Jeremia 11:19 - O Debleskro Lab 2024 (Sinte-Manouche)

¹⁹ Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

O Debleskro Drom 2021 (Sinte)

¹⁹ Me homs har i terno bakro, kai djinell gar, te well lo kote anlo, kai well lo maredo. Jaake djinom gar, kai rakran le khetne, har te krenn le mange tchilatchepen. Jon penan mandar, har te woms i ruk: Mer dah ko ruk tele, jaake rah har hi lo sasto. Maras les, te well lo bistedo!

Jeremia 11:19 Iomraidhean Croise

Hiob 28:13

Kek mensho djinell, har boud o gosvepen moldo hi. Ap i phoub, kay i menshe djivenn, vell lo gar hatslo.

Debleskri gili 109:13

Kre, te merenn kolla vin, kay pal leste venna. Leskre čavengre čaven venn kek čave bouder, yaake te vell lengro lab bistedo.

Debleskri gili 112:6

Yob ačell zoreles tardo hako tsireske. Kova, kay an o čačepen tardo hi, vell an kek tsiro bistedo.

Debleskri gili 116:9

Yaake djivau glan toute kate ap kay phoub, kay i menshe djide hi.

Debleskri gili 142:5

Dik tout trouyel: Kek kamell mandar čomone te djinell. Me nashte nashau gar mange. Kek poučell pal mande.

Debleskri gili 27:13

Me djinau, te dikau me o lačepen o baro Deblestar an kava djipen.

Debleskri gili 31:13

Boud bistran man, har te voms moulo oun paskedo. Lenge hom har i phagedo čaro, hoy krik vitsedo vas.

Debleskri gili 35:15

Hi vavarčandes lentsa. Har me perom, stan le i barhtyatar, oun čivan pen khetne, te djan le ap mande pre. Depangre van, kay prindjrom gar, oun dan man dava oun moukan gar tele.

Debleskri gili 52:5

Tou kameh o čilačepen boudeder har o lačepen. Oun o rhorhepen kameh tou boudeder har o čačepen.

Debleskri gili 83:4

Yon čivenn pen khetne oun rakrenn, har nay krenn le tire menshenge čilačepen. Pal o doumo krenn le vin, te djan le ap kolende, kay khatrenn pen pash toute.

Gosewe laba 10:7

Lače menshe venn gar bistedo. Kova, hoy le kran, hi o Debleskro lačepen. I čilače venn bistedo.

Gosewe laba 24:15

Ma loure har i čilačo ap o kheer kolestar, kay an o čačepen tardo hi! Ma de koy platsa khetne, kay čivell lo pes sopaske!

Gosewe laba 7:22

Oun yob nashas lake palla, har i groumni, hoy gar djinell, te vell li maredo, oun yaake har i vesheskri bouzni, hoy stakrell an i dorya, hoy lat taprenn,

Jesaja 32:7

O rhorheno djal rhorhene dromma. Čilačo koova lell lo peske glan, oun leskro rhorhepah anell lo doosh ap i čorvelende, ninna te hi kolla an o čačepen.

Jesaja 38:11

Me dikau o baro Debles gar bouder kate an o them, kay i djide hi. Oun kote, kay hi kek djipen bouder, dikau kek vavar menshen bouder.

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Jeremia 18:18

Koy hi menshe, kay penenn: Avenn, te rakras koy pral, havo čilačepen mer nay krah ap o Yeremia. Men hi doha rashaya, kay nay sikrenn men maro drom, oun doha goseve, kay nay penenn menge, hoy te kras, oun doha Debleskre rakepangre, kay nay penenn menge o Debleskre laba. Mer tapras les leskre labentsa, oun das či ap leskro rakepen!

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Ropaskre gilja 3:60

Tou dikeh, har yon kamenn man čilačepen pale te dell, oun tou prindjreh, hoy an lengro shero trouyel djala, oun hoy kamenn le mantsa te krell.

Ezekiel 32:24

Kote hi o Elam peskre tsele menshentsa. Troul leste trouyel hi le paskedo. Yon halauter van maredo o rhareha, oun djan tele an o moulengro them, kolla, kay gar činlo van ap pengro mass. Har le djido his, his i vavaren bari daar lendar. Kanna hounte hidjrenn le pengri ladj khetne kol vavarentsa an o moulengro them.

Daniel 9:26

Oun pal kol efta kope 62 (shob-deesh-te-douy) bersha vell ko ray maredo, kay o Deblestar bičedo vas. Oun kek his ap leskri rig tardo. Oun palle venna lourde yek rayestar, kay gomme vella, oun denn o fores oun o Debleskro kheer paash. Oun yon djan tele har an i baro pani. Oun yaake rah har i phoub gomme koy hi, ačell kourepen oun marepen. Kova hi i vi-kerdo koova.

Hosea 9:8

Miro Devel bičras man, leskro rakepaskres, te dap yak ap t'mende an o them Efrayim. Oun t'mer čivenn i netsa vin ap mire tsele dromma, te taprenn man har i čirkles. Ninna an o kheer miro Deblestar lenn t'mer man palla.

4. Mose 1:14

Dran o kheer Gad: o Elyasaf, leskro dad hi o Degouel.