Jeremia 11:15 - O Debleskro Lab 2024 (Sinte-Manouche)

¹⁵ Kal menshe, kay len kamau, hoy krenn le an miro kheer? Yon krenn čilačepen oun penenna: Koy doosh, hoy ap mende anam, vell mendar krik lino, te dah mer sovel, te anah o Debleske firhen. Oun te krenn yon djoungelo koova, hi le barhtelo koy pral.

O Debleskro Drom 2021 (Sinte)

¹⁵ Kal menshe, kai len kamau, hoi krenn le an miro kheer? Jon krenn tchilatchepen un penenna: ‘Koi doosh, hoi ap mende anam, well mendar krik lino, te dah mer sowel, te anah o Debleske viechen.’ Un te krenn jon djungelo koowa, hi le bachtelo koi pral.

Jeremia 11:15 Iomraidhean Croise

Debleskri gili 50:16

Ap o čilačeste penell o Devel: “Hoske leh tou mire laba an o mouy? Hoske peneh, me voms tiro Devel?

Debleskri gili 60:5

Tou moukal tire menshen pharo koova te dikell. Tou dal men savi mool te piyell, te vam mato.

Gosewe laba 10:23

O dineleske hi shoukar, te krell lo vi-ladjedo koova. O gosevo morsheske hi shoukar, te hayvell lo gomme boudeder.

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Gosewe laba 2:14

Lenge hi shoukar, te krenn le čilačo koova, oun yon sanenn, te krenn le djoungelo koova.

Gosewe laba 21:27

Kova, hoy anenn i čilače o baro Debleske, hi djoungeles glan leskre yaka. Har boud boudeder, te krenn le kova dran i čilačo dji.

Gosewe laba 26:18

Har i baro dinelo, kay troul peste karye dell oun menshen moulo karye dell,

Gosewe laba 28:9

Kova, kay kamell či o Debleskro dromestar te djinell, oun palle mangell lo čomone o baro Deblestar, koleskro mangepen hi djoungelo glan o Debleskre yaka.

Jesaja 50:1

Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

Jeremia 12:7

Me moukom mire menshen, ko kheer Israel. Kolen, kay mange vin rodom, tradom mandar krik. Kol menshen, kay o djiyestar kamau, dom an i vasta kolendar, kay kamenn len te marell.

Jeremia 13:27

Yerusalem, me dikom, har moukal man, dikom tiri rhanč pal vavar deblen, tiro vi-ladjedo koova, tire figure, kolentsa rhoyral man ap i berge oun ap o them. Tou bibarhteli, hal pale-čiddo glan mande! Har rah kameh tou kova te ačell?

Jeremia 15:1

Oun o baro Devel penas ap mande: Ninna te vals o Mose oun o Samuel glan mande tardo, kroms me kal menshenge miro dji gar pre. Trade len krik mandar, oun mouk len te djal!

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Jeremia 23:11

O baro Devel penell: Mire rakepangre shounenn gar ap mande, vitar gar mire rashaya. Lengro čilačo koova hatsau ninna an miro kheer.

Jeremia 3:14

Avenn pale, t'mer čave, kay nashan mandar krik, penell o baro Devel. Me hom t'maro ray. Me kamau t'mendar te lell yekes dran hako foro oun douy dran haki familya, oun kamau t'men an Sion te anell.

Jeremia 3:8

har me lakri phenyat, i Israel, krik bičrom koleske, kay das li pes vavar morshentsa trouyel, oun dom lat i liil, kay činlo hi, te bičrom lat krik. Kova kras i rhorheni Youdake kek daar. Yoy djas koy oun das pes ninna trouyel vavar morshentsa.

Hosea 3:1

Oun o baro Devel penas pale ap mande: “Dja, oun sike i djouvyake har kameh lat, savi djouvyake, kay nashell vavar morshenge palla, ninna te kamell lat lakro pirno. Yaake sikrau me, o baro Devel, i Israelitaryen, te kamau len, ninna te nashenn le vavar deblenge palla oun kamenn kol drakengre merklia, hoy le lenge anenn.”

Mateo 22:11

Oun o baro ray vas an o kheer, te dikell lo kolen, kay kote hi. Koy dikas lo kote i morshes, kay kek biyabeskro ripen ap leste hi.

Louka 8:28

Boud kope tapras les o beng. Oun i menshe pandan les sasterne shellentsa ap i vasta oun ap i pire. Yob phagas kol sasterne shelle pestar tele. Oun o beng tradas les an o moulo them. Har ko morsh kanna o Yezouses dikas, vitsras pes lo glan leste ap i phoub. Oun o Yezous penas zoreles ap o bengeste: “Dja lestar vin!” Koy das yob bari gole: “Yezous, čavo o baro Deblestar, hoy kameh tou mandar? Me mangau tout: Ma douke man!”

Remarja 11:28

Te dikau, har patsenn i bibolde gar ap o lačo lab o Yezous Kristestar, hounte penap: Yon hi gar o Debleskre mala. Kova vas yaake, te nay venn t'mer pash o Debleste. Te dikau, har rodas o Devel lengre phouren an o phouro tsiro vin, hounte penap, kay leskro kamlepen lenge his.

1. Korintarja 13:6

Kones hi o Debleskro kamlepen an o dji, kova hi gar barhtelo pral o čilačepen. Yob hi barhtelo pral o čačepen.

Tito 1:15

Kolla, kay o Yezous lengri doosh lendar las, kolla hi djoudjo oun erligo glan o Debleste. Kolenge dell či, hoy hi pale-čiddo. Kolla, kay gar ap leste patsenn, kolla hi pale-čiddo glan o Debleste. Kolenge hi lauter pale-čiddo. Lengro dji hi čilačo, oun yon hayvenn bouder gar, hoy mishto oun čačo hi.

Jakobo 4:16

Kova penenn t'mer gar. T'mer krenn t'men bares, oun sharenn t'men pral kova, hoy t'mer krenna. T'maro sharepen hi gar mishto.