Jeremia 12:4 - O Debleskro Lab 2024 (Sinte-Manouche)

⁴ I rah tsiro hi kava them kek brishineha, oun ko tselo zenlepen meras tele. I firhe oun i čirkle meran. Kova lauter vas dran o čilačepen kol menshendar, kay kate djivenn. Yon penenna: O Devel dikell gar, hoy krah.

O Debleskro Drom 2021 (Sinte)

⁴ I rah tsiro hi kau them kek brishineha, un ko tselo senlepen meras tele. I vieche un i tchirkle meran. Kowa lauter was dran o tchilatchepen kol menshendar, kai kate djiwenn. Jon penenna: O Dewel dikell gar, hoi krah.

Jeremia 12:4 Iomraidhean Croise

Debleskri gili 107:34

Yaake vas i phoub, kay boud djob oun zenlepen baro vas, i moulo londo them. Kova kras lo dran o čilačepen kol menshendar, kay kote djivenn.

Debleskri gili 50:21

Kova kral tou, oun me penom kek lab. Koy rikral tou man har yek, kay hi yaake har tou. Me sikrau tout koy doosh, hoy anal ap toute, oun anau touke tiro čilačo koova glan tire yaka.

Jesaja 24:4

Hako zenlepen ap i phoub vell trouk oun merell tele. I phoub nashrell peskri zoor oun merell tele, oun i an-dikle menshen hi bouder kek zoor.

Jesaja 24:6

Doleske rhal i bibarht i tseli phoub pre. Oun kolla, kay koy djivenn, lenn pengri phagi. Boud oun boudeder merenn. Oun gar boud ačenn djido.

Jeremia 12:11

Hi ropaske, har paash ko them glan mande čiddo hi, kek djivell bouder koy. O tselo them hi paash, oun kek khaytell les.

Jeremia 14:2

O them Youda hi bibarhtelo koy čiddo. I menshe an i forya merenna i bokatar. Lenge hi ropaske oun yon beshenn pen ap i phoub. Oun an Yerusalem denn le i vasta pral o shero khetne.

Jeremia 23:10

O tselo them hi pherdo kolentsa, kay moukan o baro Debles. Doleske hi i praasepen ap o them čiddo: Kek brishin dell, oun o zenlepen merell tele. Či har čilačepen hi an lengro shero, oun an o rhorhepen hi le zorelo.

Jeremia 4:25

Me dikom pal i menshende. Oun kek his bouder koy. Ninna kol čirkle djan penge krik.

Jeremia 4:28

I phoub rovella, oun o bolepen rivell pes an kalepen. Me, o baro Devel penom, hoy kamau te krell, oun kova khaytell man gar, oun moukau gar kolestar tele.

Jeremia 5:13

O Debleskre rakepangre rakrenn, hoy či moldo hi. Hoy yon penan, vell gar o Deblestar. Mou perell ap lende, hoy le penan.

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Jeremia 7:20

Doleske penell o baro Devel, maro ray: Miri bari rholi vell pral kava foro, pral i menshende oun pral i firhende, pral kol rouka an o veesh oun pral ko djob an kava them. Miri rholi hi har i yag, hoy kek nay krell vin.

Jeremia 9:10

O baro Devel penell: Me kamau Yerusalem tele te phagell, yaake te ačenn kokres barra pral, oun kay divye djoukle dren djivenna. Oun dran kol forya an Youda krau i moulo them, kay nay djivell kek bouder dren.

Jeremia 9:9

Me kamau pral kava them an i berge rovell, oun pral ko zenelo pralstouno them i ropaskri gili te givell. Lauter hi pre-rhačedo. Kek mensho djal koy trouyel. Kek groumya oun bakre denn kote gole. Ninna kol čirkle oun i divye firhe nashan penge, oun moukenn pen bouder gar te dikell.

Hosea 4:3

Doleske troushell o them, oun i menshe merenn; ninna i divye firhe, i čirkle oun i mače hounte merenn.

Joel 1:18

I groumya denn gole i bokatar, oun nashenn trouyel oun hatsenn kek khass. Ninna i bakre bokenna.

Amos 1:2

O Amos penas: O baro Devel dell bari gole i berga Sion pral tele. Leskri gole hi har i gole, hoy i levo della, oun vell shounlo dran Yerusalem. O bakrengro them vell trouk, oun o khass ap i berga Karmel vell djelto.

Habakuk 3:17

O faygetikro rouk hi gomme gar zenelo, oun ap i drakengre rouka hi kek drake. O djeteskro rouk hidjrell kek djeteskre drake. oun ap i harhetikri phoub vell kek djob baro. Kek bakre hi vin, oun kek groumya hi tarde an i stanya.

Zakarie 1:12

Koy penas o bolepaskro: “Baro Devel, tou ray pral o bolepen oun i phoub, har rah kameh tou gar tiro dji pre te krell i menshenge an Yerusalem oun an i vavar forya an o them Youda? 70 (efta-deesh) bersha hal rhoyedo pral lende.”

Remarja 8:22

Mer djinah, halauter, hoy o Devel kras, rovell oun dell gole i doukatar bis kava dives.