Jeremia 11:10 - O Debleskro Lab 2024 (Sinte-Manouche)

¹⁰ Yon krenn savo čilačo koova har lengre phoure kran, kay glan lende his, oun kaman ap mire laba vitar gar te shounell, oun nashan kol vavar deblen palla oun mangan len an. Yaake rikran kol menshe dran o kheer Israel oun dran o kheer Youda kol laba gar dren, hoy krom lengre phourentsa vin.

O Debleskro Drom 2021 (Sinte)

¹⁰ Jon krenn sawo tchilatcho koowa har lengre phure kran, kai glan lende his, un kaman ap mire laba witar gar te shunell, un nashan kol wawar deblen palla un mangan len an. Jaake rikran kol menshe dran o kheer Israel un dran o kheer Juda kol laba gar dren, hoi krom lengre phurentsa win.

Jeremia 11:10 Iomraidhean Croise

Debleskri gili 78:57

Yon peran lestar tele. Oun yaake har lengre phoure menshe kran, kran yon ninna, oun kaman o Deblestar bouder či te djinell. Či-moldo his le har i bogo, koleskri dori bouder gar zorelo hi.

Jesaja 24:5

I menshe ap i phoub moukan o Debleskro drom, oun rikran pen gar ap leskre laba, oun djivan gar yaake, har lo lentsa vin kras, oun hoy hako tsireske čačo hi. Yaake kran le i phoub pale-čiddo.

Jeremia 13:10

Kalla čilače menshe, kay kamenn mire laba gar shounell, djan pal pengro shero, oun djan vavar deblenge pal, anenn lenge firhen, oun mangenn len an. Yon hounte venn har ko pereskro pandepen, hoy bouder či molella.

Jeremia 17:23

Yon shounan gar ap mande, oun dan gar yak ap mire laba, djan pal pengro shero, oun rikrenn pen gar ap kova, hoy lenge penom.

Jeremia 22:9

Oun palle penenn le lenge: Leskre menshe rikran gar dren, hoy yob lentsa vin kras, te hi lo lengro Devel oun yon peskre menshe. Oun yon mangan vavar deblen an oun peran glan lende tele.

Jeremia 31:32

Kova hi gar har kova, hoy lengre phourentsa vin krom, har lom len pash o vast oun lom len dran o them Egiptia. Kol laba, hoy lende dom, te rikrenn le pen ap lende, phagan le, ninna te hom me lenge i lačo ray.

Jeremia 44:16

Kol laba hoy tou menge an o baro Debleskro lab peneh, ap kolende kamah mer gar te shounell.

Jeremia 44:5

Yon shounan gar, oun dan gar yak ap mire laba, oun moukan gar pengro čilačepen, oun moukan gar tele te rhačrenn le soungepaskro koova kol vavar deblenge.

Jeremia 7:28

Doleske pen ap lende: t'mer han kal menshe, kay shounan gar ap lengro baro Debleste. Oun t'mer moukenn t'men či te penell. O čačepen hi moulo. Kek rakrell bouder pral o čačepen.

Jeremia 9:6

Doleske penell o baro Devel, ko ray pral o bolepen oun i phoub: Har o roup an i yag djoudjes kerdo vell, yaake kamau mire menshen doukentsa djoudjes te krell. Dell či vavares, hoy krap me nay mire menshenge.

Ezekiel 16:59

Kava penell o baro Devel, maro ray: Ava, me krau touke yaake, har tou kral: Tou dal tout sovel, te rikreh ap mande, oun rikral koy sovel gar.

Ezekiel 44:7

T'mer moukan vavar menshen an miro kheer dren, saven kolengro dji gar mange hi, oun kay hi gar činlo ap pengro mass. Yaake kran, te vas miro kheer pale-čiddo. Yon his koy pashel, har anan t'mer rhapen oun thulepen oun rat glan mande. Yaake phagan t'mer, hoy mer vin kram. Koy pashel vell kava tselo djoungelo kova, hoy kran.

