Jeremia 11:6 - O Debleskro Lab 2024 (Sinte-Manouche)

⁶ Oun o baro Devel penas ap mande: Dja an kol forya an o them Youda, oun ap kol dromma an o foro Yerusalem, oun pen: Shounenn kol laba, hoy me t'mentsa vi-krom, oun krenn kova ninna!

O Debleskro Drom 2021 (Sinte)

⁶ Un o baro Dewel penas ap mande: Dja an kol forja an o them Juda, un ap kol dromma an o foro Jerusalem, un pen: Shunenn kol laba, hoi me tumentsa wi-krom, un krenn kowa ninna!

Jeremia 11:6 Iomraidhean Croise

Debleskri gili 15:5

Te patsas lo peskre love, lell lo gar boudeder love pale. Ninna te denn le les shoukar koova, anell lo kek rhorhepen ap koleste, kay kek čilačepen kras. Koon yaake djivella, kova hi zoreles tardo an peskro djipen.

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Jeremia 19:2

Oun dja vin an koy tala Ben-Hinnom, kay glan ko foreskro voudar hi, kay i paash-dine pirya čiddo hi. Oun pen i menshenge kol laba, hoy me touke penau.

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Jeremia 3:12

Dja koy oun de kol laba gole ap kolende, kay djivenn an o norden oun pen: “Tou Israel, kay djal mandar krik, am pale”, penas o baro Devel. Palle kamau bouder gar rhoyedo ap t'mende te dikell. Man hi i dji t'menge, oun kamau gar hako tsiro rhoyedo te vell ap t'mende.

Jeremia 7:2

Dja oun čip tout an ko voudar o baro Debleskro kherestar, oun pen i menshenge kal laba: T'mer lauter dran o them Youda, kay djan kate dren, te mangenn o baro Debles an, shounenn o baro Debleskro lab!

Zakarie 7:7

Kava hi kova, hoy o baro Devel moukas te penell dran o mouy leskre rakepangre, kay glan mande koy his, har o foro Yerusalem bravelo his, oun boud menshe kote djivan, ninna an i forya trouyel oun an ko moulo them, hoy kharell Negev, oun an o telstouno them.

Johanni 13:17

T'mer djinenn kova kanna halauter. Te krenn t'mer kova, han barhtelo.

Remarja 2:13

Glan o Debleste hi kolla čačo, kay krenna, hoy yob kamella, oun gar kolla, kay shounenn kol laba oun krenn gar, hoy kol laba penenna.

5. Mose 4:1

Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

5. Mose 4:5

Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.

Jakobo 1:22

Hi gar doha, te shounenn leskro lab. T'mer hounte krenn, hoy ko lab penella. T'mer te krenn kova gar, palle rhorhenn t'men kokres.