Jeremia 13:19 - O Debleskro Lab 2024 (Sinte-Manouche)

¹⁹ Kol forya an o moulo tato them Negev hi pandlo, oun koy hi kek, kay krenn len nay pre. Kol tsele menshe dran Youda van halauter krik anlo.

O Debleskro Drom 2021 (Sinte)

¹⁹ Kol forja an o mulo tato them Negev hi pandlo, un koi hi kek, kai krenn len nai pre. Kol tsele menshe dran Juda wan halauter krik anlo.

Jeremia 13:19 Iomraidhean Croise

2. Rajengro liil 25:21

Oun o baro ray pral o them Babilonia moukas len temerl te dell an o foro Ribla an ko kotar them, hoy kharell Hamat. Yaake van i menshe dran o them Youda krik anlo dran pengro them.

1. Familjakro liil 9:1

Oun i tsele Israelitarya van pengro labeha dren činlo an familyengre lila. Kal lila hi khetne lino an o liil i bare rayendar pral Israel. Oun i menshe dran o them Youda moukan pengro Debles oun van doleske pandles anlo an o them Babilonia.

Hiob 12:14

Kova, hoy yob tele phagas, nay čivell kek pale pre. Kones yob dren pandas, koleske nay krell kek pale pre.

Jeremia 17:26

Oun menshe venna dran kol forya o themestar Youda, oun dran i gaba troul Yerusalem, oun dran o them Benyamin oun dran kol tikne oun bare berge oun dran o them Negev. Oun yon anenn an o baro Debleskro kheer firhen rhačepaske oun rhapaske, djob oun kouč soungepaskro koova, oun vavar koova, koleha parkrenn le pen pash o baro Debleste.

Jeremia 20:4

Kova penell o baro Devel: Tou aneh traash ap toute oun ap tire malende. Yon venn maredo o rhareha kolendar, kay kourenn pen lentsa. Oun tou dikess kova tire yakentsa. Oun me kamau i tsele menshen an o them Youda an o vast o baro rayestar dran o them Babilonia te dell. Kova anell i kotar lendar pandles an Babilonia oun dell i vavaren moulo o rhareha.

Jeremia 24:1

His an ko tsiro, kay anas o Neboukadnezar, ko baro ray dran o them Babilonia, o baro rayes pral Youda, o Yekonya, koleskro dad o Yoyakim his, pandles dran Yerusalem an o them Babilonia. Khetne leha anas lo i pralstunen pral Youda krik, ninna kolen, kay hayvan o kashteha oun o sasteha te boudrell. An ko tsiro sikras man o Devel douy korbe, kay fayge dren his, tardo glan o baro Debleskro kheer.

Jeremia 28:4

Ninna anau o baro rayes pral Youda pale an kava foro, o Yekonya, koleskro dad o Yoyakim his, khetne kol tsele menshentsa, kay dran o them Youda an o them Babilonia pandles anlo van. Ava, phagau i zoor o baro rayestar dran Babilonia. Kova penell o baro Devel.”

Jeremia 32:44

Ava, kotya them venn ginlo, oun ginepaskre lila venn činlo. Kal lila venn pandlo oun i sikepen pre-čiddo, oun morsha hi kote pashel, te vell lauter čačes kerdo. Kova lauter vell yaake kerdo an o them Benyamin, an i gaba troul o foro Yerusalem, an vavar forya an o them Youda, ninna an i forya ap i bare oun tikne berge, oun an i forya an o them Negev. Me krau, te vell pale lauter mishto mire menshenge, penell o baro Devel.

Jeremia 33:13

Oun i bakrengre ginenn pale pengre bakre, kitse yon hi, te djan le vin oun dren glan kol forya, kay hi ap i bare oun tikne berge, oun an o them Negev, oun an o them Benyamin oun troul Yerusalem, oun an i forya o themestar Youda. Kova penell o baro Devel.

Jeremia 39:9

O pralstouno i lourdendar – leskro lab his Nebouzaradan – kova anas kolen, kay gomme an o foro his, ninna kolen, kay pash lende vergel nashan, pandles an o them Babilonia.

Jeremia 52:27

Oun o baro ray pral o them Babilonia moukas len temerl te dell an o foro Ribla, hoy an o them Hamat čiddo hi. Yaake hounte djan i menshe dran o them Youda an o pandepen.

Jeremia 52:28

Kalla hi kol menshe, kay moukas o Neboukadnezar pandles an Babilonia te anell: Har lo an o eftato bersh o baro ray his: 3.023 (triin-zerya-biish-te-triin) menshe dran o them Youda;

Jeremia 52:30

Har lo an o biish-te-triinto bersh baro ray his, anas o Nebouzaradan, ko pralstouno lourdo, 745 (efta-sheel-star-deesh-te-panč) menshe dran o them Youda krik. Halauter khetne his 4.600 (star-zerya-shob-sheel).

Ropaskre gilja 1:3

I menshe dran Youda hi pandle boudepangre, hounte boudrenn tel dava, oun djivenn an vavar themma. Ninna kote hounte vell len daar. Halauter, kay len palla lenn, venna oun rikrenn pengro vast ap lengri meen.

Zakarie 7:7

Kava hi kova, hoy o baro Devel moukas te penell dran o mouy leskre rakepangre, kay glan mande koy his, har o foro Yerusalem bravelo his, oun boud menshe kote djivan, ninna an i forya trouyel oun an ko moulo them, hoy kharell Negev, oun an o telstouno them.

5. Mose 28:15

Shounenn t'mer gar ap t'maro baro Debleste oun krenn gar, hoy lo t'mendar kamell, oun rikrenn t'men gar ap leskre laba, hoy me t'menge kava dives penom, palle vell kay tseli bibarht pral t'mende:

5. Mose 28:52

Oun yon čivenn pen troul t'mare forya, oun moukenn kekes dren oun kekes vin, bis te kol bare oun zorele foryengre massurya tele phagedo hi, kolendar t'mer patsan, te vell kek vergel. Kova krenn le t'mare tsele foryentsa an t'maro tselo them, hoy t'maro baro Devel t'men das.

Josua 18:5

Oun yon krenn efta kotya dran ko them, te lell hako kheer yek kotar. Oun o kheer Youda ačell ap peskro kotar them, hoy ap koy rig hi, kay o kham pralstounes tardo hi. Oun o kheer Yosef ačell ap peskro kotar them, kote, kay norden hi.