Jeremia 11:23 - O Debleskro Lab 2024 (Sinte-Manouche)

²³ An ko bersh, kay dau i menshende an Anatot i phagi, oun anau i bibarht pral lende, ačell kek lendar djido.

O Debleskro Drom 2021 (Sinte)

²³ An ko bersh, kai dau i menshende an Anatot i phagi, un anau i bibacht pral lende, atchell kek lendar djido.

Jeremia 11:23 Iomraidhean Croise

Jeremia 11:19

Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

Jeremia 23:12

Doleske vell ko drom, kay le djan har i sapeno drom an o tamlepen, kay venn le tradedo oun perenn. Me moukau bibarht pral lende te vell an ko tsiro, kay dau len i phagi. Kova penell o baro Devel.

Jeremia 44:27

Me dau garda, te vell bibarht ap lende oun kek barht: Koon dran o them Youda hi, oun an o them Egiptia vas, kova merell o rhareha oun i bokatar, bis te hi kek lendar bouder koy.

Jeremia 46:21

Ninna i lourde, kay playsedo venna an kava them, hi har terne thoulle groumya. Yon nashenn penge oun kourenn pen gar ap ko čilačo dives, kay vell i bibarht pral lende, oun yon pengri phagi lenna.

Jeremia 48:44

Kova kay nashell peske glan koy bari traash, kova perell an i rheb dren, oun kova kay nay stakrell dran i rheb vin, kova vell i doryentsa pandlo. Ava, ko bersh vella, kay dau i menshenge an o them Moab pengri phagi. Kova penell o baro Devel.

Jeremia 5:29

Moukap me len kova te krell oun penap či koy pre, penell o baro Devel. Dap me save menshen kek phagi?

Jeremia 5:9

Oun me hounte dap len kek phagi? penell o baro Devel, oun dap have menshen har kalla gar pale, hoy yon kran?

Jeremia 50:27

Marenn i tsele terne morshen, denn len tele čourye har terne gourma! Har djoungeles djal lenge! Lengro dives vas, ko tsiro, kay lenn le pengri phagi!

Jeremia 6:9

O baro Devel, ko ray pral o bolepen oun i phoub, penas ap mande: Yaake har i harho douy, triin kope peskre drake tele činell, te lell lo ninna kolla tele, hoy pral ačan, yaake djas tou pale pash kolende, kay an Israel pral ačan, te aness len pash mande.

Jeremia 8:12

Yon hounte ladjans koleske hoy yon kran, koveha man rhoyran. Kova krenn le gar. Yon ladjenn gar. Hoy ladj hi, djinenn le gar. Doleske venn yon maredo khetne kol vavarentsa. Te vau me, oun dau len i phagi, hounte perenn le, penell o baro Devel.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Obadja 1:18

Oun i menshe dran i khera Youda oun Israel venn har i yag. Oun o kheer Edom hi o phouss, hoy vell pre rhačedo, bis te či o kherestar Esau pral ačas. Kova penell o baro Devel.

Micha 7:4

I feteder oun lačeder lendar denn čourye har soubyengre bourra. O dives vell sik, kay t'mari phagi vell, ko dives, koles kolla glan-vi dikan, kay dan t'men trad. An ko tsiro vell i daar pral t'mende, te djinenn bouder gar, hoy te krenn.

Louka 19:44

Oun yon marenn t'mare menshen, oun denn t'mare čaven an ko foro moulo. Mo Devel kamas t'men peskro lačepen te sikrell. Oun t'mer kaman gar te krenn t'maro dji leske pre. Doleske ačell kek bar ap ko vavar an kava foro.”