Jeremia 13:14 - O Debleskro Lab 2024 (Sinte-Manouche)

¹⁴ Yaake har kol khore phagenn, te venn le khetne dino, yaake krau, te phagell yek ap o vavareste, ninna i dada ap lengre čavende. Yon khaytenn man gar, oun i dji hi man vitar gar lenge, oun rikrau man gar pale, te marap len lauter. Kova penell o baro Devel.

O Debleskro Drom 2021 (Sinte)

¹⁴ Jaake har kol khore phagenn, te wenn le khetne dino, jaake krau, te phagell jek ap o wawareste, ninna i dada ap lengre tchawende. Jon khaitenn man gar, un i dji hi man witar gar lenge, un rikrau man gar pale, te marap len lauter. Kowa penell o baro Dewel.

Jeremia 13:14 Iomraidhean Croise

2. Familjakro liil 20:23

I Ammonarya oun i Moabarya kouran pen kolentsa dran i berge Seir, oun dan len khetne. Oun har yon halauteren maran dran i berge Seir, djas yek ap o vavareste, oun yon dan pen kokres khetne.

Hiob 27:22

Ko dourho phourdell ap leste peskri tseli zoryah, oun moukell gar tele. Oun ko mensho marell pes tele, te nashell lo peske glan leskri zoor.

Debleskri gili 2:9

Ab ray pral lende i sasterno vasteha, tou phageh len nay har čare.”

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jeremia 15:5

Koon krell peskro dji touke pre, Yerusalem? Kones khayteh tou? Oun koon vella oun poučella, har touke djala?

Jeremia 15:6

Tou djal mandar krik, penell o baro Devel, oun kamal mandar či bouder djinell. Doleske hadom me miro vast ap toute, te marap tout. Me hom khino, te krap miro dji touke pre.

Jeremia 16:5

O baro Devel penas ap mande: Tou djas an kek kheer, kay rovenn le pral yekeste, kay meras. Tou rovess gar lentsa, vitar gar peness lenge lače laba; me hom bouder gar i maal kal menshendar, hom lenge bouder gar lačo, oun krau miro dji lenge pandlo. Kova penell o baro Devel.

Jeremia 21:7

Oun koy pal dau me o Sedekya, ko baro rayes pral Youda, an kol vasta o baro rayestar pral Babilonia, o Neboukadnezar, ninna leskre pralstunen oun kol menshen kate an kava foro, kolla, kay gar meran ap o nasslepen, an o kourepen oun i bokatar. Kova penau me, o baro Devel. Me dau t'men an i vasta kolendar, kay kamenn t'men te marell. O Neboukadnezar moukell t'men lauteren o rhareha moulo te dell, oun les khaytell kova gar, oun yob krell peskro dji t'menge pandlo.

Jeremia 25:16

Yon hounte piyenn les, te venn le mato, oun perenn har dinelo an ko rharo, hoy bičrau mank lende.

Jeremia 47:3

Yon shounenn, har i herya kol zorele grayendar kote pre stakrenna, oun koy bari gole, hoy i rade lengre kourepangre vourdyendar krenn. Koy lenn le yaake daar, te dikenn pen i dada gar trouyel pal pengre čavende.

Jeremia 48:12

Doleske dik, penell o baro Devel, ko tsiro vella, kay bičrau saven pash lende, kay krenn lentsa, har menshe i molyah krenn, hoy le vin čorenn oun i khore paash vitsrenn.

Jeremia 6:21

Doleske penell o baro Devel: Me kamau kal menshenge boud barra an o drom te čivell, te perenn i morsha oun lengre čave koy pral. Oun ninna kolla, kay djivenn pash lende, oun lengre mala venn maredo.

Ropaskre gilja 2:21

Čave oun phoure hi čiddo an i dromma. Terne ča oun terne morsha van o rhareha maredo. Ap ko dives kay tiri rholi pral mende vas, hi tout kek dji lenge, oun maral len halauteren.

Ezekiel 24:14

Me, o baro Devel penom kova, oun me krau les ninna yaake. Kava tsiro vas, te krap kova. Me rikrau man gar pale, te dap t'men i phagi, t'mer khaytenn man gar. Me krau miro dji gar pre t'menge. T'mer lenn t'mari phagi pal kova har djivan oun hoy kran. Kova penell o baro Devel, maro ray.

Ezekiel 7:3

Israel, kanna vell miri rholi pral toute, oun tou djah tele. Me rakrau o čačepen pral toute vin, oun tou leh tiri phagi. Ko tselo djoungelo koova, hoy kral, anau ap tiro shero pale.

Ezekiel 7:4

Me dikau bouder gar lačes ap toute. Man khayteh tou gar. Ko djoungelo koova, hoy kral, vell ap tiro shero pale. Oun tou leh tiri phagi. Oun t'mer dikenn oun hayvenn palle, te hom me o baro Devel.

Ezekiel 7:9

Me dikau bouder gar lačes ap t'mende. Man khaytenn t'mer gar. Ko djoungelo koova, hoy kran, vell ap t'mare sherya pale. Oun t'mer lenn t'mari phagi. Oun t'mer dikenn oun hayvenn palle, te hom me o baro Devel, kova kay t'men dell.

Ezekiel 8:18

Doleske djau lentsa i rholyah trouyel. Yon khaytenn man bouder gar. Oun man vell kek lačepen lenge. Ninna te denn le palle glan mire kanda pre gole, shounau me gar ap lende.

Ezekiel 9:10

Doleske dikau me kek kamlepah ap lende, oun yon khaytenn man gar. Lengro čilačepen anau ap lengre sherya pale.

Ezekiel 9:5

Ap kol vavar morshende penas lo yaake, te shounom kova: Djan pal leste an o foro oun denn hakenes moulo. Dikenn kek kamlepah ap lende! Kek hounte khaytell t'men!

Hosea 2:4

O baro Devel penell: Penenn, havi doosh o them Israel ap peste anas! O them Israel, t'mari day, hi bouder gar miri romni, oun me hom bouder gar lakro rom. Mangenn latar, te lell li kova krik, hoy sikrell, te hi li i loubni, – ko koova an lakro mouy oun kova, hoy hidjrell li ap peskri beč.

Zakarie 11:6

O baro Devel penell: “Kanna khaytenn man bouder gar i menshe an kava them. Me moukau i menshen te perell yek an o vast o vavarestar, oun dau len ninna lengre pralstunenge an i vasta. Kolla denn o them paash, oun me lau len gar vin dran lengre vasta.”

Mateo 10:21

Ap ko tsiro dell i phraal peskro phrales an lengre vasta, te vell lo maredo. Oun o dad dell o čaves an lengre vasta, te vell yob maredo. Oun i čave hi midjak ap pengre dadende oun pengre dayende, oun denn len an i vasta kolendar, kay marenn len.

Markus 13:12

An kol divessa phoukrell o phraal ap peskro phraleste, te vell yob maredo. Oun ninna o dad krell kova peskro čaveha. Oun i čave hadenn pen pral pengre dadende oun pral pengre dayende, oun denn len an i vasta kolendar, kay marenn len.

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

1. Samuel 14:16

Oun kol morsha, kay yak denn pash o Saul an o foro Gibea an o them Benyamin, kal morsha dikan, har i Filistarya nashan yek rigyatar ap i vavar.