Jeremia 12:12 - O Debleskro Lab 2024 (Sinte-Manouche)

¹² Pral ko nango pralstouno them venn kol kourepangre, kay denn lauter khetne. O baro Devel anas len kay, te kourenn le pen i menshentsa an o tselo them, yek rigyatar bis ap i vavar. Oun kek nay nashell peske lendar.

O Debleskro Drom 2021 (Sinte)

¹² Pral ko nango pralstuno them wenn kol kurepangre, kai denn lauter khetne. O baro Dewel anas len kai, te kurenn le pen i menshentsa an o tselo them, jek rigjatar bis ap i wawar. Un kek nai nashell peske lendar.

Jeremia 12:12 Iomraidhean Croise

Jesaja 34:6

O rharo o baro Deblestar hi pherdo rat oun thulepen, yaake har i čouri pherdo rat oun boukengro thulepen hi ap ko dives, kay venn terne bakre, bouzya oun morsh bakre maredo o Debleske. Kanna rikrell o baro Devel i marepaskro dives an o foro Bozra, oun marell boud boud menshen an o them Edom.

Jesaja 57:21

Kek lačo koova hi i čilačenge, penell miro Devel.

Jeremia 15:2

Oun te poučenn yon toutar: Kay djas mer, pen lenge: O baro Devel penell: Ap koneste o merepen vella, ap koleste vell lo. Koon moulo dino vella i rhareha, kova vell moulo dino. Pral koneste i bok vella, kova merella i bokatar. Koon pandlo vella, kova vell pandlo.

Jeremia 16:5

O baro Devel penas ap mande: Tou djas an kek kheer, kay rovenn le pral yekeste, kay meras. Tou rovess gar lentsa, vitar gar peness lenge lače laba; me hom bouder gar i maal kal menshendar, hom lenge bouder gar lačo, oun krau miro dji lenge pandlo. Kova penell o baro Devel.

Jeremia 25:11

Kava tselo them vell i moulo them, kay kek djivell. Oun i menshe dran Israel oun kol themma trouyel venn an o them Babilonia anlo, oun hounte boudrenn o baro rayeske pral Babilonia efta-deesh bersha.

Jeremia 3:2

Ap havi berga hals tou gomme gar i morsheha čiddo? Ap o drom hal tou beshdo, oun loureh ap lende, har i Arabari an o moulo tato them. Oun tou kreh ko them pale-čiddo tiro vi-ladjedo oun djoungelo koveha.

Jeremia 3:21

I gole oun i ropen vell shounlo ap o pralstouno them: Kolla hi i Israelitarya, kay djivan i čilačo djipen, oun bistran lengro baro Debles.

Jeremia 30:5

Yob penas: Mer shounah i gole i trashatar; kokres i daar hi koy oun kek lačepen.

Jeremia 34:17

Doleske penell o baro Devel: T'mer shounan gar ap mande oun moukan t'mare phralen oun phenyen gar vin te djal, kay ninna Israelitarya hi har t'mer, doleske moukau me, o baro Devel t'men te djal, te venn maredo o rhareha, merenn ap o djoungelo nasslepen oun i bokatar. Te dikenn i menshe an tsele themma ap i phoub, hoy t'mentsa djal, denn le i vasta pral o shero khetne.

Jeremia 4:27

O baro Devel penas: Ninna te vell kay tseli phoub har i moulo them, kamau gar lauter paash te krell.

Jeremia 46:10

Kava hi o dives o baro Deblestar, kay hi o ray pral o bolepen oun i phoub. Ap ko dives dell lo kolen, kay kamenn les gar, kova pale, hoy yon ap leskre menshende kran. Leskro rharo rhal len, bis te hi lo čalo, oun vell mato lengro rateha. Yon hi har firhe, kay maredo venn o baro Debleske, kova, kay hi o ray pral o bolepen oun i phoub. Yob moukell len moulo te dell pash o pani Eufrat an o them, hoy kote čiddo hi, kay norden hi.

Jeremia 47:6

Tou, o baro Debleskro rharo, kaana kameh tou pre te herell? Mouk tele oun dja pale an tiri possita, oun ač pokones!

Jeremia 48:2

I Moabarya nay phourdenn pen bouder gar pre pral lengro foro Heshbon. Vavar menshe kamenn o foreske čilačepen te krell, oun penenn: Avenn, kras ko foro paash, te djivenn bouder kek menshe an leste! Oun tou, foro Madmen ačeh vitar gar. I lourde venn pral toute.

Jeremia 8:15

Mer patsam, kay vell lauter mishto. Či vas mishto! Mer kamams, te vell i tsiro, kay kova, hoy an mende nasselo hi, sasto vals. Kova vas gar. I daar vas.

Ropaskre gilja 3:17

Me bistrom, hoy i lačo djipen hi. Oun djinau bouder gar, hoy barht hi.

Ezekiel 14:17

Te moukoms me i kourepen vin te phagell an ko them, oun moukoms menshen oun firhen kote moulo te dell,

Ezekiel 21:28

I menshenge an o foro Yerusalem vell kova glan har i rhorheno dourkepen. O baro ray dran Babilonia krals lentsa vin, te krell lo lenge či, oun dals peskro vast koy pre. Kanna te vell yob pral lende, vell lenge an o shero, te rikran yon gar dren, hoy le leha vin kran. Oun yon venn tapedo.

Ezekiel 21:4

Oun palle hayvell hakeno, te moukom me, o baro Devel, koy yag pre te rhačell, oun kek nay krell lat vin.

Ezekiel 21:8

Pen lenge: Kava penell o baro Devel: Kanna sikrau les t'menge! Miro rharo lau dran peskri possita, oun marau t'men halauteren, i lačen har i čilačen.

Ezekiel 21:9

Ava, miro rharo vell vin dran peskri possita, oun vell pral hakeneste an o them yek rigyatar ap i vavar, te venn i lačen har i čilačen maredo.

Ezekiel 5:2

Ap ko tsiro, kay vell o foro dren lino, rhače yek triinto kotar foun kol balla mashkral an o foro. Oun i vavar triinto kotar de ko rhareha paash vin glan kol foreskre voudya. Oun ko vavar triinto kotar vitse pre, te lell len o dourho peha! Yaake lau me i menshen dran Yerusalem palla o rhareha.

3. Mose 26:33

T'men tradau me mank i menshende an i vavar themma, oun lau t'men o rhareha palla. T'maro them vell i moulo them, oun t'mare foryendar ačell či pral har barra.

Amos 9:4

Ninna te djan le pandles an i vavar them glan kolende, kay pandan len, moukau len kote o rhareha te marell. Me rikrau len an o yak, te krap len čilačepen, oun kek lačepen.

Zefanja 2:12

Ninna pral t'mende an o them Etiopia, bičrau lourden, kay marenn t'men o rhareha.

5. Mose 32:42

Kol fayle, kolentsa karye dau, lendar perell o rat tele – ko rat kolendar, kay me moulo dau, ninna kol pandlendar. Miro rharo rhal o mass kolendar, kay kouran pen mantsa, oun dell lengre sherya paash.

Debleskro tsiro 6:4

Oun i vavar gray vas vin. Ko gray his lolo har i yag. Oun kova, hoy pre beshdo his, koles vas i zoor dino, te anell lo o kourepen ap i phoub, yaake te marenn pen i menshe. Oun les vas i baro rharo dino.