Ezekiel 5:6

I menshe an Yerusalem moukan pen či mandar te penell, oun shounan gar ap mande. Yon van čilačeder har kol themma, kay troul lende hi. Mire čačepaskre laba vitsran le pal pende, oun djivan gar yaake har lendar kamom.

Hosea 6:4

Hoy te krap touha, Efrayim? Hoy te krap touha, Youda? T'mer moukenn man yaake sik har i folka, hoy taysarlakro krik djal, oun har ko pani, hoy ap o zenlepen hi.

Hosea 6:7

Yaake sik har van le an o them dren pash o foro Adam, rikran le pen bouder gar ap kova, hoy me, o baro Devel lentsa vin krom, oun moukan man.

Hosea 7:16

Yon rissrenn pash i debleste, koles kek zoor hi. Yon hi har i bango bogo, koleha kek faylo kote djal, kay te djal lo. Lengre pralstoune hi bare mouyengre. Doleske venn le maredo o rhareha. Palle san i Egiptarya pral lende.

3. Mose 26:15

oun krenn gar, hoy t'mendar kamau, oun djivenn gar pal miro čačepen, oun rikrenn yaake gar dren, hoy t'mentsa vin krom,

Zefanja 1:6

Marau ninna kolen, kay perenn mandar tele, oun kolen, kay poučenn gar pal mande, oun kamenn či mandar te djinell.

Zakarie 1:4

Ma avenn har t'mare phoure! Glan boud bersha penan lenge mire rakepangre mire laba oun penan: Kava penell o baro Devel, ko ray pral o bolepen oun i phoub: Moukenn t'mare čilače dromma! Ma krenn bouder gar čilačo koova! Yon shounan gar ap mande oun kran gar, hoy lenge penom.

Zakarie 7:11

Mire menshe kaman gar yak te dell ap mire laba, oun rissran mange pengro doumo, oun pandan pengre kanda, te shounenn le gar, hoy me lenge penom.

Zakarie 7:13

Oun djas yaake: Yon shounan gar, hoy lenge penlo vas. Doleske kamom vitar gar te shounell, har yon gole dan, penas o baro Devel, ko ray pral o bolepen oun i phoub.

5. Mose 31:16

O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

5. Mose 9:7

Ma bistrenn, har rhoyran t'maro baro Debles an o moulo them, Ko divesseha har djan t'mer vin dran o them Egiptia bis te van kate, kay kanna han, kaman gar ap leste te shounell.

Hebrearja 8:9

Kava nevo drom hi gar yaake, har ko phouro drom, hoy sikrom lende ap ko dives, kay taprom lengre phouren ap i vasta, te anap len dran o them Egiptia vin. Har ačan le gar ap miro drom, moukom len.

Čačepangre 2:11

Oun koy kran i Israelitarya kova, hoy čilačes hi glan o baro Debleskre yaka. Oun yon mangan ko debles an, hoy kharas Baal,

Čačepangre 2:17

Oun ninna ap pengre čačepangre morshende shounan le gar. Na-a, yon vitsran pen glan vavar deblende tele oun mangan len an. Sik djan le tele ko dromestar, hoy lengre phoure djan, kay shounan ap i laba o baro Deblestar. Kova kran yon gar.

Čačepangre 2:19

Pal leskro merepen peran le pale o čačo dromestar tele, oun kran les gomme djoungleder har pengre phoure kova kran, oun nashan vavar deblenge palla, oun vitsran pen glan lende tele, oun mangan len an. Oun moukan pen kekestar ko čilačo dromestar tele te anell. Pal pengre shere djan le pengro drom.

1. Samuel 15:11

“Man doukella, te čivom me o Saules pral o Israel, te vell lo lengro baro ray. Yob sikras mange o doumo, oun kras gar, hoy me leske penom.” Kova doukas o Samueles an o dji, oun yob das i tseli rat ap o baro Debleste gole.