Jeremia 14:14 - O Debleskro Lab 2024 (Sinte-Manouche)

¹⁴ O baro Devel penas ap mande: Kol rakepangre rakran rhorhepen an miro lab. Me bičrom len gar. Oun me penom lenge či, hoy te krenn le, oun rakrom lentsa vitar gar. Yon rakrenn pral kova, hoy dikan le, – kova vas gar mandar. Oun kova, hoy le glan-vi penan, hi rhorhepen oun dourkepen, oun hi či moldo oun vell dran lengre djia.

O Debleskro Drom 2021 (Sinte)

¹⁴ O baro Dewel penas ap mande: Kol rakepangre rakran chochepen an miro lab. Me bitchrom len gar. Un me penom lenge tchi, hoi te krenn le, un rakrom lentsa witar gar. Jon rakrenn pral kowa, hoi dikan le, – kowa was gar mandar. Un kowa, hoi le glan-wi penan, hi chochepen un durkepen, un hi tchi moldo un well dran lengre djia.

Jeremia 14:14 Iomraidhean Croise

Jesaja 56:10

Kol morsha, kay hounte yak denn ap mire menshende, hi korelo, oun yon halauter hayvenn či, oun hi har djoukle, kay kek gole denn. Yon hi koy čiddo oun dikenn souni, oun kamenn te sovell.

Jesaja 9:15

I pralstoune pral i menshende anenn i menshen ap bange dromma oun krenn te djinenn yon bouder gar, hoy čačo hi.

Jeremia 20:6

Oun tou, Pashour, veh tapedo khetne kolentsa, kay pash toute an o kheer hi, oun pandles an Babilonia anlo. Kote hounte meress oun veh paskedo tire tsele malentsa, kay ginal lenge rhorhepen dren.

Jeremia 28:11

Oun o Hananya penas glan i tsele menshende, kay kote his: “Kova penell o baro Devel: Yaake phagau i zoor o baro rayestar Neboukadnezar dran Babilonia khetne, glan douy bersha trouyel hi, oun lau i tsele themma dran leskre vasta vin.” Oun o Debleskro rakepaskro o Yeremia djas peske.

Jeremia 28:13

“Dja pash o Hananya oun pen leske: Kova penell o baro Devel: Tou phagal i kasht. Kanna vell i saster kote, kay o kasht his.

Jeremia 28:15

Oun o Yeremia penas ap o Hananya: “Shoun, Hananya! O baro Devel bičras tout gar. Tou kral, te patsenn kal menshe rhorhepen.

Jeremia 29:21

Kova penell o baro Devel, ko ray pral o bolepen oun i phoub, kay o Israeleskro Devel hi: O Ahab, koleskro dad o Kolaya his, oun o Sidkiya, koleskro dad o Maasseya his, kolla douy rakran rhorhepen ap t'mende an miro lab. Doleske dau len an i vasta o baro rayestar Neboukadnezar dran Babilonia. Kova moukell len moulo te dell glan t'mare yaka.

Jeremia 29:31

Biče i liil ap i tsele Israelitaryen, kay van anlo an o them Babilonia, oun mouk lenge te penell: Kova penell o baro Devel pral o Shemaya dran o foro Nehelam: O Shemaya das glan, te hi lo miro rakepaskro, oun me bičrom les gar. Yob kras, te patsan t'mer leskro rhorhepen.

Jeremia 37:19

Kay hi kanna t'mare dikepangre, kay penan t'menge glan-vi, te vell o baro ray dran o them Babilonia gar pral t'mende, oun vitar gar pral kava tselo them?

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Jeremia 8:10

Lengre djouvyen dau vavar morshende. Oun lengre kotya them dau kolende, kay tradan len krik. Halauter, tikne oun bare, rhorhenna, te venn le bravelo. Ninna i Debleskre rakepangre oun rashaya rhorhenn i menshen,

Jeremia 8:11

oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

Ropaskre gilja 2:14

Kolla, kay hounte penans touke o Debleskre laba, penan touke rhorheno koova glan-vi, hoy či moldo hi. Oun sikran touke gar tiri doosh. Kova te krans le, perals gar yaake har kanna peral. Na-a, yon moukan tout rhorhene laba te shounell, oun anan tout o čačo dromestar tele.

