova vell o baro Deblestar.

Jeremia 27:15

O baro Devel penell lendar: Me bičrom len gar. Yon penenn, te venn lengre laba mandar. Kova hi rhorhepen. Te patsenn t'mer lenge, tradau t'men vin, oun t'mer venn maredo khetne kol rhorhene rakepangre.

Jeremia 6:15

Yon hounte ladjans pen ko djoungelo koveha, hoy yon kran. Kova krenn le gar. Yon ladjenn gar. Yon djinenn gar, hoy ladj hi. Doleske venn yon maredo khetne kol vavarentsa. Te vau me, oun dau len i phagi, ačell kek lendar djido, penell o baro Devel.

Jeremia 8:12

Yon hounte ladjans koleske hoy yon kran, koveha man rhoyran. Kova krenn le gar. Yon ladjenn gar. Hoy ladj hi, djinenn le gar. Doleske venn yon maredo khetne kol vavarentsa. Te vau me, oun dau len i phagi, hounte perenn le, penell o baro Devel.

Jeremia 8:13

Te kamau pash mire menshende lačepen te hatsell, hom har i harho, kay kamell drake oun fayge dren te lell, oun kay hatsell kek drake oun kek fayge ap i rouka. Ninna kol patria peran tele, penell o baro Devel. Doleske dom kal menshen pre. Vavar menshe lenn penge lengro them.

Ropaskre gilja 1:19

Me kharom mire pirnen, oun yon moukan man kokres. Mire rashaya oun i phoureder meran an o foro, har dikan le pal i kotar maro, te nay rikrenn le pen djido.

Ropaskre gilja 2:20

Baro Devel, mouk tire yaka ap mende te dikell! Dik, koneha yaake trouyel djal! Hounte rhan i djouvya pengre čave, kolen yon ap i moussya hidjrenn? Hounte venn i rashaya oun tire rakepangre an tiro kheer moulo dino?

Ezekiel 13:14

Yaake phagau koy massouri tele, hoy t'mer parnes makan. Me moukau lat trouyel te vitsrell, te venn lakre telstoune barra diklo. Te perell li khetne, perenn i barra ap t'mende, oun t'mer merenn. Oun t'mer dikenn oun hayvenn, te hom me o baro Devel.

Ezekiel 13:15

Te vas miri tseli rholi ap koy massouri oun ap kolende, kay kran lat parno, penau ap t'mende: Koy massouri hi bouder gar koy, vitar gar kolla, kay lat parnes makan.

Ezekiel 13:9

Miro vast vell pral kol rakepangre, kay penenn glan-vi, hoy gar čačo hi, oun kay dourkrenn rhorhepen, te dap len i phagi. An o tsillo, kay mire menshe khetne venn, nay venn yon gar dren. Oun an o liil, kay i laba i menshendar dran Israel dren činlo hi, venn lengre laba gar dren činlo. Oun an o them Israel venn le gar palpale. Palle dikenn oun hayvenn t'mer, te hom me o baro Devel, t'maro ray.

Ezekiel 14:10

Yaake hounte hidjrenn kol douy pengri doosh: Kova, kay poučas, oun ko Debleskro rakepaskro.

Ezekiel 14:9

Te moukell pes i Debleskro rakepaskro yaake dour te anell, te dell lo les i lab mandar doureder, palle krau me, o baro Devel, te dell lo i rhorheno lab doureder. Oun me hadau miro vast pral leste, oun krau les pale-čiddo, te djivell lo bouder gar mank mire menshende Israel.

Ezekiel 33:6

Hi vavarčandes, te dikell kova, kay yak hounte dell, i lourden te vell, oun yob phourdell gar an i phourdepaskri, te djinenn i menshe, hoy pral lende vella. Oun palle venn i lourde oun denn yekes moulo. Palle merell kava peskri doshake, hoy lo ap peste anas. Ap koleste, kay gar an i phourdepaskri phourdas, penau me palle: Tout hi doosh ap leskro merepen.

Amos 7:17

Doleske penell o baro Devel: Tiri romni vell i loubni an o foro. Tire čave oun ča venn maredo o rhareha. Tiri phoub lenn vavar menshe. Tou meress an i pale-čiddo them. Oun i Israelitarya venn vin tradedo dran lengro them.”

Micha 3:5

Kava penell o baro Devel ap i rakepangre, kay penenn, te vell len i lab o baro Deblestar, oun kova hi gar yaake. Yon rhorhenn i menshen oun penenn kolenge, kay denn len rhapaske: Halauter vell mishto t'mentsa! Kolenge, kay denn len či te rhal, penenn le: I čilačo tsiro vell pral t'mende.

5. Mose 18:20

Te phourdell pes i Debleskro rakepaskro pre, oun penell i rakepen an miro lab, hoy me leske gar penom, te hounte rakrell lo, savo rakepaskro hounte merell. Ninna te rakrell yob an o lab i vavar deblestar, hounte merell lo.

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.