Jeremia 12:6 - O Debleskro Lab 2024 (Sinte-Manouche)

⁶ Ninna tire phrala oun i menshe dran tiro dadeskro kheer moukan tout te perell, oun dan čilačes gole pal toute har kol vavar. Dik tout glan lendar, ninna te rakrenn yon kamlo touha.

O Debleskro Drom 2021 (Sinte)

⁶ Ninna tire phrala un i menshe dran tiro dadeskro kheer mukan tut te perell, un dan tchilatches gole pal tute har kol wawar. Dik tut glan lendar, ninna te rakrenn jon kamlo tuha.

Jeremia 12:6 Iomraidhean Croise

Hiob 6:15

Mire mala sikran pen, te hi le rhorhene. Har panya hi le, kay trouk venn.

Debleskri gili 12:2

Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud.

Debleskri gili 12:3

Hakeno rhorhell o vavares. Yon rakrenn douy čipyentsa oun dran douy djia.

Debleskri gili 69:8

Dran toute hi i bari ladj ap mande, oun miro shero hi lolo i ladjatar.

Gosewe laba 23:8

Kova, kay tou tele dandral oun rhal, koles hounte čadess tou pale vin. Oun tire lače laba his čičeske.

Gosewe laba 26:25

Te rakrell lo ninna yaake kamles, ma pats leske! Les hi efta bengeskro koova an leskro dji.

Jesaja 31:4

Kava hi, hoy rakras o baro Devel ap mande: I levo – nay vell i phouro, nay vell i terno – hoy i firhes tapras, moukell pes gar lestar krik te tradell. Yob dell gole oun darell gar kolendar, kay ap i firhende yak dan, oun kanna khetne kharedo van, oun bari gole ap leste denn. Ninna te hi kolla boud, trashell lo lendar gar. Yaake vau me, o baro Devel, ko ray pral o bolepen oun i phoub, tele ap i berga Sion, te kourap man mire menshenge.

Jeremia 11:19

Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

Jeremia 11:21

I menshe an Anatot kaman man moulo te dell, oun penan mange: Mouk tele, te rakress, hoy o baro Devel touke penas, te kameh gar, te maras tout mare vastentsa! Doleske penell o baro Devel, ko ray pral o bolepen oun i phoub: Me kamau kol menshen an Anatot i phagi te dell: Lengre terne morsha venn o rhareha moulo dino, oun lengre čave oun ča hounte merenn i bokatar.

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Jeremia 9:2

Lengri čip hi har i čouri. Lengro rhorhepah van le zoreles an o them. O čačepen rakrenn le gar. Yek čilačo koova pal o vavar krenn le. Man prindjrenn yon gar, penell o baro Devel.

Jeremia 9:3

Hakeno mou dell pes garda peskro malestar, oun ninna peskro phralestar! Yek phraal dell kol vavar phrales pral i kanda. Oun i maal rakrell djoungeles pral o vavareste.

Jeremia 9:4

Yon lauter rhorhenn pengre malen. Oun kek rakrell laba, hoy čačo hi. Yon penan pengre čipya, te rakrenn le rhorhepen. Pale te pale krenn le čilačepen ap i vavarende,

Jeremia 9:5

Oun moukenn gar tele, te rikrenn le i vavaren tele, oun te rhorhenn le len. Man kamenn le gar te prindjrell, penell o baro Devel.

Mateo 10:21

Ap ko tsiro dell i phraal peskro phrales an lengre vasta, te vell lo maredo. Oun o dad dell o čaves an lengre vasta, te vell yob maredo. Oun i čave hi midjak ap pengre dadende oun pengre dayende, oun denn len an i vasta kolendar, kay marenn len.

Markus 12:12

Oun yon hayvan, te rakras o Yezous lendar, oun kaman les te taprell. Oun har trashan le i menshendar, tapran le les gar, oun djan krik.

Johanni 7:5

Leskre phrala patsan gar ap leste. Doleske rakran yon yaake.

Bičepangre 16:22

Boud menshe, kay his koy, van čilačo ap o Pauleste oun ap o Silaseste. Oun kol čačepangre moukan lenge i koola tele te tserdell, oun penan, te denn le len i kashtentsa.

Bičepangre 18:12

An ko tsiro, har his o Gallio o pralstouno oun čačepaskro ray pral o them Akaya, čivan pen kol bibolde khetne, oun anan o Paules glan leste,