Ropaskre gilja 2:9

O foreskre voudya peran oun hi čiddo an i čik. Lengre pesse pandepangre kashta phagas lo an kotya. Lengro baro ray oun lengre pralstoune djivenn an vavar themma. Kek hi koy, kay sikrell i menshenge o Debleskro drom. O Debleskre rakepangren hi bouder či te penell. O baro Devel sikras len či.

Ezekiel 12:24

Palle dikell kek mank i Israelitarya čomone glan-vi, hoy či-moldo hi. Vitar kek penell laba glan-vi, hoy i menshe kamenn te shounell, oun hoy venn gar o Deblestar.

Ezekiel 13:2

Tou, mensho, de kolen an Israel trad, kay denn glan, te hi le mire rakepangre, oun rakrenn dran pende vin, oun penenn Kava lab vell o Deblestar. Pen lenge: Shounenn, hoy o baro Devel penell t'menge!

Ezekiel 13:23

Doleske krau, te penenn nay bouder gar rhorhepen glan-vi, vitar gar nay dourkrenna! Na-a, me kamau mire menshen dran t'mare vasta vin te lell. Oun t'mer dikenn oun hayvenn palle, te hom me o baro Devel!

Ezekiel 21:29

Doleske penell o baro Devel, maro ray: T'mari doosh vas diklo. T'mare čilače dromma van pre-čakedo. An halauter, hoy krenna, vell t'maro čilačepen diklo. T'mer kran, te vell t'mari doosh gar bistedo. Doleske venn tapedo i zorelo vasteha.

Micha 3:11

T'mare čačepangre morsha moukenn pen te makell. T'mare rashaya lenn love koleske, hoy le i menshenge penenn. Oun i lovenge penenn o Debleskre rakepangre, glan-vi, hoy vella. Oun t'mer penenn: “O baro Devel hi ap mari rig. Kek bibarht nay vell pral mende.”

Zakarie 10:2

Ma poučenn i khereskre deblen! Kova, hoy yon rakrenn, hi dinelo koova. Ma djan pash i dourkepangre! Kova, hoy yon glan-vi penenna, hi rhorhepen. Lengre sounya hi či moldo. Lengre lače laba hi gar čačo. Doleske nashrenn pen i menshe har bakre, kolen kek bakrengro hi, oun kay merenna.

Zakarie 13:3

Te penell savo morsh doureder, te hi leskro rakepen o Deblestar, palle penenn leskro dad oun leskri day ap leste: “Tou hounte meress! Tou rakral rhorhepen an o lab o baro Deblestar.” Oun leskro dad oun leskri day, denn les moulo čourye, doleske, kay rakras lo rhorhepen an o baro Debleskro lab.

5. Mose 18:20

Te phourdell pes i Debleskro rakepaskro pre, oun penell i rakepen an miro lab, hoy me leske gar penom, te hounte rakrell lo, savo rakepaskro hounte merell. Ninna te rakrell yob an o lab i vavar deblestar, hounte merell lo.

1. Timoteo 4:2

Kolla, kay anenn len o čačo dromestar tele, hi rhorhene, kay penenn pendar, te hayvenn le o čačepen. Oun yon djinenn bouder gar, hoy mishto oun čačo hi. Ninna hayvenn le gar, havo čilačo koova yon krenna.

1. Johanni 4:1

Lače phrala oun phenya, ma patsenn hakenes, koon penella, te hi les o Debleskro Dourho! Dikenn ap leskro rakepen, te djinenn t'mer, te vell kova čačepah o Deblestar! Boud rhorhene rakepangre nashenn ap i phoub trouyel. Kolla penenna i menshenge, te vell lengro rakepen o Deblestar. Kova hi gar čačo.