Jeremia 11:21 - O Debleskro Lab 2024 (Sinte-Manouche)

^21-22 I menshe an Anatot kaman man moulo te dell, oun penan mange: Mouk tele, te rakress, hoy o baro Devel touke penas, te kameh gar, te maras tout mare vastentsa! Doleske penell o baro Devel, ko ray pral o bolepen oun i phoub: Me kamau kol menshen an Anatot i phagi te dell: Lengre terne morsha venn o rhareha moulo dino, oun lengre čave oun ča hounte merenn i bokatar.

O Debleskro Drom 2021 (Sinte)

^21-22 I menshe an Anatot kaman man mulo te dell, un penan mange: Muk tele, te rakress, hoi o baro Dewel tuke penas, te kameh gar, te maras tut mare wastentsa! Doleske penell o baro Dewel, ko rai pral o bolepen un i phub: Me kamau kol menshen an Anatot i phagi te dell: Lengre terne mursha wenn o chareha mulo dino, un lengre tchawe un tcha hunte merenn i bokatar.

Jeremia 11:21 Iomraidhean Croise

Jesaja 30:10

Ap i dikepangre penenn le: “Ma dikenn i dikepen.” Oun ap o Debleskre rakepangre penenn le: “Ma penenn menge, hoy o Devel t'mende sikras oun hoy čačo hi! Penenn menge kova, hoy pes menge shoukar an-shounell! Oun sikrenn men sau koova, har mari djia les kamenn.

Jeremia 1:1

Kalla hi kol laba, hoy o Yeremia rakras. Leskro dad his o Hilkiya. Kova his yek kol rashayendar an o gab Anatot an o them Benyamin.

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Jeremia 32:7

Shoun, o Hanamel, ko čavo tiro kakestar, o Shalloum, vell pash toute oun penella: Gin touke miro kotar them pash o foro Anatot; tou hal o ersto mank mare menshende, kay hounte ginell les mandar, te ačell ko kotar them an i familya.

Jeremia 34:20

Oun me dau len an i vasta kolendar, kay kamenn len te marell, oun lenge ap o djipen djan. Oun lengro moulo mass vell o rhapen i čirklenge oun i divye firhenge.

Amos 2:12

Oun hoy krenn t'mer: T'mer denn kolen mool te piyell, kay mange koy hi! Oun ap mire rakepangre penenn t'mer: Ma rakrenn an o Debleskro lab!

Micha 7:6

An ko tsiro dikell o čavo tele ap peskro dadeste, i čay shounell gar ap peskri date, oun o čaveskri romni krell gar, hoy lakro romeskri day penell. Oun i djoungleder menshe hi kolla, kay djivenn khetne touha an yek kheer.

Mateo 10:21

Ap ko tsiro dell i phraal peskro phrales an lengre vasta, te vell lo maredo. Oun o dad dell o čaves an lengre vasta, te vell yob maredo. Oun i čave hi midjak ap pengre dadende oun pengre dayende, oun denn len an i vasta kolendar, kay marenn len.

Mateo 21:35

I harhe tapran kol boudepangren. Ko yekes dan le dava, oun ko vavares maran le. Oun pale i vavares vitsran le i barrentsa moulo.

Mateo 22:6

Oun pale vavar tapran kol boudepangren, praasan len, oun maran len.

Louka 4:24

Kava penau me t'menge: Kek Debleskro rakepaskro vell kote sharedo, kay yob khere hi.